Xo̱jo̱n Salmoo̱ 51:10 - Xo̱jo̱n eén Néná

¹⁰ Ji Ne, ngo ini̱ma̱ xi tsjie ti̱ꞌindení, kó ngo a̱siénni̱xtjin xi kixi̱ tꞌíjñijìnní.

Xo̱jo̱n Salmoo̱ 51:10 ပူးပေါင်းရင်းမြစ်များ

Xo̱jo̱n Salmoo̱ 24:4

Ta̱kuítsí xota̱ xi tsjie tsjaa̱, ko̱jo xi tsjie ini̱ma̱a̱, kui xi jmíjéjiín, ko̱jo kui xi jmí tsi ta̱xkiya ndyi̱tsꞌéndíkón ni xi jmí ni chjíjiín, ti̱nde índisojín nga sa̱ꞌínkjatjosón ngo ni.

Xo̱jo̱n Salmoo̱ 35:10

Ngayeje ńdana, bi̱ ka̱tso̱: «¡Ji Ne, jmíjín ingo Ne xi xikoó jí! Ji xi ꞌnaxiéꞌé ji xota̱ xi indaa̱, kjo̱a̱a̱ xota̱ xi ꞌniú ngasee̱, ko̱jo ꞌnaxiéꞌé ji xota̱ ni̱ma̱a̱ ko̱jo xi jmí nijiín, kjo̱a̱a̱ xota̱ xi foaꞌáxiín ni xi tjiín».

Xo̱jo̱n Salmoo̱ 73:1

Nga ja̱koxi̱ Néná, achichí ndaxota̱ tsꞌénjo̱ xota̱ Israee̱l, kui xota̱ xi tsjie síndo ini̱ma̱a̱.

Xo̱jo̱n Salmoo̱ 78:37

ngatꞌa̱ ini̱ma̱a̱ jmí tsi kixi̱ kamá, ti̱nde jmí tsi kamáꞌniátakón nga katsꞌénkjatjosón ni xi índajo̱.

Xo̱jo̱n Salmoo̱ 78:8

Kó nga bo̱a̱jín kón ka̱ma xikoó xota̱ xi xchaá, kui xi tji̱e̱e̱ xota̱ ndajín ko̱jo xi kitikjo̱a̱ kamá. Tji̱e̱e̱ xota̱ xi katsjájiín kon ini̱ma̱a̱, ti̱nde a̱si̱énni̱xtjii̱n kixi̱jín kamá nga kamáꞌniátakón Néná.

Énkjínkón 20:9

Nde ngojín xota̱ xi ka̱ma bo̱a̱ ka̱tso̱ nga je katsꞌéntsjie ini̱ma̱a̱ ko̱jo nga jmíjéjiín.

Matioo̱ 5:8

Achichíra̱tsjaa̱ xota̱ xi tsjie ini̱ma̱a̱, ngatꞌa̱ kuí xí sku̱i̱e̱ Néná.

Ni xi kamá 11:23

kó nga jachó, kamábe kjo̱a̱ndaa̱ Néná kó tsja kamaá, kó ꞌniú atíxomaa̱ ngayeje xotaa̱ tsi̱ꞌe̱ nga ngayeje ini̱ma̱a̱ nga ꞌniú ka̱maꞌniátakón Ndi̱a̱ná,

Ni xi kamá 15:9

kó Néná skjánjín tjítsꞌénná ñá ko̱jo kui jaá, ngatꞌa̱ ti̱ jè katsꞌéntsjie ini̱ma̱a̱ ngije kisꞌijii̱n Néná nga.

Xota̱ Roma̱ 12:2

Kó ngata̱ bo̱a̱jín tsꞌén mindyiónjnú xikótsꞌèn síndo xotaa̱ kui nga̱sondiee̱, ta̱sá te̱ꞌéndièjnúu̱ nga ka̱matja̱tsi̱e̱ya kjo̱a̱kjíntakónjnú, tsi̱ꞌe̱ nga bo̱a̱ tsꞌén xcha̱jnú ni xi nda, ko̱jo xi tsjakjiꞌi, ko̱jo xi ndo̱jò kjin kjin xi mejeén Néná.

1 Xota̱ Korinto̱ 15:58

Kó kuíni jún bo̱a̱ ndí ntsꞌie xi tjóna, ꞌniú ti̱ndyiàjnú, kó ndyiojón ndyiojón, ko̱jo saꞌniú sáꞌniú ti̱ꞌánjnú xaá Ndi̱a̱ná, ngatꞌa̱ jún jè yàjnú nga ta̱ kjo̱a̱ndajiín xaá Ndi̱a̱ná xí ndyi̱niꞌánjnú.

2 Xota̱ Korinto̱ 5:17

Kó kuíni nga kui xota̱ xi je katsꞌéngojo̱ yojoo̱ Kristoo̱, ngo xota̱ xi tja̱tsi̱e̱ je kamá, ni xi xchaá jè jaꞌa, kó ni xi tja̱tsi̱e̱e̱ jè jeꞌe.

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

Xota̱ Kolosa̱ 3:10

Kó ngotꞌe̱ ꞌne̱ xikoó tsi je kichajájnú ngo ńjño xi tja̱tsi̱e̱, nga Néná tjítsꞌéntja̱tsi̱e̱yajnú xi kókón kui, ko̱jo nga nda ngase xcha̱jnú kókón Néná.

Titoo̱ 3:5

tsꞌaxiéꞌáná, ta̱nga jmí tsi kjo̱a̱a̱ ni xi kiniꞌán, tsi kjo̱a̱a̱ ngo ni xi kixi̱ xi kiniꞌán, ta̱sá ta̱ngatꞌanii̱ nga kamáni̱ma̱a̱ ñá. Katsꞌéntsjiená kjiꞌanga katsꞌéntsen nginíná, kó A̱si̱énni̱xtjii̱n xí katsꞌéntja̱tsi̱e̱yaniná.

Xo̱jo̱o̱n Sandiyaá 1:8

Ngatꞌa̱ kui nda̱ xi bejín ni xi mejeén, jmíni̱xtjin nda tsꞌén kjótsoꞌbá ndi̱yà xí tsoꞌbá.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.