Xo̱jo̱n Salmoo̱ 51:1 - Xo̱jo̱n eén Néná

¹ Ngatamani̱ma̱a̱ an Ne, xikó kjiꞌi kjo̱a̱ni̱ma̱takón xi tjiín, kó ti̱ꞌinkjie ji ni xi ndajín xi katsꞌen an, xikó kjiꞌi kjo̱a̱ni̱ma̱takón tsie xi tjiín.

Xo̱jo̱n Salmoo̱ 51:1 ပူးပေါင်းရင်းမြစ်များ

Xo̱jo̱n Salmoo̱ 106:45

kuíni nga asíkjo ni xi sa̱ꞌín katsaki. Ta̱ngatꞌanii̱ kjo̱a̱tjoó Néná nga jaꞌátsjiee̱n ni xi índajo̱ xota̱ Israee̱l,

Xo̱jo̱n Salmoo̱ 106:7

Kjiꞌanga ki̱a̱ kisꞌińdo nangi Ejipto̱, tsaꞌaxki̱jín ni yiꞌi xi kiniꞌín ji, katsꞌénkjaꞌátsjienjín kjo̱a̱tjó jèe̱, kó ki̱a̱ tꞌa Ndáchíkón Inií kondra̱ tse̱ kisꞌińdoni.

Xo̱jo̱n Salmoo̱ 109:21

Ta̱nga an ki, nda ti̱ꞌinje̱ní, jí boá ngo Ne xi ndaxota̱, ¡ꞌna̱xiéꞌéní, ta̱ngatꞌanii̱ kjo̱a̱ndàa̱!

Xo̱jo̱n Salmoo̱ 119:124

¡ꞌNiú tjó ti̱ꞌinje̱ní, kó takoyèní kjo̱a̱botíxomàa̱!

Xo̱jo̱n Salmoo̱ 4:1

Ji Ne, ji xi tjiín kjo̱a̱kixi̱i̱, ¡ti̱ꞌinsénní kjiꞌanga kuichjiáa̱! Kjiꞌanga achichí nda̱ kamána jí boá xi katseꞌéní ngaꞌniú, ¡ngatamani̱ma̱a̱ an, kó ndaꞌyé ji nga kuichjiaá!

Xo̱jo̱n Salmoo̱ 40:11

Kó ji Ne, te̱ꞌéní kjo̱a̱ni̱ma̱takóo̱n, ko̱jo kjo̱a̱ndàa̱, ko̱jo kjo̱a̱ꞌniátakóo̱n ngatsjéni̱xtjin.

Xo̱jo̱n Salmoo̱ 5:7

Ta̱nga an ki, kꞌosꞌi̱e̱n an ndiꞌáa̱ ta̱ngatꞌanii̱ kjo̱a̱ni̱ma̱takón jèe̱, kó nga bendikoón jí, kosien an tikóna ki̱a̱ xtji̱e̱e̱n na̱ngo̱xi̱i̱.

Xo̱jo̱n Salmoo̱ 51:9

Ngata̱ ki̱a̱jín tsitsijìi̱n ni xi ndajín tsꞌen an, kó ti̱ꞌinkjie ji ngayeje ni xi ndajín xi katsꞌen an.

Xo̱jo̱n Salmoo̱ 69:13

Ta̱nga jí boá xi chjiáa̱ ji Ne, kuí má ni̱xtjin xi nda ngase maa̱ ji. Ji Ne, ta̱ngatꞌanii̱ kjo̱a̱ni̱ma̱takón tsie xi tjiín, ti̱ꞌinsénní ngatꞌa̱ kixi̱ boá kjo̱a̱ꞌnaxiéꞌáa̱.

Xo̱jo̱n Salmoo̱ 69:16

¡Ti̱ꞌinsénní ji Ne, ngatꞌa̱ achichí nga nda kjo̱a̱ni̱ma̱takóo̱n, ndibékasíke̱jení ta̱ngatꞌanii̱ kui kjo̱a̱ni̱ma̱takón tsie xi tjiín!

Xo̱jo̱n Salmoo̱ 77:9

A kichíyárií Néná nga kꞌuieé kjo̱a̱ni̱ma̱takón tsobo̱a̱, a kjo̱a̱tamaá boá xi asíkjo kjo̱a̱ni̱ma̱takoón tsobo̱a̱.»

Kjo̱a̱chaꞌaá 3:32

Ndatsi kjo̱a̱ni̱ma̱ tsꞌénkꞌatióná, ti̱ ni̱ma̱ maá ñá, ngatꞌa̱ achichí kjo̱a̱ni̱ma̱takón tjiín.

Ni xi kamá 3:19

Kuíni nga, ti̱ꞌankꞌoyàjnú yojojnú, kó Néná ti̱ꞌansénjnúu̱, tsi̱ꞌe̱ nga kui sa̱ꞌínkjié jéjnú, kó kji̱ndi̱báchonjnú Ndi̱a̱a̱ nga ni̱xtjin xi nda,

Xota̱ Kolosa̱ 2:14

Néná iskjíndiyá kui xo̱jo̱n xi kjitꞌa jé xí tjitjíe̱nná kui xi tikón kondra̱ tsa̱ñá, kó katsꞌénkjié nga ki̱a̱ yítꞌa kroo̱.