Xo̱jo̱n Salmoo̱ 50:14 - Xo̱jo̱n eén Néná

¹⁴ ¡Ta̱sá ndibájo̱jnúꞌun kjo̱a̱tjó xi niꞌánkꞌasꞌien nga niꞌántsjaá Néná, kó ti̱ꞌankjatjosónjnúꞌun ni xi kandokjo̱a̱tjónjnú nga si̱ꞌankjatjosónjnú!

Xo̱jo̱n Salmoo̱ 50:14 ပူးပေါင်းရင်းမြစ်များ

Joo̱b 22:27

Ka̱ma ko̱ndókjoée̱, kó kuí ku̱i̱ntꞌie̱é, kó ka̱ma si̱ꞌinkjatjosén ji ni xi kiꞌmíyetjée̱n.

Xo̱jo̱n Salmoo̱ 147:1

¡Si̱ꞌantsjàa̱ Néná! Nga ja̱koxi̱ achichí tsjákjiꞌi nga ko̱nda̱á só Néná, achichí tsjákjiꞌi ko̱jo kixi̱ kjiꞌi nga ko̱nda̱á só Néná.

Xo̱jo̱n Salmoo̱ 22:25

Jí boá xi tsꞌenkjoó kjiꞌanga tsꞌéntsjaà ki̱a̱ ngi̱jii̱n xota̱ xi matikoó. Sa̱ꞌinkjatjosón an ni xi indajoo̱ ji ngindyi̱ko̱n xota̱ na̱xi̱ńdá xí bendikoón.

Xo̱jo̱n Salmoo̱ 22:26

Xota̱ ni̱ma̱a̱ skji̱ni̱e̱ ko̱jo kꞌuí, kó stsi̱e̱ cha̱n cha̱a̱n, kó xota̱ xi mongase Néná, ngatsꞌèntsjaà. ¡Ngatsjéni̱xtjin ngatꞌíjñá ini̱ma̱jnú!

Xo̱jo̱n Salmoo̱ 27:6

Sꞌe̱ skjinínkꞌá tokó án, nga an xi katsꞌée̱n kondra̱na, kó ki̱a̱ ndiꞌandikoón sa̱ꞌinkꞌasꞌièe̱n kjo̱a̱tjó nga tsjakꞌuiéna, kó siee só, jo̱o̱n, sièe̱ só Néná.

Xo̱jo̱n Salmoo̱ 50:23

Kui xi tsja̱ana ngo kjo̱a̱tjó xi niꞌánkꞌasꞌien nga boeꞌé ndokꞌóchjì, kuí boá xi tsꞌéndíkónna, kó kui xi kixi̱ ku̱i̱ꞌíndonda ndi̱yà xí tsoꞌbá, kuí boá xi kokóo̱ kjo̱a̱ꞌnaxiéꞌána».

Xo̱jo̱n Salmoo̱ 56:12

Ji Ne, foaꞌátsjienna ni xi kixiyatjoón nga sa̱ꞌinkjatjosón an, kó kꞌuichjíñaá nga tsjaa̱ kjo̱a̱tjó nga sa̱ꞌintsjaá.

Xo̱jo̱n Salmoo̱ 61:8

Bo̱a̱ tsꞌén siée̱ salmo̱ jaꞌée̱n ngatsjéni̱xtjin, kó ndyiojón ndyiojón sa̱ꞌinkjatjosoón ni xi kixiyatjoón nga sa̱ꞌin an.

Xo̱jo̱n Salmoo̱ 65:1

Ji Ne, to̱kó si̱ꞌantsjaàri ji ki̱a̱ na̱xi̱ Sioo̱n, jí boá xi kꞌuíchjií ni xi tjiꞌmíyatjón nga si̱ꞌankjatjosoón.

Xo̱jo̱n Salmoo̱ 69:32

Kjiꞌanga sku̱i̱e̱ kui nii̱ xota̱ xi ndyi̱foaꞌatio kjo̱a̱ni̱ma̱a̱ achichí tsjá ka̱maa̱. ¡Jún xi ndyi̱mindyiséjnú Néná, ti̱ꞌanꞌniútakónjnú ini̱ma̱jnú!

Xo̱jo̱n Salmoo̱ 76:11

Si̱ꞌankjatjosóo̱n Néná ngayeje ni xi kiꞌmíyatjóo̱n nga si̱ꞌán, ngayeje jún xota̱ na̱xi̱ńdá xi tindyiontꞌájnú, ndibájo̱jnúu̱ kjo̱a̱tjó kui Néná xi fíndikónná.

Xo̱jo̱n Salmoo̱ 76:12

Kuí boá xi ni̱ma̱kjo̱a̱ tsꞌénkꞌíndo a̱si̱én ni̱xtjii̱n xota̱xá xí botixómaá, kó kuí boá xi tsꞌén nga fotsiéndíkón má ngayeje re xi tjín nga̱sondiee̱.

Xota̱ Roma̱ 12:1

Kó kuíni ntsꞌie, ꞌniú míꞌájnúꞌun ta̱ngatꞌanii̱ kjo̱a̱ni̱ma̱takoón Néná, tsi̱ꞌe̱ nga kui si̱ꞌankꞌasꞌienjnúu̱ yojojnú xikoó ngo kjo̱a̱tjó xi tikón, ko̱jo xi tsjie, ko̱jo xi tsja ka̱maa̱ Néná. Kuí bí kjo̱a̱niꞌántsjà xi ja̱koxi̱ xi chjiéngá ko̱e̱ꞌé.

Ndeuteronomio̱ 23:21

»Ti̱ꞌankjatjosónjnúu̱ ni xi kꞌuíyátjónjnúu̱ Néná nga si̱ꞌánjnú. Xi jmí ni ka̱tso̱yàtjónjiín Néná nga sa̱ꞌín, jmí jé tsꞌénjín. Ta̱nga xi ka̱tso̱yàtjoón Néná nga ngo ni sa̱ꞌín, kó tsi sa̱ꞌínkjatjosónjín, tjítsꞌénjé boá. Néná ko̱tíjeé kui xota̱ xi sa̱ꞌínkjatjosónjín ni xi katsóyàtjón nga sa̱ꞌín.

Ndeuteronomio̱ 23:23

Tsi tjín xí ngayeje kon nga ka̱tso̱yàtjoón Néná nga ngo ni sa̱ꞌín, tjínrií ngo kjo̱a̱ꞌniú nga sa̱ꞌínkjatjosón.

Ndeuteronomio̱ 23:24

»Tsi tjín xí kꞌo̱sꞌien nínga tjitjieé tostsi̱je̱è ngo nda̱, tjínrií kjo̱a̱nda nga ka̱ma skji̱ni̱e̱ ki̱a̱a̱ ngayeje tostsi̱je̱è xi mejeén skji̱ni̱e̱, ta̱nga ka̱májín ngo kui too̱ ko̱a̱ꞌa̱ ndiꞌaa̱.

1 Xota̱ Tesalónika̱ 5:18

Te̱ꞌéjnúu̱ ndokꞌóchjì Néná kjo̱a̱a̱ ngayeje nii̱, ngatꞌa̱ kuí nii̱ xi mejeén Néná nga ko̱e̱ꞌéjnú jún xi je sꞌijinjnú Kristo̱ Kjisoo̱.

Xota̱ Ebreo̱ 13:15

Kuíni nga ngatsjéni̱xtjin si̱ꞌantsjàa̱ Jesukristoo̱, ngatꞌa̱ ja̱ Néná boá xi ndyi̱niꞌántsjáa̱ nga bo̱a̱ ndyi̱niꞌán, kuí nii̱ xi kjo̱a̱tjóná, ni xi ku̱i̱chji̱a̱ ndso̱ꞌbá nga ka̱tso̱yà nga Kjisoo̱ xi ndií Néná.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.