Xo̱jo̱n Salmoo̱ 46:4 - Xo̱jo̱n eén Néná

⁴ Tikón ngo ndejèꞌ xi ndáfoaa̱ tsꞌéntsjaá na̱xi̱ńdáꞌniuú Néná, nínga tikón ndiꞌandikoón, nínga tikón Néná xí tsi̱ꞌe̱ nkꞌajmii̱.

Xo̱jo̱n Salmoo̱ 46:4 ပူးပေါင်းရင်းမြစ်များ

Xo̱jo̱n Salmoo̱ 23:2

Nínga tjín ndi̱xcho̱ xi chjindié, ki̱a̱ ꞌbijñána tsi̱ꞌe̱ nga tsꞌenkjaꞌyá an, ki̱a̱ fíjo̱na tꞌa ndáfoa xi tikón xió xioó.

Xo̱jo̱n Salmoo̱ 43:3

Nangíyé ji ndiꞌí xí tsꞌentsíjee̱n ko̱jo kjo̱a̱kixi̱i̱, ngatꞌa̱ kuí boá xi ko̱kóna ndi̱yà, kó kuí boá kjo̱jona na̱xi̱ ndikóo̱n, ko̱jo ki̱a̱ ngi̱ndie nínga tindyin ji.

Xo̱jo̱n Salmoo̱ 48:1

Achichí ngaꞌniú xí tjiín Néná, kó tsoboárií nga ꞌniú si̱ꞌantsjaa̱. Ki̱a̱ na̱xi̱ńdáꞌniuú Néná, ki̱a̱ na̱xi̱ ndikoón.

Xo̱jo̱n Salmoo̱ 48:8

Xikótsꞌèn kandaꞌyájne̱ kui nii̱, bo̱a̱ má tsꞌén kamáyàjne̱, ki̱a̱ na̱xi̱ńdáꞌniuú Néná xí tsi̱ꞌe̱ jájuún, ki̱a̱ na̱xi̱ńdáꞌniuú Nejne̱, kuí boá xi sa̱ꞌín, nga kui na̱xi̱ńdáꞌniuú ꞌniú kꞌuijñá.

Xo̱jo̱n Salmoo̱ 65:9

Jí boá xi tichìi̱n tꞌanangii̱: achichí tsie ndáfoa niꞌínkꞌandyi̱ni ji, kó bosíndée̱ nínga kjiꞌi ni tjieé, tsi̱ꞌe̱ nga kjín to tsja̱á. Stseé boá xi mindyiekaxeni ji tꞌanangii̱, kó ꞌbíjñinde ji tsi̱ꞌe̱ nga sitji̱e̱ ni. ꞌBíkitsieni ji ndáfoa xo̱ngàndántꞌié xi yiꞌii̱, kó jí boá xi niꞌínkjatje ngasèe̱ tjia yaá. Kó bo̱a̱ tsꞌén ꞌbíjñinde ji kꞌijñaá, tsi̱ꞌe̱ nga ngayejejne̱ kꞌuiéjne̱ to ndso̱ko̱a̱n ṉño̱pan.

Xo̱jo̱n Salmoo̱ 87:3

Achichí tsjatsó ni xi ndokjo̱a̱ kjo̱a̱a̱ ji, ji na̱xi̱ńdáꞌniú xí tsi̱ꞌe̱ Néná.

Xo̱jo̱n Salmoo̱ 91:1

Kui xi tikón nga Néná xí tikón nkꞌajmii̱ skoón, ki̱a̱ kꞌuijñá ngindie nkꞌieén Néná xí tjiín ngayeje ngaꞌniuú.

Xo̱jo̱n Salmoo̱ 92:1

¡Ji Ne, achichí nda nga ji si̱ꞌantsjajne̱, ko̱jo nga ko̱ndàjne̱ salmo̱ jaꞌée̱n, ji Ne xi tindyin ji ndiꞌakꞌajmii̱!

Xo̱jo̱n Salmoo̱ 92:8

Ta̱nga ji Ne, ngatsjéni̱xtjin nga ji xi si̱ꞌantsjaa.

Xo̱jo̱n Salmoo̱ 93:3

Ji Ne, kamáje ndejeèꞌ, kó kandaꞌyaá nga janie ndáfoa tsiee̱, kó ngaꞌniuú ndáfoaa̱, kandaꞌyaá nga ꞌniú janie.

Eklesiastee̱ 5:8

Ngata̱ fíndikónjiín nga xchi̱e̱ ji na̱xi̱ńdá nínga tjíꞌbiniéꞌniuú xá xota̱ ni̱ma̱a̱, ko̱jo nínga tjíbosíkjoyá kjo̱a̱kitii̱ tsi̱ꞌe̱ nga jmí tsi kixi̱ tjíniꞌánseén. Kuí nii̱ xi ma kjiꞌanga ngo nda̱ xi nkꞌa xaá, ingo xi nkꞌa ngase xaá boꞌmá ni xi tsꞌén, kósꞌe̱ ingo xi ꞌniú nkꞌa ngase xaá boꞌmá ni xi tsꞌén ngajoó.

Xota̱ Ebreo̱ 12:22

Ta̱nga jún ta̱sá ki̱a̱ tsangínchon tiñajnú nínga tikón tji̱ngi̱ Sioo̱n, kui xi na̱xi̱ńdaá Néná xí tikoón, kui xi na̱xi̱ńdáꞌniú Jerusale̱n xi tikón ndiꞌakꞌajmi jàn, nínga kamátikó kjín mi̱ ndítsjie xi ndyi̱tsꞌèn ndikón Néná.

Ni xi akakoo̱ 21:10

Kó A̱si̱énni̱xtjii̱n Néná kijíjo̱na ngo tji̱ngi̱ xi je ko̱jo xi nkꞌa, kó akóna na̱xi̱ńdáꞌniú tsjie xi ꞌmí Jerusale̱n, kui xi tsꞌénfotjajenni ndiꞌakꞌajmii̱, ngindyi̱ko̱n Néná,