Xo̱jo̱n Salmoo̱ 45:8 - Xo̱jo̱n eén Néná

⁸ Ngi̱jin ńjñoo̱ foaꞌándá sije̱n sije̱n mirraa̱, ko̱jo aloee̱, ko̱jo kasiaa̱, kó ndeskande ki̱a̱ ndo̱bo̱a̱xa̱á xí ndi̱ja̱a̱ ki̱ña̱ kamándanii̱, ndaꞌyánii̱ soó arpa̱ xi ꞌbikítsie maá kjo̱a̱tsja.

Xo̱jo̱n Salmoo̱ 45:8 ပူးပေါင်းရင်းမြစ်များ

Xo̱jo̱n Salmoo̱ 11:7

Ngatꞌa̱ Néná kixi̱ boá, kó tjórií kjo̱a̱kixi̱i̱, ¡kuíni nga xota̱ xi kixi̱i̱ boá xi ka̱ma sku̱i̱e̱ kje̱n!

Xo̱jo̱n Salmoo̱ 150:4

¡Ti̱ꞌantsjàjnúu̱ nga si̱ꞌankjaniéjnú panderoo̱, ko̱jo nga xchíkji̱nkꞌatsjajnú! ¡Ti̱ꞌantsjàjnúu̱ nga si̱ꞌankjaniéjnú ńjní xí tjiín naxaá ko̱jo yána̱xo̱ xi foniee̱!

Xo̱jo̱n Salmoo̱ 16:11

Jí boá xi ko̱kéní ndi̱ya̱à kjo̱a̱mindyioo̱n. ¡Kjiꞌanga an tindyinjinní achichí tsjá ꞌbéna! ¡Kjiꞌanga ki̱a̱ tikóntꞌáa̱ nga kixi̱i̱, ngatsjéni̱xtjin nga tjínna kjo̱a̱tsja!

Xo̱jo̱n Salmoo̱ 45:15

Achichí kjo̱a̱tsja ko̱jo kjo̱a̱mojnó kꞌuié nga kongínjo̱, kó kꞌo̱sꞌien ndo̱bo̱a̱xa̱á nda̱ ree̱.

Én xí nda xi ꞌniú tsjatsó ngasee̱ 1:13

Xota̱ xi tjóna an, xikó maá ndí stsa ndásíje̱n mirra̱ xi yaꞌa an ngi̱jin chikina kjimana kui,

Én xí nda xi ꞌniú tsjatsó ngasee̱ 1:3

Achichí sije̱n mana ji, xikó má je̱n ndásíjèe̱n, ngatꞌa̱ jaꞌée̱n, xikónií tsi ngo ¡ndásíje̱n xi katjon! ¡Kuíni nga ínchjín xo̱ngo̱ò, achichí mejeén ji!

Én xí nda xi ꞌniú tsjatsó ngasee̱ 3:6

Mí ni bo̱a̱ xi tsꞌéndibá ki̱a̱ nangi kixií xi ja̱kjiꞌi ngo yásé ṉdi̱ má kjiꞌi, xi kjifoaꞌándá sije̱n sije̱n xikoó mirraa̱, xikoó nisijee̱n, ko̱jo xikoó kjín to̱ko̱ya ndásíje̱n.

Én xí nda xi ꞌniú tsjatsó ngasee̱ 4:6

Ngaskande nga si̱si̱eén, kó ngaskande nga ko̱e̱je̱ tji̱nkꞌi̱e̱én jñoó, mejénna kjuín án ki̱a̱ na̱xi̱ nínga tjín nisijee̱n, mejénna kjuín án ki̱a̱ tji̱ngi̱ nínga tjín ndásíjee̱n.

Én xí nda xi ꞌniú tsjatsó ngasee̱ 5:1

Jè jéꞌe̱ an ngi̱ndie nínga tjitji̱e̱na nii̱, ji ndí ndíchja, ji ndí chjo̱onna. Jè jaꞌatikó án mirraa̱ ko̱jo tosijee̱n, jè iskjíni̱e̱ an ntsjién xí ndyi̱a̱ ndo̱bo̱a̱ cho̱ndo̱ꞌo̱sieèn, jè katsꞌe an binoo̱, ko̱jo ntsjeén. ¡Yàjnú já amingo̱ xi tjóna, chi̱ni̱e̱jnú ko̱jo tꞌi̱o̱jnú ngaskande nga nda stsi̱e̱jnú!

Én xí nda xi ꞌniú tsjatsó ngasee̱ 5:13

Tꞌanijon ja̱kon nínga ꞌbítji̱e̱ ni tjié má kón, nínga kjiꞌi xka̱ sije̱n, ko̱jo naxó sije̱n, tsꞌoa ja̱kon naxóndáfoa má kón xi fotjoo̱ tsie ndásíje̱n mirra̱.

Én xí nda xi ꞌniú tsjatsó ngasee̱ 5:5

Jastjíe̱n an tsi̱ꞌe̱ nga skjíxꞌáa̱ xota̱ xi tjóna, ¡kó xtín ndsa̱ án kitín má ndásíje̱n mirraa̱, kó ki̱a̱ kitínsón ki̱cha̱ xi ꞌbíchjánii̱ nga̱ntjo̱a̱a̱!

Matioo̱ 2:11

Kó nga tsꞌasꞌien ngi̱yaa̱, kamábe ndí ndií ko̱jo na̱ Riya̱ na̱aa̱n ndií, kó asiéntikoó kui jaá, kó katsꞌéndikón, kó iskjíxꞌá koxa̱a̱, kó tsꞌaxié ni xi ndyi̱yaꞌaa̱ ndií: Ngo xi yaꞌaa̱ to̱nsinié, ngo xi yaꞌaa̱ nisije̱n xi niꞌánkjién nga niꞌándikón Néná, ko̱jo ngo xi yaꞌaa̱ ndásíje̱n chjí xí ꞌmí mirra̱.

Juaa̱ 14:2

Ndiꞌaa̱ Na̱ꞌmina achichí ngi̱ndie tjín, tsi bo̱a̱jín kjiꞌi, jera̱ kixiyajnúꞌun, ja̱ je tsꞌénfíkꞌijñándajnúꞌun ngo ngi̱ndie xi tsa̱jún.

Juaa̱ 19:39

Kó ti̱ jachó nda̱ xi ꞌmí Nikondemoo̱ xi ngo ndi̱yà jachókoón Kjisoo̱ nga jñoó, jachó kui ngi̱ndiee̱, kó yaꞌa mara̱ tsi ta̱ kantié kilo̱ nisije̱n xi ꞌmí mirra̱ ko̱jo aloe̱.

Xota̱ Ebreo̱ 12:2

Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱ ki̱a̱ tikón nga fojnií Néná xí botixómaá.