Xo̱jo̱n Salmoo̱ 45:3 - Xo̱jo̱n eén Néná

³ ¡Tjatꞌe ji ki̱cha̱ndojóo̱ ki̱a̱ ndáyáa̱, ji nda̱ chꞌokon, kó ngatꞌieé kjo̱a̱je ko̱jo kjo̱a̱yandikón!

Xo̱jo̱n Salmoo̱ 45:3 ပူးပေါင်းရင်းမြစ်များ

Joo̱b 1:16

To̱kó tsꞌénchji̱a̱ ngase kui nda̱a̱ nga jachó ingo nda̱ xi yaꞌa ngo én, kó bi̱ katsoó Joo̱b: «¡Jí xingá Joo̱b, ngo ndiꞌií cho̱ꞌo̱n kjindibáni nkꞌa jàn, kó katsꞌénkꞌién cho̱tsa̱nga̱a̱ ko̱jo já xí koón kui cho̱o̱! ¡Kó ta̱ ngo chií an xi jatjongiꞌmana yojona, tsi̱ꞌe̱ nga kjoéꞌe̱tsáyaá kui nii̱ ji!»

Xo̱jo̱n Salmoo̱ 104:1

¡Si̱ꞌantsjàa̱ Néná ngayeje ini̱ma̱ná! Ji Ne, jí boá ngo Ne xi achichí kjo̱a̱je tjiín, kó tjikítsie maá kjo̱a̱tsjakjiꞌi ko̱jo kjo̱a̱yandikón, kó ngo ndiꞌí tsꞌentsíjen nínga tindyinjin ji. Ikꞌíjñí ji nkꞌajmii̱ xikó tsꞌén jme ngo ńjño kortina̱, kó nga̱soón ndáfoa xi tikón nkꞌajmii̱ ki̱a̱ ikꞌíjñí ji ngi̱ndie nínga mindyin. Ṉdi̱i̱ kuí boá xi xikoó karroo̱ kjo̱a̱xcháa̱n, ¡kó xikoó tsi ki̱a̱ ꞌmisén ji nga̱a̱ tjo̱o̱!

Xo̱jo̱n Salmoo̱ 21:5

Achichí kjo̱a̱je tjiín kjo̱a̱ꞌnaxiéꞌáa̱, Jí boá xi katseꞌée̱ kjo̱a̱yandikón ko̱jo kjo̱a̱je.

Xo̱jo̱n Salmoo̱ 21:7

Tsi kui nda̱ ree̱ xi ji kjimaꞌniátakoón ji Ne, ta̱ngatꞌanii̱ kjo̱a̱ni̱ma̱takóo̱n nga ꞌniú kꞌuijñáni.

Xo̱jo̱n Salmoo̱ 96:6

Kjo̱a̱jee̱ ko̱jo kjo̱a̱yandikoón boá xi síndo ngindyi̱ko̱n kui, kó ki̱a̱ ndiꞌandikoón ki̱a̱ tikón ngaꞌniuú ko̱jo kjo̱a̱tsjakjiꞌii̱.

Én xí nda xi ꞌniú tsjatsó ngasee̱ 2:3

Xota̱ xi tjóna, ngi̱jii̱n i̱xti xo̱ngo̱ò, kuí boá xi xikoó ngo yá masana̱, ngi̱jii̱n yá xí ꞌbé ngi̱jin kꞌijñaá. ¡Achichí tsjá kjimana nga je ki̱a̱ kotíjña̱ngi an tji̱nkꞌi̱e̱én, tsi̱ꞌe̱ nga skjíni̱e̱ an to nda chinie xi yajaá!

Én xí nda xi ꞌniú tsjatsó ngasee̱ 5:13

Tꞌanijon ja̱kon nínga ꞌbítji̱e̱ ni tjié má kón, nínga kjiꞌi xka̱ sije̱n, ko̱jo naxó sije̱n, tsꞌoa ja̱kon naxóndáfoa má kón xi fotjoo̱ tsie ndásíje̱n mirra̱.

Ni xi kamá 10:36

Néná xí katsangiyaa̱ eén xota̱ Israee̱l nga katsóyà éntjatsi̱e̱e̱ kjo̱a̱xioó ngatꞌaa̱ Jesukristoo̱, nga kui xi Ndi̱a̱ xi tsa̱ñá.

Xota̱ Roma̱ 14:9

Ngatꞌa̱ kuí kjo̱a̱a̱ nga Kristoo̱ kꞌien, kó jaꞌáꞌyaá, kó kisꞌijña nginí, tsi̱ꞌe̱ nga kui xi ka̱ma Ndi̱a̱ xi tsi̱ꞌe̱ xota̱ xi je jesoón ko̱jo xota̱ xi síndoo̱.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Xota̱ Ebreo̱ 4:12

Ngatꞌa̱ eén Néná, tikón, kó tjínrií ngaꞌniú, kó kuí xí yojó ngase ta̱bo̱a̱jiín ngo ki̱cha̱ xi yojó nga jó ngoboaá, kó kui eén ꞌbosꞌien ngaskande nínga ꞌniú na̱nga̱a̱ ini̱ma̱a̱ ko̱jo a̱si̱énni̱xtjii̱n, ko̱jo nínga tjíkjoo̱ ńdaa̱, ko̱jo ngi̱jii̱n ńdaa̱, kó kuí boá xi kotꞌa kjo̱a̱kjíntakoón, ko̱jo ni xi mejeén sa̱ꞌín ngo ini̱ma̱.

Xota̱ Ebreo̱ 8:1

Ngayeje ni xi ndyi̱chiboá, kuí ni xi̱ꞌbi̱ xi ꞌniú chjínií: Nga tikónná ngo chináꞌmi xi ꞌniú nkꞌa xaá, kui xi tikón nga fojnií kui Néná xí tsꞌénbotixómá ndiꞌakꞌajmii̱.

Xo̱jo̱o̱n Jundaa̱ 1:25

kui Néná xí ngototoo̱ kui xi ꞌboxiéꞌáná ta̱ngatꞌanii̱ Ndi̱a̱ná Jesukristoo̱, nga sꞌiee̱ kjo̱a̱je, ko̱jo kjo̱a̱botíxoma, ko̱jo ngaꞌniú, ko̱jo xá, ndeskande koó ngasꞌe̱, ko̱jo ngotꞌe̱, ko̱jo ta̱ kjiꞌání. Bo̱a̱ kjiꞌi.

Ni xi akakoo̱ 1:16

ngi̱ya tsja kixi̱ tsꞌényaꞌa yito ńño, kó ngi̱ya tsꞌoa jatjo ngo ki̱cha̱ xi yojó nga jó ngoboaá, kó kje̱n bo̱a̱ má kjiꞌi xikó maá nga ꞌniú tíngá ndoboaá.

Ni xi akakoo̱ 19:15

Kó tsꞌoa jatjoni ngo ki̱cha̱ xi yojó, tsi̱ꞌe̱ nga sa̱ꞌínꞌoón xota̱ na̱xi̱ńdaá, kó kuí boá xi tajá tsꞌén ko̱tíxomaa̱ xotaa̱, kó sa̱ꞌínkjindibánié kjo̱a̱xcha̱án Néná xí tjiín ngaꞌniuú.

Ni xi akakoo̱ 19:21

Kó xi ngasee̱ ki̱cha̱ xi jatjoni tsꞌoa kui xi tjísoón ndi̱je̱e̱ kiniꞌánkjiesónni, kó ngayeje ni̱sie xi kjinie yojo siee̱n, ngaskande tsꞌajón maá nga iskjinie yojoo̱ kui xotaa̱.