Xo̱jo̱n Salmoo̱ 43:3 - Xo̱jo̱n eén Néná

³ Nangíyé ji ndiꞌí xí tsꞌentsíjee̱n ko̱jo kjo̱a̱kixi̱i̱, ngatꞌa̱ kuí boá xi ko̱kóna ndi̱yà, kó kuí boá kjo̱jona na̱xi̱ ndikóo̱n, ko̱jo ki̱a̱ ngi̱ndie nínga tindyin ji.

Xo̱jo̱n Salmoo̱ 43:3 ပူးပေါင်းရင်းမြစ်များ

Xo̱jo̱n Salmoo̱ 119:105

Ée̱n boá xi ndiꞌíxò kjimana, kuí boá xi tsꞌentsíjee̱n ndi̱yàna.

Xo̱jo̱n Salmoo̱ 143:10

Jí boá xi Néna ji. ¡Takéní mí ni xi mejeén nga sa̱ꞌin an! ¡Te̱ꞌéndièní nga A̱siénni̱xtjin ndàa̱ ko̱síko̱jona tsi̱ꞌe̱ nga nda sa̱ꞌin an!

Xo̱jo̱n Salmoo̱ 2:6

Kó bi̱ tsó Néná nga mindyiandíkoón: «Án má xi je jaꞌajin an ngo re xi ko̱tíxoma ki̱a̱ tji̱ngi̱ Sioo̱n, kui xi na̱xi̱ ndikónna».

Xo̱jo̱n Salmoo̱ 3:4

Nda̱na katsꞌénkjién án nga tsíchji̱a̱a̱ Néná, kó ndeskande na̱ngo̱xi̱ tsjièe̱ katsꞌénsénna.

Xo̱jo̱n Salmoo̱ 36:9

Ngatꞌa̱ jí boá xi tikoón ndáńchꞌi̱ nínga tikón kjo̱a̱mindyioo̱n, kó kjo̱a̱a̱ kui ndiꞌí xí tikoón nga ka̱maxcha̱nijne̱ ndiꞌií.

Xo̱jo̱n Salmoo̱ 40:11

Kó ji Ne, te̱ꞌéní kjo̱a̱ni̱ma̱takóo̱n, ko̱jo kjo̱a̱ndàa̱, ko̱jo kjo̱a̱ꞌniátakóo̱n ngatsjéni̱xtjin.

Xo̱jo̱n Salmoo̱ 42:4

Kjiꞌanga foaꞌátsjienna kui nii̱, achichí ndasen mana, kó foaꞌátsjienna kjiꞌanga kijí an ndi̱yà xí fí na̱ngo̱xi̱i̱ nga kistsoꞌbátjóo̱n xota̱ kjiín, foaꞌátsjienna sꞌué xí ꞌniuú, ko̱jo nga na̱xi̱ńdáa̱ askjandáyátsjá má nga katsꞌéntsjaà.

Xo̱jo̱n Salmoo̱ 46:4

Tikón ngo ndejèꞌ xi ndáfoaa̱ tsꞌéntsjaá na̱xi̱ńdáꞌniuú Néná, nínga tikón ndiꞌandikoón, nínga tikón Néná xí tsi̱ꞌe̱ nkꞌajmii̱.

Xo̱jo̱n Salmoo̱ 57:3

Kuí boá xi ndeskande nkꞌajmii̱ kꞌo̱xiéꞌána, kjo̱a̱a̱ xota̱ xi ndajín tsꞌénjo̱na. ¡Néná boá xi sa̱ngíyá kjo̱a̱ni̱ma̱takoón ko̱jo kjo̱a̱kixi̱i̱!

Xo̱jo̱n Salmoo̱ 57:4

Jè ngaskande xikoó tsi ngi̱jii̱n xandi̱je̱ je tikón kjo̱a̱mindyionna, jè ki̱a̱ kjiꞌijña an ki̱a̱ ngi̱jii̱n xota̱ xi ndiꞌí tsꞌénkjasó, kui xi ṉꞌni̱u̱ ja̱kon yáyojó xi niꞌánkꞌién xota̱ má kon, ko̱jo na̱je̱n ja̱kon ki̱cha̱ndojó xi yojó má kon.

Xo̱jo̱n Salmoo̱ 78:68

ta̱sá xota̱ tji̱e̱e̱ Jundáa̱ xi jaꞌájin, ko̱jo na̱xi̱ xi tikón ki̱a̱ na̱xi̱ńdáꞌniú Sioo̱n kui xi achichí tjó kamaá.

Xo̱jo̱n Salmoo̱ 84:1

¡Achichí tsjachon ngi̱ndie nínga tindyin ji, ji Ne xi xi tsi̱ꞌe̱ jájuún!

Xo̱jo̱n Salmoo̱ 97:11

Ndiꞌií boá xi tsꞌentsíjee̱n xota̱ xi kixi̱i̱, kó tsjaá kjo̱a̱tsja xota̱ xi kixi̱ síndo ini̱ma̱a̱.

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 1:4

Kuí xí tikoón kjo̱a̱mindyioo̱n, kó kui kjo̱a̱mindyioo̱n, kuí xí ndiꞌí kamaá xota̱a̱,