Xo̱jo̱n Salmoo̱ 43:1 - Xo̱jo̱n eén Néná

¹ ¡Ti̱ꞌin ji nga kixi̱ si̱ꞌansenna ji Ne, kó ꞌna̱xiéꞌéní! ꞌNa̱xiéꞌéní ngi̱ya tsja xota̱ xi bejiín ji, ko̱jo kjo̱a̱a̱ xota̱ xi ꞌniú ndajiín, ko̱jo xi ꞌboṉcha̱a̱.

Xo̱jo̱n Salmoo̱ 43:1 ပူးပေါင်းရင်းမြစ်များ

Xo̱jo̱n Salmoo̱ 140:5

Xota̱ xi nkꞌakon boá. Ki̱a̱ nínga jaꞌa an índo chja̱ya̱, tsi̱ꞌe̱ nga ki̱a̱ kꞌo̱kayà an katsaki.

Xo̱jo̱n Salmoo̱ 26:1

Ji Ne, kixi̱ ti̱ꞌinsénní, ngatꞌa̱ kixi̱ tikòn an, kó nde jó nde jánjín ꞌbijñáa̱ ini̱ma̱na nga ji ꞌniákoo̱n.

Xo̱jo̱n Salmoo̱ 35:1

Ji Ne, ndokjo̱e̱tije̱ ji xi an ndyi̱chji̱a̱tijo̱na, kó ti̱xkénje̱ ji xi an ndyi̱kjánjo̱na.

Xo̱jo̱n Salmoo̱ 35:24

Ji Ne xi tsa̱ꞌa̱n, tatíjéní tsi ndajín katsꞌen an, xikótsꞌèn kixi̱ ji. ¡Ngata̱ boeꞌéndièjíi̱n nga ko̱jno̱chana!

Xo̱jo̱n Salmoo̱ 5:6

¡Jí boá xi niꞌínkjié ji xota̱ xi ꞌbindísoó, kó niꞌínchꞌí ji xota̱ xi tsꞌenkꞌién ini̱ma̱a̱, ko̱jo xi ꞌboṉcha̱a̱!

Xo̱jo̱n Salmoo̱ 54:3

Ngatꞌa̱ xota̱ xi nde yàjín ꞌyá kuií bo̱a̱ ndyi̱kjánjo̱na, kó xota̱ xi ndajiín mejeén sa̱ꞌínkꞌiénna. ¡Kui xotaa̱ ndasénjiín ji Ne!

Xo̱jo̱n Salmoo̱ 7:7

¡ki̱a̱ ngatꞌíndotꞌaa̱ ngayeje na̱xi̱ńdaá, kó jí tatíxome ji, ndeskande ki̱a̱ ndiꞌakꞌajmii̱!

Xo̱jo̱n Salmoo̱ 7:8

Ji Ne, ji xi kixi̱ tsꞌén niꞌínsée̱n xota̱ na̱xi̱ńdaá: ¡ndókjo̱e̱ ji tsi nda ko̱jo tsi ndajín katsꞌen an, kó te̱ꞌéjéní, ta̱nga chꞌi̱e̱xki̱ ji nga kixi̱ án, ko̱jo nga jmí jéjínna!

Xo̱jo̱n Salmoo̱ 7:9

Ngatjie ngotꞌe̱ ꞌne̱ ni xi ndajín xi tsꞌén xota̱ xi ndajiín, kó xota̱ xi kixi̱i̱, ꞌniú ngasꞌijña, ngatꞌa̱ kui Ne xi kixi̱i̱, kuí boá xi kotꞌa ini̱ma̱a̱ ko̱jo kjo̱a̱niꞌánkjoó.

Xo̱jo̱n Salmoo̱ 71:4

Ji Ne, ꞌna̱xiéꞌéní ngi̱ya tsja xota̱ xi ndajiín, ko̱jo ngi̱ya tsja xota̱ xi ꞌniú ndajiín, ko̱jo xi tamaá.

Xo̱jo̱n Salmoo̱ 75:7

Néná boá kui xi nendiꞌamasiee̱n, kó kuí boá xi ni̱ma̱kjo̱a̱ ꞌbijñá kui xi nkꞌakon maa̱ yojoo̱.

Énkjínkón 22:23

ngatꞌa̱ Néná boá xi kꞌo̱xiéꞌá kjo̱a̱a̱ ni xi kjimataꞌin, kó kuí boá xi sa̱ꞌínkꞌién xota̱ xi kjo̱a̱ꞌáxiín ngayeje ni xi tjiín xota̱ ni̱ma̱a̱.

Énkjínkón 23:11

Ngatꞌa̱ tikónrií ngo Néná xí tjiín ngaꞌniú, kó kuí boá xi kꞌo̱xiéꞌá, ko̱jo xi kondra̱ tse̱ kꞌuijñáni ngijee̱.

1 Xota̱ Korinto̱ 4:4

Ngatꞌa̱ ndatsi nda tikón kjo̱a̱kjíntakónna, jmí tsi ta̱ngatꞌanii̱ kui nii̱, nga kixi̱ tikòn an ngindyi̱ko̱n Néná, ngatꞌa̱ Ndi̱a̱ná xí tsáyà tsi nda ko̱jo tsi ndajín tjítsꞌen an.

1 Xo̱jo̱o̱n Peé 2:23

kui xi kjiꞌanga chꞌo kiꞌmií, jmí ni chꞌo katsójín, kó kjiꞌanga kiniꞌánkjaꞌatio kjo̱a̱ni̱ma̱, indyiándikónjín, ta̱sá ngi̱ya tsja Néná kisꞌijñaya, kui Néná xí kixi̱ tsáyà tsi nda ko̱jo tsi ndajín ndyi̱tsꞌèn xotaa̱.