Xo̱jo̱n Salmoo̱ 42:8 - Xo̱jo̱n eén Néná

⁸ Nga ni̱xtjii̱n Néná tsangiya kjo̱a̱ni̱ma̱takoón, kó nga jñoó kuintꞌièe̱ soó. Bi̱ tsꞌén chjiáa̱ Néná xí tsi̱ꞌe̱ kjo̱a̱mindyionna:

Xo̱jo̱n Salmoo̱ 42:8 ပူးပေါင်းရင်းမြစ်များ

Joo̱b 35:10

¡Ta̱nga nde ngojín xi mongase Néná, kui xi tsjangaꞌniúná nga jñoó! Nde ngojín xi bosíyá kjo̱a̱a̱ kui Néná xi katsꞌéndaná,

Xo̱jo̱n Salmoo̱ 124:4

Kamáraa̱ katsꞌénkjiéjne̱, xikó má maá ndáfoaa̱ ndejeèꞌ kjiꞌanga fotjoxie ndi̱ya̱à kó fítjiboajo̱ ngayeje ni xi sakoó nínga foaꞌa,

Xo̱jo̱n Salmoo̱ 133:3

Achichí tsjákjiꞌi kui nii̱, xikó maá stsé xí bixó xtji̱e̱e̱n ta̱ꞌin, xi boaꞌa na̱xi̱ Ermoo̱n, kui xi fochó ngaskande Jerusalee̱n, xtji̱e̱e̱n na̱ngi. Ngatꞌa̱ ki̱a̱ boá nínga Néná tsangiya kjo̱a̱niꞌánchikonñé, ko̱jo kjo̱a̱mindyion ngatsjéni̱xtjin.

Xo̱jo̱n Salmoo̱ 149:5

Tsja ngatamaa̱ xota̱ xi tsjiee̱ kjo̱a̱a̱ kjo̱a̱jee̱ Néná, kó tsja ngatamaa̱ nga si̱é ndeskande nga̱són ṉchan nínga kjiyojo.

Xo̱jo̱n Salmoo̱ 16:7

Nda kuichjiá an kjo̱a̱a̱ Néná, kjo̱a̱a̱ kui kjo̱a̱botíxoma nda xi tsjána, ngatꞌa̱ ndatsi je jñó tsꞌendáyà ngi̱jin yojona.

Xo̱jo̱n Salmoo̱ 27:1

Néná boá ndiꞌí xí tsꞌentsíjenna ko̱jo xi ꞌboxiéꞌána. ꞌYá xí stsakjòo̱n. Néná boá xi tsjangaꞌniúna nga tikón an. ꞌYá xí ku̱i̱ndyiándikónna.

Xo̱jo̱n Salmoo̱ 32:7

Jí boá xi ngi̱ndie nínga botíjña̱ ꞌma an, jí boá xi xchínní kjiꞌanga nda̱ ka̱mana, jí boá xi kꞌuínde ji xota̱ xi si̱é só xi nda nga je xota̱ xi je kamá ndé, nga ngo foaꞌatjiyajonna.

Xo̱jo̱n Salmoo̱ 44:4

Jí boá xi rena ko̱jo xi Néna ji. ¡Te̱ꞌékjo̱e̱ ji nga ko̱ꞌna̱xiéꞌá xota̱ tji̱e̱e̱ Jakoo̱b!

Xo̱jo̱n Salmoo̱ 57:3

Kuí boá xi ndeskande nkꞌajmii̱ kꞌo̱xiéꞌána, kjo̱a̱a̱ xota̱ xi ndajín tsꞌénjo̱na. ¡Néná boá xi sa̱ngíyá kjo̱a̱ni̱ma̱takoón ko̱jo kjo̱a̱kixi̱i̱!

Xo̱jo̱n Salmoo̱ 63:6

Kjiꞌanga je kjiꞌijña an, kó foaꞌátsjienna ji, jí boá xi tsꞌenkjoó nga ngo ni̱xtji̱e̱e̱n.

Xo̱jo̱n Salmoo̱ 77:6

Foaꞌátsjienna só xi kisie an nga jñoó, tsꞌenkjó án ngi̱jin ini̱ma̱na kó a̱si̱én ni̱xtjinna bosíyá kui nii̱:

Xo̱jo̱n Salmoo̱ 88:8

Je kiniꞌínkjìnní ngayeje xota̱ xi nda yaꞌana, je kiniꞌín ji nga je ꞌniú kamáchꞌoó an. Jè tikónꞌya an, kó jmíjín kótsꞌèn kjo̱tjo an.

Lebitiko̱ 25:21

Ja̱ bi̱ sa̱ꞌin an, nó xí ma juu̱n, tsie sa̱ꞌinchikonñéjnúꞌun, nga ngaskande ka̱ma xi̱ni̱e̱jnú ngi ján nó ngase kui ni xi chja̱ꞌátikójnú.

Jonaa̱ 2:4

»Ngaskande katsꞌenkjó án nga je ngiti̱ mejénjiín an, kó nga je ngiti̱ kꞌosꞌi̱e̱njín an ngi̱yaa̱ na̱ngo̱xi̱i̱.

Matioo̱ 8:8

Sꞌe̱ bi̱ katsó nda̱ ngito̱ko̱o̱ jájuún: –Ndi̱a̱, nde tsoboájínna nga ku̱i̱tjásꞌi̱n ji ndiꞌana, ta̱nga ta̱ bo̱a̱ tsi tꞌín ji nga ngatamandaya, kó ka̱mandaya moso̱na.

Ni xi kamá 16:25

Ta̱nga mején mára masien ni̱xtji̱e̱n, tji̱e̱nga Pabloo̱ ko̱jo Silaa̱ ndyi̱chji̱a̱a̱, ko̱jo ndyi̱siee̱ só xi ndaa̱ Néná, kó tji̱e̱nga já xí nijan síndojo̱ ngi̱ya ndo̱bo̱a̱ya̱à ndyi̱ntꞌiè,

Xota̱ Kolosa̱ 3:3

Ngatꞌa̱ jún jè jesónjnú kjo̱a̱a̱ ni nga̱sondiee̱, kó Néná jè íjñá ngi̱jii̱n Kristoo̱ kjo̱a̱mindyionjnú.