Xo̱jo̱n Salmoo̱ 42:2 - Xo̱jo̱n eén Néná

² Ini̱ma̱na xíndaá nga mejeén sku̱i̱e̱ Néná, kui Néná xí tikoón. Kjiꞌání nga kjuín án na̱ngo̱xi̱i̱, kó kjóchó an ngindyikin ji.

Xo̱jo̱n Salmoo̱ 42:2 ပူးပေါင်းရင်းမြစ်များ

Joo̱b 23:3

Achichí mejénna nga sa̱kóna Néná katsaki, tsi̱ꞌe̱ nga kjuínkóo̱n ngaskande nínga tikón.

Xo̱jo̱n Salmoo̱ 27:4

Ta̱ ngo tsí ni xi je tsíꞌáa̱ Néná, kó kuí boá ni xi kongase an: Nga ki̱a̱ kotíjña̱ an ndiꞌaa̱ Néná ngayeje ni̱xtjin nga kotíjña̱ an nga̱sondie, tsi̱ꞌe̱ nga skuie an kjo̱a̱tsjakjiꞌii̱ Néná, ko̱jo nga ki̱a̱ sa̱ꞌinkjó án ki̱a̱ na̱ngo̱xi̱i̱.

Xo̱jo̱n Salmoo̱ 43:4

Kósꞌe̱ kꞌosꞌi̱e̱n an nínga tikón ṉchaa̱n Néná, kui Néná xí kjo̱a̱tsjana, ko̱jo kjo̱a̱mojnóna, kó ki̱a̱ sa̱ꞌintsjaá nga sa̱ꞌinkjièn án soó arpaa̱, ngatꞌa̱ jí boá xi Néna ji, Ne tsa̱ꞌa̱n.

Xo̱jo̱n Salmoo̱ 63:1

Ji Ne, jí boá xi Néna ma ji. Achichí nda̱ kjimana nga kongasee ji, kjiꞌmeyà má an kjo̱a̱a̱ ji, kó ini̱ma̱na mejeén sku̱i̱e̱e̱, bo̱a̱ má mána xikoó ngo xi mongase ndáfoa ki̱a̱ nangi xi sibé ko̱jo xi kixií, kó sakójiín.

Xo̱jo̱n Salmoo̱ 63:3

Ngatꞌa̱ kjo̱a̱ni̱ma̱takóo̱n nda ngase, ta̱bo̱a̱jiín kjo̱a̱mindyioo̱n. Ndso̱ꞌba án boá xi si̱eé nga sa̱ꞌíntsjaá.

Xo̱jo̱n Salmoo̱ 84:10

Ngatꞌa̱ ta̱sá nda ngase nga ngo ni̱xtjin kotíjña̱ an na̱ngo̱xi̱i̱, ta̱bo̱a̱jiín tsi ngo mi̱ ni̱xtjin kjin kotíjña̱ñaa. Ta̱sá kjo̱a̱ꞌajin an nga ki̱a̱ kotíjña̱ an nga̱ntjo̱a̱ Ndiꞌaa̱ Néna, ta̱bo̱a̱jiín nga ki̱a̱ kotíjña̱ an ndiꞌaa̱ nínga ndajín kjima.

Xo̱jo̱n Salmoo̱ 84:2

Achichí ni xi kjimaa̱ ini̱ma̱na nga mejeén nga ki̱a̱ kꞌuíjñá ndi̱tsee̱n na̱ngo̱xi̱i̱ ji Ne, ¡ini̱ma̱na ko̱jo yojona mejeén nga si̱eé kui Néná xí tikoón.

Xo̱jo̱n Salmoo̱ 84:4

¡Achichíra̱tsjaa̱ xota̱ xi ki̱a̱ síndo ndiꞌa nínga tindyin ji! ¡Ngatꞌa̱ ngatsjéni̱xtjin nga ji ndyi̱tsꞌèntsjaà!

Xo̱jo̱n Salmoo̱ 84:7

Tji̱e̱nga ndyi̱fí, tsie ngase ngaꞌniú kꞌuieé, kó sku̱i̱e̱ Néná nga kjo̱chó na̱xi̱ńdáꞌniú Sioo̱n.

Éksondo̱ 23:17

»Ngayeje jáxíꞌín xi xchaá chjiéngá ngindyi̱ko̱n an ngatjíkindyia nga ján ndi̱yà nga má kui sꞌueé.

Juaa̱ 5:26

Ngatꞌa̱ Na̱ꞌmii̱ ta̱kó tikón, kó ti̱ bo̱a̱ ti̱ tsꞌén katsjaá kjo̱a̱nda ndií nga ta̱kó tikón.

Juaa̱ 7:37

Kó ni̱xtjin nga kjifetꞌa sꞌué xí ꞌboxié kui xotaa̱, Kjisoo̱ kasasienkixi̱, sꞌe̱ ꞌniú tsíchji̱a̱, nga bi̱ katsó: –Tsi tjín xí xíndaá, ngatjandibakónna tsi̱ꞌe̱ nga ngiti̱ ka̱ma xíndájiín.

1 Xota̱ Tesalónika̱ 1:9

Ngatꞌa̱ ti̱ kuii̱ kui xotaa̱ xi ndyi̱chji̱a̱ kjo̱a̱a̱ nga jún, nda tsꞌén kiniꞌánsénjne̱ nga jáchochonjne̱ ko̱jo xikótsꞌèn ikꞌíndomasienjnú a̱sie̱én ne xi tsꞌénda xotaa̱, tsi̱ꞌe̱ nga kiniꞌánjo̱ꞌojnú kui Néná xí tikoón, ko̱jo xi ja̱koxi̱i̱,

Ni xi akakoo̱ 22:1

Kó akóna ngo ndejèꞌ xi tsjie, kui xi tjiín ndáfoaa̱ kjo̱a̱mindyioo̱n xi tikón ꞌna̱ ꞌna̱ xikoó ngo chi̱tsen, kó ki̱a̱ jatjoni nínga tikón kui Néná xí botixómaá ko̱jo cho̱tsa̱nga̱a̱.