Xo̱jo̱n Salmoo̱ 41:1 - Xo̱jo̱n eén Néná

¹ Achichíra̱tsjaa̱ xota̱ xi nda̱ maa̱ xota̱ ni̱ma̱a̱, ngatꞌa̱ kjiꞌanga kji̱ndi̱bá ni̱xtjin xi ndajiín, Néná boá xi kꞌo̱xiéꞌá.

Xo̱jo̱n Salmoo̱ 41:1 ပူးပေါင်းရင်းမြစ်များ

Xo̱jo̱n Salmoo̱ 112:9

Ngatsjéni̱xtjin nga bosikójo xota̱ xi ni̱ma̱a̱, achichí tsjá maá nga bo̱a̱ tsꞌén, ngayeje ni xi tsꞌén, nda fotjoo̱, kó tsja maa̱ nga kjininkꞌá kje̱n.

Xo̱jo̱n Salmoo̱ 34:19

Achichí má kjo̱a̱ni̱ma̱ xi foaꞌajin xota̱ xi kixi̱i̱, ta̱nga Néná boá xi sa̱ꞌíndé kjo̱a̱a̱ ngayeje kui nii̱.

Xo̱jo̱n Salmoo̱ 37:19

Kjiꞌanga kji̱ndi̱bá ni̱xtjin xi ndajiín, jmí kjo̱a̱soboá kjo̱a̱ꞌajín, kó kjiꞌanga kji̱ndi̱bá ni̱xtjii̱n kjindiaá sa̱ko̱ó nichinie.

Xo̱jo̱n Salmoo̱ 37:26

Ngatsjéni̱xtjin nga tjiín kjo̱a̱ni̱ma̱takón, kó tsꞌénkíyà, kó ndií, kjo̱a̱niꞌánchikonñé maá kje̱ꞌe xota̱.

Énkjínkón 14:21

Tjítsꞌénjé boá xota̱ xi ni̱ma̱kjo̱a̱ tsꞌénjo̱ xota̱ xi ngasee̱, ta̱nga achichíra̱tsjaa̱ xota̱ xi ni̱ma̱ maa̱ xota̱ xi ni̱ma̱a̱.

Énkjínkón 16:14

Kjiꞌanga tsꞌénxchán ree̱, ka̱marií tjín xí sa̱ꞌínkꞌién, ta̱nga xota̱ xi kjínkoón, kuí boá xi ka̱maa̱ sa̱ꞌínkꞌíxió kui nii̱.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Eklesiastee̱ 12:1

Ngatjaꞌátsjiee̱n kui Ne xi katsꞌéndaa, kjiꞌanga xo̱ngò ngase ji, ngindiee̱ nga kji̱ndi̱bá ni̱xtjin xi ndajiín, kósꞌe̱ bi̱ sé jí: «jè ngiti̱ tsjajín tjínna nga tikón an nga̱sondie».

Markoo̱ 14:7

Ngatꞌa̱ xota̱ ni̱ma̱a̱ ngatsjéni̱xtjin kꞌuíndojinjnú, kó nga ka̱ma xi si̱ꞌánjnú ka̱ma ko̱si̱ko̱jójnú, ta̱nga an, jmí tsi ngatsjéni̱xtjin kotíjña̱jinjnúꞌun.

Ni xi kamá 20:35

Ngatsjéni̱xtjin akoyájnúꞌun nga bo̱a̱ tsꞌén si̱ꞌanxá ko̱jo nga ko̱si̱ko̱jó xota̱ xi ni̱ma̱ tjimá, kó ti̱ꞌankjaꞌátsjienjnú kui én xí tsíchji̱a̱ Ndi̱a̱ná Kjisoo̱ xi bi̱ tsó: “Achichíra̱ tsjakjiꞌi ngase nga ñá ko̱e̱ꞌé, ta̱bo̱a̱jínnii̱ nga ñá ko̱e̱ꞌéná.”

Xota̱ Ngalasia̱ 2:10

Ta̱ kuí tsí ni xi tsíꞌájne̱ nga xchi̱yàjínjne̱ xota̱ ni̱ma̱ xi chji̱a̱ni na̱ngo̱xi̱i̱ na̱xi̱ńdáꞌniú Jerusale̱n, kó kui nii̱ xi ngayeje ko̱n an nga nda tjítsꞌenkjatjosón an.

1 Xota̱ Tesalónika̱ 5:14

Jún ntsꞌie, ti̱ bo̱a̱ ti̱ tsꞌén ꞌniú chjiáꞌájne̱ jún, tsi̱ꞌe̱ nga ꞌniú ko̱ndókjo̱a̱jojnú kui xota̱ xi tsiꞌeé, ko̱jo nga ko̱e̱ꞌéngaꞌniújnúu̱ kui xota̱ xi je katsꞌénkjié kjo̱a̱a̱, ko̱jo nga ko̱si̱ko̱jójnú xi ꞌniújín sꞌijii̱n, ko̱jo nga tsiekon ka̱majnú kjo̱a̱a̱ ngayeje xotaa̱.

Xota̱ Ebreo̱ 6:10

Ngatꞌa̱ kixi̱ tsꞌénjo̱ná Néná, kó jmíni̱xtjin xchi̱yaa̱ ni xi ndyi̱niꞌánjnú xikótsꞌèn tjójnú Néná nga ndyi̱bosíko̱jojnú xota̱ na̱xi̱ńdá tsjiee̱, ko̱jo nga ta̱kó bo̱a̱ ndyi̱niꞌánjnú.

Xo̱jo̱o̱n Sandiyaá 2:13

Ngatꞌa̱ ni̱xtjin nga Néná sa̱ꞌíndajin kjo̱a̱a̱, ni̱ma̱jín ka̱maa̱ xota̱ xi ni̱ma̱jín kamaá kje̱ꞌe xota̱. Ta̱nga kui xota̱ xi ni̱ma̱ kamaá kje̱ꞌe xota̱, sa̱kójiín kjo̱a̱botíjeé Néná kui ni̱xtjii̱n.

Ni xi akakoo̱ 3:10

Ngatꞌa̱ nga jè kiniꞌínkjatjosén ji eén kjo̱a̱chiyákjo̱a̱na, ti̱ bo̱a̱ ti̱ tsꞌén an skoon ji nga kjo̱chó chi̱bo̱a̱a̱ kjo̱a̱chjatꞌayákón xi kji̱ndi̱bánié ngayeje nga̱sondiee̱, tsi̱ꞌe̱ nga xchítꞌayákón ngayeje xota̱ xi síndo tꞌanangii̱.

Na̱ Ruu̱t 2:19

—Ñá kiniꞌínxé jí ngotꞌe̱. Kótsꞌèn kamánii̱ nga bo̱a̱ kjiꞌi sebanda̱ katjaꞌátikoó. ¡Néná ꞌniú ngatsꞌénchíkonñé kui xi bo̱a̱ má ta̱ nda asíko̱joo̱! Kó na̱ Ruu̱t katsóyaà ṉchiꞌyaá nga ki̱a̱ katsꞌénxá nínga tikón tꞌanangii̱ ngo xota̱ xi ꞌmí Boo̱.