Xo̱jo̱n Salmoo̱ 40:10 - Xo̱jo̱n eén Néná

¹⁰ Ti̱nde iꞌmajín an kjo̱a̱kixi̱i̱ ngi̱jin ini̱ma̱na, jè kixiya an kjo̱a̱ꞌniátakóo̱n, ko̱jo kjo̱a̱ꞌnaxiéꞌáa̱, kó ngindyi̱ko̱n xota̱ kjiín tsꞌénꞌbijñáꞌmájín, kjo̱a̱ni̱ma̱takóo̱n ko̱jo kjo̱a̱kixìi̱.

Xo̱jo̱n Salmoo̱ 40:10 ပူးပေါင်းရင်းမြစ်များ

Xo̱jo̱n Salmoo̱ 22:26

Xota̱ ni̱ma̱a̱ skji̱ni̱e̱ ko̱jo kꞌuí, kó stsi̱e̱ cha̱n cha̱a̱n, kó xota̱ xi mongase Néná, ngatsꞌèntsjaà. ¡Ngatsjéni̱xtjin ngatꞌíjñá ini̱ma̱jnú!

Xo̱jo̱n Salmoo̱ 25:10

Kjo̱a̱ni̱ma̱takón ko̱jo kjo̱a̱kixi̱ boá, ngayeje ndi̱ya̱à Néná, kó kuí boá ni xi sa̱ko̱ó xota̱ xi sa̱ꞌínkjatjosón kjo̱a̱ꞌbíndàa̱, ko̱jo xi ku̱i̱ntꞌiéꞌeén kjo̱a̱botíxomàa̱.

Xo̱jo̱n Salmoo̱ 34:6

An, xi jmí ni chjíjiín an, ni̱ma̱ kixian an nga tsíchji̱a̱a̱ Néná, kó kuí tsintꞌiéna, kó katsꞌéndéna kjo̱a̱a̱ ngayeje ni xi nda̱ kamána.

Xo̱jo̱n Salmoo̱ 75:9

Ta̱nga an, ngatsjéni̱xtjin kuichjiá an kjo̱a̱a̱ kui, kó sièe̱ salmo̱ Nee̱ Jakoo̱b.

Xo̱jo̱n Salmoo̱ 89:1

Ngatsjéni̱xtjin nga sie an kjo̱a̱ni̱ma̱takoón Néná. Kó ta̱kjiꞌání nga xiyà an kjo̱a̱ꞌniátakón xi tjiín ji Ne,

Rkaa̱ 3:6

Kó ngayeje xotaa̱ xi sku̱i̱e̱ kui kjo̱a̱ꞌnaxiéꞌá xi katsangiya Néná.”

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Xota̱ Roma̱ 10:3

Ngatꞌa̱ katsꞌénxki̱jín nga Néná mejeén nga kixi̱ ka̱ma xotaa̱, ta̱sá kui tsangase ndi̱yà kótsꞌèn nga kixi̱ kꞌuíndo ngindyi̱ko̱n Néná, ni̱ma̱kjo̱a̱jín katsꞌén yojoo̱ nga katsꞌénjo̱ꞌo kjo̱a̱kixi̱ xi tsjá Néná.

Xota̱ Filipo̱ 3:9

kó nga ngo nijan ka̱ma an kui. Mejénjínna kjo̱a̱kixi̱ xi tsa̱ꞌa̱n xi ndibánií nga niꞌánkjatjosón kjo̱a̱kitii̱. Ta̱sá kui kjo̱a̱kixi̱ xi sakóná ta̱ngatꞌanii̱ nga sꞌi̱jinná Kristoo̱. Kó kuí boá xi̱ꞌba̱ kjo̱a̱kixi̱ xi ndibánií Néná ta̱ngatꞌanii̱ nga sꞌijinna.

1 Xota̱ Tesalónika̱ 1:8

Ngatꞌa̱ jún boá xi tjón kachjábéjnú eén Ndi̱a̱ná, kó kjimatsie ngase, jmí tsi ta̱ na̱xi̱ńdáꞌniú Masendonia̱ ko̱jo na̱xi̱ńdáꞌniú Akaya̱ tsí, mején ngayeje ngi̱ndie tjiyá xikótsꞌèn sꞌijinjnú Néná, kó ngaskande ngiti̱ chjiénjín nga tjín ni xi ko̱ndókjo̱a̱jne̱ ji̱n kjo̱a̱a̱ kui nii̱.

1 Timoo̱ 1:15

Én xí ma niꞌánsꞌijin boá xi̱ꞌbi̱, kó chjiéngá ngayeje xota̱ xi sa̱ꞌínsꞌijin: Nga Kristo̱ Kjisoo̱ jeꞌe kui nga̱sondiee̱, tsi̱ꞌe̱ nga kꞌo̱xiéꞌá xota̱ jé. Kó án boá xi tjón an ngi̱jii̱n kui xota̱jeé.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.