Xo̱jo̱n Salmoo̱ 4:7 - Xo̱jo̱n eén Néná

⁷ Jí boá xi katseꞌée̱ kjo̱a̱tsja ini̱ma̱na, tsꞌatio ngase katseꞌée̱ ta̱bo̱a̱jiín kui xotaa̱, ndatsi tsie to ndso̱ko̱a̱n ṉño̱pan ko̱jo bino̱ tjiín.

Xo̱jo̱n Salmoo̱ 4:7 ပူးပေါင်းရင်းမြစ်များ

Xo̱jo̱n Salmoo̱ 31:17

Ji Ne, ngata̱ jmí kjo̱a̱soboá niꞌínkjeꞌejínní, ngatꞌa̱ jí boá xi tsíchji̱a̱a̱. ¡Ngatjaꞌa kjo̱a̱soboá xota̱ xi ndajiín, kó ki̱a̱ tjajmiyé ji ti̱xa̱nga̱tsjo̱ó!

Xo̱jo̱n Salmoo̱ 37:4

Tsjangatamaa̱ ngatꞌaa̱ Néná, kó kuí boá xi tsja̱á ni xi mejeén ini̱ma̱a̱.

Xo̱jo̱n Salmoo̱ 43:4

Kósꞌe̱ kꞌosꞌi̱e̱n an nínga tikón ṉchaa̱n Néná, kui Néná xí kjo̱a̱tsjana, ko̱jo kjo̱a̱mojnóna, kó ki̱a̱ sa̱ꞌintsjaá nga sa̱ꞌinkjièn án soó arpaa̱, ngatꞌa̱ jí boá xi Néna ji, Ne tsa̱ꞌa̱n.

Xo̱jo̱n Salmoo̱ 67:2

Tsi̱ꞌe̱ nga ngayeje tꞌanangii̱ xcha̱ ndi̱yàa̱, ko̱jo nga xcha̱ kjo̱a̱ꞌnaxiéꞌáa̱ ngi̱jii̱n ngayeje na̱xi̱ńdá.

Xo̱jo̱n Salmoo̱ 80:4

Ji Ne xi tsi̱ꞌe̱ jájuún, ngaskande kjiꞌání nga to̱kó si̱ꞌinxchín jí, kondraa̱ nga ndyi̱chji̱a̱a̱ xota̱ na̱xi̱ńdáa̱.

Xo̱jo̱n Salmoo̱ 92:4

Ji Ne, nga ja̱koxi̱ achichí kjo̱a̱tsja katseꞌéní kjo̱a̱a̱ ni xi je kiniꞌín ji, kjo̱a̱a̱ ngayeje ni xi je katsꞌénda ndse̱ ji, ngaskande kjandayà tsjá má an.

Én xí nda xi ꞌniú tsjatsó ngasee̱ 1:4

¡Tsáyè ji, kó tꞌenje̱ní nínga tindyin ji! ¡Tꞌenje̱ní ki̱a̱ ngi̱yaꞌmàa̱, re xi tsa̱ꞌa̱n! Tsjangatꞌiéná ji ko̱jo an, kó tsjá ngase ngatamana nga si̱ꞌinmejénní, ta̱bo̱a̱jiín binoo̱. ¡Ta̱ngatꞌanii̱ kui nii̱ nga ínchjín xo̱ngo̱ò, achichí mejeén ji!

Xki̱ 6:25

Néná tsjangatamaa̱ nga skotsíjee̱n, kó ngatsjaá kjo̱a̱ni̱ma̱takoón.

Ni xi kamá 14:17

ndatsi ngatsjéni̱xtjin akoó xotaa̱ kjo̱a̱nda xi tsꞌén, tsi̱ꞌe̱ nga xcha̱ ꞌyání xi kui, ngatꞌa̱ kuí xí tsangiyàjnú stseé, tsi̱ꞌe̱ nga nda ka̱maxchá ni xi ꞌbítji̱e̱jnú, kó kuí xí tsja̱ajnú nga nda xi̱ni̱e̱ nga nda sꞌi̱o̱jnú, ko̱jo nga kꞌuieé kjo̱a̱tsja ini̱ma̱jnú.

1 Xo̱jo̱o̱n Peé 1:8

Jesukristoo̱ xí ndyi̱niꞌántjójnú ndatsi kamáyàjínjnú kó kisꞌie kje̱n, kó tjisꞌíjinjnú ndatsi ngotꞌe̱ yàjínjnú kje̱n, achichí kjo̱a̱tsja xi ꞌniú jè tjínjnú, kó ngaskande nde yàjín kótsꞌèn kꞌuiyá kuí nii̱,