Xo̱jo̱n Salmoo̱ 39:8 - Xo̱jo̱n eén Néná

⁸ Ti̱ꞌindéní kjo̱a̱a̱ ngayeje ni xi ndajín xi katsꞌen an, ¡ngata̱ boeꞌéndièjín ji nga xota̱ xi kitikjo̱a̱a̱ ko̱jno̱kiena!

Xo̱jo̱n Salmoo̱ 39:8 ပူးပေါင်းရင်းမြစ်များ

Xo̱jo̱n Salmoo̱ 119:39

Ée̱n boá xi ꞌniú mejeén ini̱ma̱na. Achichí tsakjon má an nga tsꞌenkjó án nga tsꞌenchꞌóna kondra̱na. ꞌNa̱xiéꞌéní, kó ti̱ꞌinꞌnítakínní, ngatꞌa̱ jí boá xi xikoó ngo Ne ndiꞌa masien xi kixi̱.

Xo̱jo̱n Salmoo̱ 130:6

Achichí ni xi kjimana nga tsꞌénkoyàa̱ Néná, ¡ꞌniú ngase tsꞌénkoyàa̱, ta̱bo̱a̱jiín nga koyaa̱ nga sisi̱eén kui xota̱ xi kondaa̱! Xota̱ xi kondaa̱ koyaa̱ nga si̱si̱eén,

Xo̱jo̱n Salmoo̱ 130:8

¡Néná boá xi kꞌo̱xiéꞌá na̱xi̱ńdá Israee̱l kjo̱a̱a̱ ngayeje jé xi katsꞌén!

Xo̱jo̱n Salmoo̱ 25:11

Ta̱ngatꞌanii̱ kjo̱a̱tjó xi tjiín ji Ne, ti̱ꞌinjetakínní jé ꞌniú xí katsꞌen an.

Xo̱jo̱n Salmoo̱ 25:18

Tsitsíjìi̱n kjo̱a̱ndasenna, ko̱jo nga achichí je jenda an, ¡kó chje̱ꞌéxínní ngayeje jé xí jè katsꞌen an!

Xo̱jo̱n Salmoo̱ 35:21

Kjíxꞌá tiyá tiyá tsꞌoa nga bi̱ tsó kondra̱ tsa̱ꞌa̱n: «¡Ja, ja, ja, ndyikón má ji̱n xi ndyi̱be!»

Xo̱jo̱n Salmoo̱ 44:13

Jí boá xi kiniꞌín ji nga tsajnókiejne̱ xota̱ xi síndotꞌajne̱, kó kjo̱a̱mojnóchaá ko̱jo kjo̱a̱soboaá kui xota̱ je kamájne̱.

Xo̱jo̱n Salmoo̱ 51:14

Ti̱ꞌindení kjo̱a̱a̱ nga ini̱ma̱ niꞌánkꞌieén, ji Ndi̱a̱, ko̱jo ji Ne xi ꞌboxiéꞌána, kó najén án si̱é kjo̱a̱a̱ kjo̱a̱kixi̱i̱.

Xo̱jo̱n Salmoo̱ 57:3

Kuí boá xi ndeskande nkꞌajmii̱ kꞌo̱xiéꞌána, kjo̱a̱a̱ xota̱ xi ndajín tsꞌénjo̱na. ¡Néná boá xi sa̱ngíyá kjo̱a̱ni̱ma̱takoón ko̱jo kjo̱a̱kixi̱i̱!

Xo̱jo̱n Salmoo̱ 65:3

Jéjne̱ boá xi mejeén botixómájne̱, ta̱nga jí boá xi niꞌínjetakínjne̱.

Xo̱jo̱n Salmoo̱ 79:4

Xota̱ xi síndotꞌa na̱xi̱ńdá nínga tindyionjne̱ mojnókiejne̱, ¡kjo̱a̱soboá ko̱jo kjo̱a̱mojnóchaá xota̱ xi síndotꞌajne̱ kjimajne̱!

Matioo̱ 1:21

Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.