Xo̱jo̱n Salmoo̱ 38:6 - Xo̱jo̱n eén Néná

⁶ Jè tjitíkoyá má yojona, jè ni̱ma̱kjo̱a̱ tikòn an, nga ngo ni̱xtjii̱n nga ndasen tsoꞌbá an.

Xo̱jo̱n Salmoo̱ 38:6 ပူးပေါင်းရင်းမြစ်များ

Joo̱b 30:28

Achichí ndasen tikón an, xikó má chon má nga xindyiá ṉdi̱, mongase an nga ko̱síko̱jona xotaa̱, ta̱nga ta̱ꞌyajín xi bosikójona.

Joo̱b 7:5

Ngayeje yojona je kjifee̱ chi̱ndo ko̱jo stsié, ¡ngayeje yojona nga tjitjoó ndátjítsi̱é!

Xo̱jo̱n Salmoo̱ 107:17

Xota̱ xi xcháná achichí kitikjo̱a̱ kamá, kó xikó tsꞌén xota̱ xi chi̱ni, bo̱a̱ katsꞌén, achichí kjo̱a̱ni̱ma̱ jaꞌa ta̱ngatꞌanii̱ ni xi ndajín xi katsꞌén.

Xo̱jo̱n Salmoo̱ 145:14

Ji Ne, jí boá xi chjaninkꞌe ji xota̱ xi je ixoó, kó boeꞌée̱ ngaꞌniú xota̱ xi je jendaa̱.

Xo̱jo̱n Salmoo̱ 31:10

Ngayeje ni̱xtjin nga tikòn an, nga kjo̱a̱ndasen tsꞌénfoaꞌatio an, ngayeje ni̱xtjin nga tikòn an nga tsꞌénkjandá án, ta̱ngatꞌanii̱ ni xi ndajín xi katsꞌen an nga je ngiti̱ jmí ngaꞌniújínna, kó ńdana je kjife ngaꞌniuú nga.

Xo̱jo̱n Salmoo̱ 35:14

Bo̱a̱ katsꞌenjo̱ an xikó niꞌánjo̱ ngo nda̱ xi nda yaꞌaná, ko̱jo tsi xikó niꞌánjo̱ ngo ntsꞌié, askjandátjé an xikó má tsꞌén ngo xi kjandátjé nga ꞌme na̱aa̱n, ndasen ko̱jo ni̱ma̱kjo̱a̱ ijñá an yojona.

Xo̱jo̱n Salmoo̱ 42:5

Míkjo̱a̱a̱ nga ngiti̱ kjimaꞌniútakínjín ji ndí ini̱ma̱. Míkjo̱a̱a̱ nga nda̱ kjimaa̱ ngi̱jin yojona. Chiyéràa̱ Néná, ngatꞌa̱ to̱kó sa̱ꞌintsjáñáa̱ ¡Néná boá xí ꞌboxiéꞌána, kó kuí boá xi Néna!

Xo̱jo̱n Salmoo̱ 42:9

Bi̱ xiáa̱n kui: Ji xi ndi̱jo̱ jena. Míkjo̱a̱a̱ nga kiniꞌínchíyéní. Míkjo̱a̱a̱ nga tikón xa̱ꞌya̱ an, ta̱ngatꞌanii̱ nga kondra̱na ndajín tjítsꞌénjo̱na.

Xo̱jo̱n Salmoo̱ 43:2

Ngatꞌa̱ jí boá xi Ne xi tsjangaꞌniúna. Ánní nga kiniꞌínchꞌíní. Míkjo̱a̱a̱ nga ndasen tikón an, kjo̱a̱a̱ nga kondra̱na ndajín tjítsꞌénjo̱na.

Xo̱jo̱n Salmoo̱ 57:6

Ngo chja̱ya̱ íjñá tsi̱ꞌe̱ nga ki̱a̱ kꞌo̱ka an nga kjo̱a̱ꞌa an, kó ini̱ma̱na achichí nda̱ kamaá, ngo ti̱xa̱ katsꞌénda ngindyikón án, ta̱nga ta̱sá ti̱ kuii̱ xi ixóyà.

Xo̱jo̱n Salmoo̱ 6:6

¡Jè jenda an nga ta̱soboá tsꞌénkjandá án! Xki̱ jñó xki̱ jñó ni̱ma̱ kjandá án, kó ndándyíkón án tsꞌénkꞌándyi̱ má ṉchanna.

Xo̱jo̱n Salmoo̱ 88:9

Ji Ne, ngaskande ndibajén má ndándyíkón án kjo̱a̱a̱ kui kjo̱a̱ndasee̱n. Ndyiojón ndyiojón chjiáa̱ ji, kó mejen an ndsa̱ án nínga tindyin ji.