Xo̱jo̱n Salmoo̱ 36:9 - Xo̱jo̱n eén Néná

⁹ Ngatꞌa̱ jí boá xi tikoón ndáńchꞌi̱ nínga tikón kjo̱a̱mindyioo̱n, kó kjo̱a̱a̱ kui ndiꞌí xí tikoón nga ka̱maxcha̱nijne̱ ndiꞌií.

Xo̱jo̱n Salmoo̱ 36:9 ပူးပေါင်းရင်းမြစ်များ

Joo̱b 29:3

Kjiꞌanga kuí má bo̱a̱ xi katsꞌéntsijenna nga katsꞌénkjién ndiꞌií, ni̱xtjin nga ta̱ngatꞌanii̱ kui ndiꞌií nga kamá kistsoꞌbá an nínga jñoó,

Xo̱jo̱n Salmoo̱ 27:1

Néná boá ndiꞌí xí tsꞌentsíjenna ko̱jo xi ꞌboxiéꞌána. ꞌYá xí stsakjòo̱n. Néná boá xi tsjangaꞌniúna nga tikón an. ꞌYá xí ku̱i̱ndyiándikónna.

Xo̱jo̱n Salmoo̱ 65:5

Ji Ne xi ꞌnaxiéꞌéjne̱, jí boá xi niꞌínsénjne̱ nga ji̱n xi niꞌánjne̱. Xota̱ xi síndo nangi nínga kjii̱n, jí boá xi kjimaꞌniátakoón. Bo̱a̱ tsꞌén xota̱ xi síndo ngaskande nínga fetꞌanii̱ ndáchíkoón.

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Juaa̱ 4:10

Sꞌe̱ Kjisoo̱, bi̱ katsó: –Tsi yera ji kjo̱a̱ndaa̱ Néná, ko̱jo tsi yera ji ꞌyání xi bi̱ tjítsoó: “Chií ndáfoa te̱ꞌéní”, jira̱ xi chji̱e̱ꞌèe̱, kó kuí xí tsja̱á ndáfoa xi tsjaá kjo̱a̱mindyion xotaa̱.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 8:12

Ti̱ ingo ndi̱yà tsíchji̱a̱jo nginí Kjisoo̱ xotaa̱, nga bi̱ katsoó: –Án boá ndiꞌí xí tsꞌentsíjee̱n xotaa̱ kui nga̱sondiee̱, xi ko̱e̱je̱tji̱ngina jmíni̱xtjin nga nínga jñó kjótsoꞌbá, ngatꞌa̱ kꞌuiérií ndiꞌí xí tsjá kjo̱a̱mindyioo̱n.

2 Xota̱ Korinto̱ 4:6

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

Ni xi akakoo̱ 21:23

Kó kui na̱xi̱ńdáꞌniuú jmí tsꞌué ti̱nde jmí sá chjiénjiín xi sa̱ꞌíntsijee̱n, ngatꞌa̱ ndiꞌií kjo̱a̱jee̱ Néná xí tjítsꞌéntsíjee̱n, kó cho̱tsa̱nga̱a̱ boá xi ndiꞌí xí tsꞌentsíjee̱n.

Ni xi akakoo̱ 21:6

Kó bi̱ katsóna: –Jè kamá ngayeje nii̱. Án boá xi alfaa̱ ko̱jo xi omengaa̱, xi tjón ko̱jo xi fetꞌaa̱. Kó xi xíndaá, án xí ta̱ tsjañáa̱ nga kꞌuí ndáfoaa̱ kjo̱a̱mindyioo̱n.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.