Xo̱jo̱n Salmoo̱ 36:7 - Xo̱jo̱n eén Néná

⁷ Ji Ne, ¡Achichí tsjákjiꞌi kjo̱a̱ni̱ma̱takóo̱n! Kuíni nga xota̱ nga̱sondiee̱ ki̱a̱ ꞌbíndongí ngindie nkꞌieén nga̱a̱.

Xo̱jo̱n Salmoo̱ 36:7 ပူးပေါင်းရင်းမြစ်များ

Joo̱b 37:23

Nde ka̱makjínjínná kjo̱a̱je xi tjiín Néná xí tsi̱ꞌe̱ ngayeje ngaꞌniuú, achichí ngaꞌniú tjiín, ko̱jo achichí je kjo̱a̱kixi̱i̱.

Xo̱jo̱n Salmoo̱ 139:17

Ji Ne, ¡achichí niꞌín mána nga makjínna kjo̱a̱kjíntakóo̱n! ¡Ta̱nga achichí niꞌín ngase ka̱mana tsi kꞌuixki̱ an! ¡Kjín ngase má ta̱bo̱a̱jiín tsomií ndáchíkoón! ¡Kó ndatsi ka̱mana kꞌuixki̱ an, kjófé an, kó nga kjo̱a̱ꞌána, kó ji, to̱kó ki̱a̱ra̱ tindyintꞌení!

Xo̱jo̱n Salmoo̱ 17:8

Chínní xikoó tsi ndyikin ji, ngi̱ndie nga̱a̱ tꞌíjñiꞌmíní,

Xo̱jo̱n Salmoo̱ 31:19

Achichí je kjo̱a̱ndaxota̱ xi tichjeꞌétjé ji kjo̱a̱a̱ xota̱ xi tsakjoón jí, ko̱jo xi tiꞌbíjñinde ji kjo̱a̱a̱ xota̱ xi ji kjimaꞌniátakoón, ngindyi̱ko̱n ngayeje xota̱ nga̱sondiee̱.

Xo̱jo̱n Salmoo̱ 57:1

¡Ngatamani̱ma̱a̱ an, ji Ne! ¡Ngatamani̱ma̱a̱ an! ¡Ngatꞌa̱ jí boá xi kjimaꞌniátakoón, kó ki̱a̱ kotíjña̱ nga xchínní ngindie tji̱nkꞌi̱e̱én nga̱a̱, ngaskande nga kjo̱a̱ꞌa ni xi ndajiín!

Xo̱jo̱n Salmoo̱ 63:7

¡Ngatꞌa̱ jí boá xi bosíke̱jení! ¡Kó achichí tsjá mána nga sie an, ngatꞌa̱ ngindie tji̱nkꞌi̱e̱én nga̱a̱ tikón an!

Xo̱jo̱n Salmoo̱ 71:19

Kó ko̱jo kjo̱a̱kixi̱i̱ nga Ne, ngaskande nkꞌa jàn fochó, ko̱jo ni xi achichí ni yiꞌi xi je kiniꞌín ji. ꞌYá xí kjo̱chótji̱ngi xikó kón ji.

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Xo̱jo̱n Salmoo̱ 86:5

Ngatꞌa̱ ji Ne, nda jí xota̱, kó maá niꞌínjetakín ji, ¡kó achichí kjo̱a̱ni̱ma̱takón tjiín kjo̱a̱a̱ xota̱ xi tsꞌénkáxoma jaꞌée̱n!

Xo̱jo̱n Salmoo̱ 91:4

Tsja̱nga̱a̱ ko̱óꞌmánii̱, kó ngindie nga̱a̱ ka̱ma ku̱i̱ndyin ji, kjo̱a̱kixi̱i̱ kui, xikónií ngo ni xi ꞌbíchjaá ni xi ndajiín xi skoón jí.

Éksondo̱ 34:6

Tji̱e̱nga tsꞌénfoaꞌa kje̱n Moisee̱, Néná ꞌniú tsíchji̱a̱ nga bi̱ katsó: «¡Án boá xi Nee̱ xota̱ Israee̱l! ¡ÁN XÍ ÁN, kó kuí boá kuí jaꞌeén xí kamábenina xotaa̱! Án boá ngo Ne xi nda ini̱ma̱a̱ ko̱jo xi ndaxota̱. Jmí tsi tsá tsꞌenxchán án, kó achichí ꞌniú tjóna xota̱ na̱xi̱ńdána.

Rkaa̱ 13:34

¡Jún xota̱ na̱xi̱ńdáꞌniú Jerusale̱n, jún xota̱ na̱xi̱ńdáꞌniú Jerusale̱n, xi niꞌánkꞌiénjnú já chji̱ni̱e̱ꞌe̱én Néná, kó ndi̱jo̱ foyàjnú xota̱ xi nangiyajnú! ¡Kótjín ndi̱yà kamámejénna itikojnúꞌun, xikótsꞌèn ꞌbitíkó ndií xo̱nda̱na̱aa̱n ngindie nga̱a̱, kó kamámejénjínjnú!

Juaa̱ 3:16

Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

2 Xo̱jo̱o̱n Peé 1:4

Kó ti̱ katsjáná kjo̱a̱nda xi chjínií ko̱jo xi tsjakon xi katsóyàtjón nga tsja̱aná. Ta̱ngatꞌanii̱ kui nii̱ nga jún ka̱ma ku̱i̱ndyionjnú xi kótsꞌèn tikón Néná, nga je ikiyojnúu̱ ni xi ndajín xi chji̱a̱ni kui nga̱sondiee̱, kui ni xi mejeén ini̱ma̱a̱ kui xotaa̱.

1 Xo̱jo̱o̱n Juaa̱ 3:1

Tsitsíjenjnúu̱ kókjiꞌi tsie kjo̱a̱tjó xi tsꞌéntsjáná Néná xí Na̱ꞌmii̱, nga xotaa̱, ndií Néná tsóná ñá, kó ndií Néná boá ñá. Kuíni nga xotaa̱ kui nga̱sondiee̱ bejínná ñá, ngatꞌa̱ kui bejín Néná.

Na̱ Ruu̱t 2:12

¡Néná nga tꞌíchjií ngayeje ni nda xi kiniꞌín ji! ¡ꞌNiú nda ngatsꞌénjoo̱ kui Néná xí tsi̱ꞌe̱ na̱xi̱ńdá Israee̱l, kui xi timindyisé ji nga skoón!