Xo̱jo̱n Salmoo̱ 33:1 - Xo̱jo̱n eén Néná

¹ ¡Tsja ngatamajnú ngatꞌaa̱ Néná jún xota̱ xi kixi̱! Kjiꞌanga sie xota̱ xi kixi̱i̱, ndatsꞌèn ndaꞌyaá só xi ndaa̱ Néná.

Xo̱jo̱n Salmoo̱ 33:1 ပူးပေါင်းရင်းမြစ်များ

Xo̱jo̱n Salmoo̱ 118:15

Xota̱ xi kixi̱i̱ ki̱a̱ ndiꞌaa̱, bi̱ nga tsó nga nga kjandayà tsja: «¡Néná katsꞌénkjién ngaꞌniuú, kó kuí boá xi katsꞌénni! ¡Si̱ꞌantsjà kjo̱a̱a̱ ngaꞌniú xí tjiín!»

Xo̱jo̱n Salmoo̱ 135:3

¡Si̱ꞌantsjàa̱ Néná, ngatꞌa̱ achichí nda tsꞌénjo̱ná! ¡Ko̱ndáa̱ só ngatꞌa̱ achichí ndaxota̱!

Xo̱jo̱n Salmoo̱ 147:1

¡Si̱ꞌantsjàa̱ Néná! Nga ja̱koxi̱ achichí tsjákjiꞌi nga ko̱nda̱á só Néná, achichí tsjákjiꞌi ko̱jo kixi̱ kjiꞌi nga ko̱nda̱á só Néná.

Xo̱jo̱n Salmoo̱ 32:11

¡Tsja ngatamajnú jún xota̱ xi kixi̱, ti̱ꞌantsjàjnúu̱ Néná! ¡Tsjangatꞌiéjnú nga ko̱ndàjnúu̱ Néná, jún xota̱ xi kixi̱ síndo ini̱ma̱a̱!

Xo̱jo̱n Salmoo̱ 97:12

Jún xota̱ xi kixi̱, tsja ngatamajnú kjo̱a̱a̱ Néná, kó te̱ꞌéjnúu̱ ndokꞌóchji̱ì nga kjo̱a̱ꞌátsjienjnú jaꞌén tsjiee̱.

Énkjínkón 15:8

Chꞌórií Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, ta̱nga achichí tsjá maá nga ntꞌieé, kjiꞌanga xota̱ xi kixi̱i̱ chji̱a̱a̱ Néná.

Xota̱ Roma̱ 3:10

Xikó tsꞌén kjitꞌa xo̱jo̱n eén Néná: Nde ngojín xota̱ xi kixi̱ ngindyi̱ko̱n Néná.

Xota̱ Roma̱ 5:19

Ngatꞌa̱ xikótsꞌèn nga ta̱ngatꞌanii̱ nga ngo nda̱ xi tsintꞌiéꞌénjiín Néná nga achichí xota̱ xi katsꞌénjé, ti̱ bo̱a̱ ti̱ tsꞌén ta̱ ngo tsí nda̱ xi tsintꞌiéꞌeén Néná, kó ta̱ngatꞌanii̱ kui nga achichí xota̱ xi kixi̱ ka̱ma ngindyi̱ko̱n Néná.

Xota̱ Filipo̱ 4:4

Tsja ngatamajnú ngatsjéni̱xtjin ngatꞌaa̱ Ndi̱a̱ná. Ingo ndi̱yà bo̱a̱ xian nginíjnúꞌun: ¡Tsja ngatamajnú!