Xo̱jo̱n Salmoo̱ 32:7 - Xo̱jo̱n eén Néná

⁷ Jí boá xi ngi̱ndie nínga botíjña̱ ꞌma an, jí boá xi xchínní kjiꞌanga nda̱ ka̱mana, jí boá xi kꞌuínde ji xota̱ xi si̱é só xi nda nga je xota̱ xi je kamá ndé, nga ngo foaꞌatjiyajonna.

Xo̱jo̱n Salmoo̱ 32:7 ပူးပေါင်းရင်းမြစ်များ

Xo̱jo̱n Salmoo̱ 143:9

Ji Ne, ꞌna̱xiéꞌéní ngi̱ya tsja kondra̱na, ngatꞌa̱ jí xí tsꞌénmongasee̱ nga xchínní.

Xo̱jo̱n Salmoo̱ 18:5

Jaꞌatjiyajonna chja̱ya̱a̱ nga̱tsjo̱ó, ko̱jo kjo̱a̱bo̱yaa̱, kó mejeén kꞌien an katsaki.

Xo̱jo̱n Salmoo̱ 27:5

Ngatꞌa̱ kjiꞌanga kji̱ndi̱bá ni̱xtjin xi ndajiín, kuí boá xi skónna ki̱a̱ ngi̱ndie ꞌniú nínga tikón, kó ki̱a̱ ku̱i̱ꞌíjñaꞌmana nínga tikón ndiꞌandikoón. Ki̱a̱ nkꞌaa̱ ngo ndi̱jo̱je ku̱i̱ꞌíjñasónna.

Xo̱jo̱n Salmoo̱ 31:20

Ki̱a̱ nínga tindyin ji, ki̱a̱ kꞌuijñíꞌmí ji, tsi̱ꞌe̱ nga jmí ni sa̱ꞌínjiín ni xi ndajín xi ꞌbínda xota̱ nga̱sondiee̱, ngo ngi̱ndie chje̱ꞌétjé ji, tsi̱ꞌe̱ nga jmí ni sa̱ꞌínjiín ni ta̱xkiya xi chji̱a̱ na̱je̱n xotaa̱.

Xo̱jo̱n Salmoo̱ 32:10

Xota̱ xi ndajiín achichí kjo̱a̱ni̱ma̱ kjo̱a̱ꞌatio, ta̱nga xota̱ xi ji kjimaꞌniátakón Néná, kjo̱a̱ni̱ma̱takón boá xi kjifoaꞌatjiyajoo̱n.

Xo̱jo̱n Salmoo̱ 40:3

Kósꞌe̱ ngo só tja̱tsi̱e̱ íjñá ngi̱ya ndso̱ꞌba án, ngo só xi nda nga niꞌántsjaá Néná. Achichí má xota̱ xi sku̱i̱e̱ kui nii̱, kó sku̱i̱e̱ndikón, kó kamáꞌniátakón Néná.

Xo̱jo̱n Salmoo̱ 5:12

Ji Ne, jí boá xi niꞌínchikonñí xota̱ xi kixi̱i̱, kó kjo̱a̱nda xi tjiín ji foaꞌatjiyajoo̱n kui, xikoó ngo ni xi ꞌbíchjaá ni xi ndajín.

Xo̱jo̱n Salmoo̱ 9:9

Néná boá xi skoón xota̱ xi ndajín mataꞌii̱n, kuí boá xi tsja̱angaꞌniuú xotaa̱ kjiꞌanga nda̱ ka̱maa̱.

Xo̱jo̱n Salmoo̱ 91:1

Kui xi tikón nga Néná xí tikón nkꞌajmii̱ skoón, ki̱a̱ kꞌuijñá ngindie nkꞌieén Néná xí tjiín ngayeje ngaꞌniuú.

Xo̱jo̱n Salmoo̱ 98:1

¡Ndàjnúu̱ Néná ngo só tja̱tsi̱e̱! ¡Ngatꞌa̱ kuí boá xi achichí ni xi fíndikónná xi je katsꞌén! Tjia xi tsjiee̱ ko̱jo xi tjiín ngaꞌniú katsꞌénkjién nga katsꞌeén kondraa̱.

Xota̱ Kolosa̱ 3:3

Ngatꞌa̱ jún jè jesónjnú kjo̱a̱a̱ ni nga̱sondiee̱, kó Néná jè íjñá ngi̱jii̱n Kristoo̱ kjo̱a̱mindyionjnú.

Ni xi akakoo̱ 7:10

Kó ngayejee̱ nga ꞌniú tsíchji̱a̱, nga bi̱ katsó: ¡Néná ko̱jo cho̱tsa̱nga̱a̱ kuí xí botixómá, kó kuí xí ꞌboxiéꞌáná!