Xo̱jo̱n Salmoo̱ 32:5 - Xo̱jo̱n eén Néná

⁵ Ta̱nga kixiyaa jéna, kó iꞌmájaán ni ndajín xi katsꞌen an. Bi̱ kixian an: Xiyàa̱ Néná ni xi ndajín xi katsꞌen an. Kó jí boá xi kiniꞌínjetakínní kuí ni xi ndajiín jé xí katsꞌen an.

Xo̱jo̱n Salmoo̱ 32:5 ပူးပေါင်းရင်းမြစ်များ

Joo̱b 31:33

jmíni̱xtjin iꞌmá an ngo jé xí katsꞌen an xikó tsꞌén xota̱ xi ngasee̱, ti̱nde tjiꞌmájínna ni xi ndajín xi tsꞌen an,

Joo̱b 33:27

Kósꞌe̱ bi̱ ka̱tso̱o̱ ngayeje xota̱ nga̱sondiee̱: “Ndatsi katsꞌenjé án, kó kixi̱jín kamá an, ta̱nga Néná katsꞌénjéjínna xikótsꞌèn tsoboána katsaki.

Xo̱jo̱n Salmoo̱ 103:12

Xín katsꞌénkjaꞌáná kui jé xí kiniꞌán, xikó má tsꞌén kja̱xín kja̱xín índo nga ngo nga ngo tji̱ngi̱i̱ tꞌanangii̱.

Xo̱jo̱n Salmoo̱ 103:3

Néna jè katsꞌénjetakónna ngayeje ni xi ndajín xi katsꞌen an, kó katsꞌéndaya nginína,

Xo̱jo̱n Salmoo̱ 25:16

Tsitsíjinní, kó ni̱ma̱ ngatamaa̱ an, ngatꞌa̱ tikón so̱bo̱a̱ án, kó achichí ndasen tikòn an.

Xo̱jo̱n Salmoo̱ 25:18

Tsitsíjìi̱n kjo̱a̱ndasenna, ko̱jo nga achichí je jenda an, ¡kó chje̱ꞌéxínní ngayeje jé xí jè katsꞌen an!

Xo̱jo̱n Salmoo̱ 30:5

Ngatꞌa̱ ta̱ ngotjón tsí bo̱a̱ nga tsꞌénxchán, ta̱nga ngatsjéni̱xtjin nga nda xota̱ ma. Xchaꞌára̱ nga ni̱xtji̱e̱e̱n, ta̱nga nga kamángindyiojoón jè tsjá kꞌuiéna.

Xo̱jo̱n Salmoo̱ 38:18

Kuíni nga chjiéngá xiyaá ni xi ndajín xi katsꞌen an. Kó ndasen kotíjña̱ an kjo̱a̱a̱ jé xí katsꞌen an.

Xo̱jo̱n Salmoo̱ 38:19

Kondra̱na to̱kó síndo boá, kó achichí ngaꞌniú tjiín, kó achichí je kamákjín xi chꞌoo̱ an kjo̱a̱a̱ ni xi kjimana.

Xo̱jo̱n Salmoo̱ 51:6

Ja̱koxi̱ boá nga mejeén xchi̱e̱ ji ni xi tjiꞌmaá, kuíni nga ꞌma ꞌma te̱ꞌéní kjo̱a̱kjínkóo̱n.

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Xo̱jo̱n Salmoo̱ 86:5

Ngatꞌa̱ ji Ne, nda jí xota̱, kó maá niꞌínjetakín ji, ¡kó achichí kjo̱a̱ni̱ma̱takón tjiín kjo̱a̱a̱ xota̱ xi tsꞌénkáxoma jaꞌée̱n!

Énkjínkón 28:13

Xi ꞌbíꞌmá jé xi tsꞌén, jmíni̱xtjin nda ko̱e̱je̱e̱, ta̱nga kui xi ka̱tso̱yaa̱, kó ngiti̱ sa̱ꞌínjéjín, kuí boá xi sa̱ko̱ó kjo̱a̱jetakoón Néná.

Énkjínkón 30:20

»Na̱ xi tsꞌéntꞌaa̱kjo̱a̱ xi̱ꞌii̱n, bi̱ tsꞌén: kje̱ꞌe xíꞌín fojñajo̱, jaskan mongáyà, kósꞌe̱ bi̱ tsó: “¡Jmí ni xi ndajín katsꞌénjín an!”

Rkaa̱ 16:15

Kó Kjisoo̱, bi̱ katsoó kui jaá: –Jún ngindyi̱ko̱n xotaa̱ kixi̱ májnú yojojnú, ta̱nga Néná be kókjiꞌi ini̱ma̱jnú. Ngatamakjínjnú nga ni xi achichí bendikón xotaa̱, ngindyi̱ko̱n Néná ni xi ta̱nisién ꞌniú chꞌokjiꞌi boá.

Rkaa̱ 7:47

Kuíni nga bo̱a̱ xianñaa nga ndatsi kjín má jeé, jè kiniꞌánjetakoón, ngatꞌa̱ achichí ꞌniú katsꞌéntjó, ta̱nga kui xota̱ xi chiboa niꞌánjetakoón, chiboa tsí tsꞌéntjó.

Xota̱ Éfeso̱ 4:32

Ta̱sá ndaxota̱ ngatamajnú ja̱kꞌi̱e̱ ja̱ngaján, ni̱ma̱takón ngatamajnú, kó ti̱ꞌanjetakónjnúu̱ ja̱kꞌi̱e̱ ja̱ngaján xingi̱jnú, xikótsꞌèn Néná katsꞌénjetakónjnú ngatꞌaa̱ Kristoo̱.