Xo̱jo̱n Salmoo̱ 30:5 - Xo̱jo̱n eén Néná

⁵ Ngatꞌa̱ ta̱ ngotjón tsí bo̱a̱ nga tsꞌénxchán, ta̱nga ngatsjéni̱xtjin nga nda xota̱ ma. Xchaꞌára̱ nga ni̱xtji̱e̱e̱n, ta̱nga nga kamángindyiojoón jè tsjá kꞌuiéna.

Xo̱jo̱n Salmoo̱ 30:5 ပူးပေါင်းရင်းမြစ်များ

Jenesii̱s 32:24

Kósꞌe̱ kjindibáꞌoyá soboá nginí, kó ki̱a̱ askjanjo̱ ngo nda̱ ngaskande nga kisisie̱èn.

Xo̱jo̱n Salmoo̱ 103:17

Ta̱nga kjo̱a̱tjoó Néná, jmíni̱xtjin sa̱síkjo, Néná tsꞌéntjó xota̱ xi tsꞌéndíkón kuí, kó ngatsjéni̱xtjin nga kixi̱ tsꞌénjo̱ xota̱ tji̱e̱ xi jaskan ndibaá,

Xo̱jo̱n Salmoo̱ 103:9

Jmí tsi ngatsjéni̱xtjin tsꞌénxchánjo̱ná, ti̱nde jmí tsi ngatsjéni̱xtjin nga on ko̱a̱ꞌa̱ná.

Xo̱jo̱n Salmoo̱ 143:8

Jí boá xi ꞌniákoo̱n, ¡jí boá xi tsꞌénchji̱a̱a̱! Ndyiojón ndyiojón takéní nga tjoó an, ¡tꞌíyéní mí xí sa̱ꞌin an!

Xo̱jo̱n Salmoo̱ 145:10

¡Ngatsꞌèntsjaà xi kiniꞌínde ji! ¡Nda ngatíchji̱a̱ kjo̱a̱a̱ ji xota̱ na̱xi̱ńdáa̱ xi ji ꞌniátakoón!

Xo̱jo̱n Salmoo̱ 16:11

Jí boá xi ko̱kéní ndi̱ya̱à kjo̱a̱mindyioo̱n. ¡Kjiꞌanga an tindyinjinní achichí tsjá ꞌbéna! ¡Kjiꞌanga ki̱a̱ tikóntꞌáa̱ nga kixi̱i̱, ngatsjéni̱xtjin nga tjínna kjo̱a̱tsja!

Xo̱jo̱n Salmoo̱ 46:5

Néná boá xi tikón ngamasiee̱n kui na̱xi̱ńdáꞌniuú, kó jmíni̱xtjin kju̱i̱e̱, Néná boá xi ko̱síko̱jo kjiꞌanga si̱si̱eén.

Xo̱jo̱n Salmoo̱ 47:7

¡Ngatꞌa̱ Néná kuí boá xi Ree̱ ngayeje nga̱sondiee̱, ngatꞌiéjnú kjo̱a̱kjíntakón nga ko̱ndájnúu̱!

Xo̱jo̱n Salmoo̱ 59:16

Ta̱nga án boá xi siée̱ ngaꞌniúu̱. Nga ta̱jño̱ó kuíꞌá an kjo̱a̱ni̱ma̱takóo̱n, ngatꞌa̱ jí boá xi kichínní, ko̱jo akasíke̱jení ni̱xtjin nga nda̱ kamána.

Xo̱jo̱n Salmoo̱ 63:3

Ngatꞌa̱ kjo̱a̱ni̱ma̱takóo̱n nda ngase, ta̱bo̱a̱jiín kjo̱a̱mindyioo̱n. Ndso̱ꞌba án boá xi si̱eé nga sa̱ꞌíntsjaá.

Xo̱jo̱n Salmoo̱ 97:12

Jún xota̱ xi kixi̱, tsja ngatamajnú kjo̱a̱a̱ Néná, kó te̱ꞌéjnúu̱ ndokꞌóchji̱ì nga kjo̱a̱ꞌátsjienjnú jaꞌén tsjiee̱.

Matioo̱ 5:4

Achichíra̱tsjaa̱ xota̱ xi ndyi̱kjandà, ngatꞌa̱ kuí xí sa̱ko̱ó kjo̱a̱niꞌándajon.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

Ni xi akakoo̱ 22:1

Kó akóna ngo ndejèꞌ xi tsjie, kui xi tjiín ndáfoaa̱ kjo̱a̱mindyioo̱n xi tikón ꞌna̱ ꞌna̱ xikoó ngo chi̱tsen, kó ki̱a̱ jatjoni nínga tikón kui Néná xí botixómaá ko̱jo cho̱tsa̱nga̱a̱.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.