Xo̱jo̱n Salmoo̱ 3:4 - Xo̱jo̱n eén Néná

⁴ Nda̱na katsꞌénkjién án nga tsíchji̱a̱a̱ Néná, kó ndeskande na̱ngo̱xi̱ tsjièe̱ katsꞌénsénna.

Xo̱jo̱n Salmoo̱ 3:4 ပူးပေါင်းရင်းမြစ်များ

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Xo̱jo̱n Salmoo̱ 138:3

Ji tsíchji̱a̱a̱, kó kiniꞌínsénní, kó katseꞌé nginí ngaꞌniú.

Xo̱jo̱n Salmoo̱ 18:3

Néná boá xi kuichjiáa̱, ngatꞌa̱ kuí boá xi tsoboaá nga si̱ꞌantsjaa̱, kó kjo̱tjoꞌa an ngi̱ya tsja kondra̱na.

Xo̱jo̱n Salmoo̱ 2:6

Kó bi̱ tsó Néná nga mindyiandíkoón: «Án má xi je jaꞌajin an ngo re xi ko̱tíxoma ki̱a̱ tji̱ngi̱ Sioo̱n, kui xi na̱xi̱ ndikónna».

Xo̱jo̱n Salmoo̱ 27:6

Sꞌe̱ skjinínkꞌá tokó án, nga an xi katsꞌée̱n kondra̱na, kó ki̱a̱ ndiꞌandikoón sa̱ꞌinkꞌasꞌièe̱n kjo̱a̱tjó nga tsjakꞌuiéna, kó siee só, jo̱o̱n, sièe̱ só Néná.

Xo̱jo̱n Salmoo̱ 28:7

Néná boá xi ngaꞌniúna, kó kuí boá xi tsꞌénkónna, xikoó ngo ni xi ꞌbíchjaá ni xi ndajín. Kuí boá xi kamáꞌniátakón ini̱ma̱na, kó kuí boá xi asíko̱jona. Kuíni nga achichí tsjá maá ini̱ma̱na, kó tsꞌéntsjaà, nga siee sóna.

Xo̱jo̱n Salmoo̱ 34:4

Tsangase an Néná, kó katsꞌénsénna, ¡kó jaꞌáxín ngayeje ndikón xí kisꞌiena!

Xo̱jo̱n Salmoo̱ 34:6

An, xi jmí ni chjíjiín an, ni̱ma̱ kixian an nga tsíchji̱a̱a̱ Néná, kó kuí tsintꞌiéna, kó katsꞌéndéna kjo̱a̱a̱ ngayeje ni xi nda̱ kamána.

Xo̱jo̱n Salmoo̱ 43:3

Nangíyé ji ndiꞌí xí tsꞌentsíjee̱n ko̱jo kjo̱a̱kixi̱i̱, ngatꞌa̱ kuí boá xi ko̱kóna ndi̱yà, kó kuí boá kjo̱jona na̱xi̱ ndikóo̱n, ko̱jo ki̱a̱ ngi̱ndie nínga tindyin ji.

Xo̱jo̱n Salmoo̱ 50:15

¡Kó ndókjo̱a̱jnúꞌun ni̱xtjin nga nda̱ ka̱majnú! An kꞌoxiéꞌájnúꞌun, kó jún si̱ꞌandikónjnúꞌun ngijee̱».

Xo̱jo̱n Salmoo̱ 62:8

Jún xota̱ na̱xi̱ńdá, ¡ngatsjéni̱xtjin ngatama ꞌniátakónjnú Néná! Tꞌíyájnú ngindyi̱ko̱n kui ngayeje ni xi tjíjin ini̱ma̱jnú. ¡Néná boá xi kónná!

Xo̱jo̱n Salmoo̱ 84:12

¡Ji Ne xi tsi̱ꞌe̱ jájuún, achichíra̱tsjaa̱ kui nda̱ xi ji kjimaꞌniátakoón!

Xo̱jo̱n Salmoo̱ 89:19

Ni̱xtjin xcháján kandokjo̱e̱je ji xota̱ tsjiée̱ nga akakèe̱ ngo ni, kó bi̱ kasèe̱: Jè tsꞌénbosiko̱jo an ngo nda̱ xi tjiín ngaꞌniú, jè tsꞌénkjininkꞌa an ngo nda̱ xi jaꞌajin an ngi̱jii̱n xota̱ nangina.

Xo̱jo̱n Salmoo̱ 91:15

Kjiꞌanga ku̱i̱chji̱a̱na, an sa̱ꞌinsée̱n, kó ki̱a̱ kotíjña̱jo an kjiꞌanga nda̱ ka̱maa̱, kó án boá xi sa̱ꞌindé án, kó tsjáa̱ kjo̱a̱je kui.

Xo̱jo̱n Salmoo̱ 99:9

¡Ti̱ꞌantsjàjnúu̱ Néná! ¡Kó ti̱ndyiaxtiénjnú ki̱a̱ xtji̱e̱e̱n nínga tikón na̱xi̱ ndikoón, ngatꞌa̱ tsjie boá Néná!

Énkjínkón 2:7

Néná boá xi tsjaá kjo̱a̱kjínkón, kó bosikójo ko̱jo koo̱n xota̱ xi kixi̱i̱.

Kjo̱a̱chaꞌaá 3:56

kó ji kandaꞌyé ji nda̱na, ¡kó ikꞌíchjéjín ji tji̱bo̱a̱nijin kjiꞌanga ni̱ma̱ kixian an!

Matioo̱ 7:7

Chji̱a̱ꞌajnú, kó ko̱e̱ꞌéjnú, ti̱ndyi̱séjnú, kó sa̱kójnú, ndókjo̱a̱jnú tꞌa ngo nga̱ntjo̱a̱, kó xchjáxꞌájnú.

Xo̱jo̱o̱n Sandiyaá 5:13

A tjín ngi̱jinjnú xota̱ xi kjo̱a̱ni̱ma̱ tsꞌénfoaꞌatio. Ngatíchji̱a̱a̱ Néná. A tjín xi tsja tjiín. Nga siee̱ só xi ndaa̱ Néná.