Xo̱jo̱n Salmoo̱ 29:3 - Xo̱jo̱n eén Néná

³ Nda̱a̱ Néná ndaꞌyaá nga̱són ndáfoaa̱, fonie nda̱a̱ Néná xí tsi̱ꞌe̱ kjo̱a̱jee̱, xikó maá cho̱ꞌo̱n, Néná boá xi tikón ki̱a̱ nga̱són ndáchíkoón tiyaá.

Xo̱jo̱n Salmoo̱ 29:3 ပူးပေါင်းရင်းမြစ်များ

Joo̱b 36:33

Cho̱ꞌo̱o̱n bokó nga tikón Néná, kó tjo̱ꞌniuú bokó nga tjitsꞌénxchán.

Joo̱b 40:9

A tjiínri ngaꞌniú xikoó an. A ka̱má kjo̱ni̱e̱ nda̱a̱ xikótsꞌèn fonie cho̱ꞌo̱o̱n xikoó tsa̱ꞌa̱n.

Éksondo̱ 19:16

Kó nga kisisie̱èn ni̱xtjin xi ma jaán, nkꞌa jàn kandaꞌyá cho̱ꞌo̱n ko̱jo jaꞌatꞌe, kó ngo ṉdi̱ kisꞌijñajin kui na̱xi̱i̱, kó achichí ꞌniú kandaꞌyá ngo tjio. ¡Ngayeje xota̱ Israee̱l xi kisꞌińdo ndiꞌańjñoo̱ ngaskande jatsié má nga katsakjónní!

Éksondo̱ 9:33

Kó ngije jatjo Moisee̱ ndiꞌaa̱ ko̱jo na̱xi̱ńdáꞌniuú nda̱ ree̱, iskjininkꞌa tsja kó tsíꞌaá Néná tsi̱ꞌe̱ nga xi̱xió cho̱ꞌo̱o̱n ko̱jo ndókoaá. Kó ti̱ kjiꞌa kixixió stseé, ngiti̱ ixójín ndókoaá, kó ngiti̱ kandaꞌyájín ngase cho̱ꞌo̱n.

Juaa̱ 12:29

Kó ngayeje xota̱ kjín xi síndo ki̱a̱a̱, xi tsintꞌié kuí nda̱a̱, cho̱ꞌo̱n boá katsó. Kje̱ꞌe xi bi̱ katsó: –Ngo ndítsjiee̱ Néná xí tsíchji̱a̱jo.

Ni xi kamá 7:2

Kó Ixtibaa̱, bi̱ katsó: –Jún ntsꞌie, ko̱jo jún xi na̱ꞌmijnú, ndaꞌyájnúꞌun: Kui Néná xí tjiín kjo̱a̱jee̱, akoó yojoo̱ xota̱ tji̱e̱ xcháná xi ꞌmí Abraa̱n kjiꞌanga kisꞌijña nangi Mesopotamia̱ ngindiee̱ nga ko̱e̱je̱ nangi Ara̱n,

Ni xi akakoo̱ 11:19

Kó katjoxꞌá na̱ngo̱xi̱i̱ Néná xí tikón ndiꞌakꞌajmii̱, kó ki̱a̱ na̱ngo̱xi̱i̱ kamáyà kui koxa̱ xi índajo̱ni Néná ko̱jo xota̱ xi tsi̱ꞌe̱, kó jaꞌatꞌe, kandaꞌyá nda̱, kandaꞌyá cho̱ꞌo̱n, kjindibá ngo kjo̱a̱ndikón xí ꞌniú, kó ixó ndókoá.

Ni xi akakoo̱ 16:18

Kó jaꞌatꞌe, ko̱jo kandaꞌyá nda̱, ko̱jo janie cho̱ꞌo̱n, kó jatsié tꞌanangii̱ ta̱ngatꞌanii̱ ngo kjo̱a̱ndi̱ko̱n xí ta̱nisién ꞌniú xí kamá, xi kji̱e̱ ngo ndi̱yà ma ndeskande koó nga tjín xota̱ kui nga̱sondiee̱.

Ni xi akakoo̱ 19:6

Ti̱ tsintꞌie an ngo ni xi xikoó nda̱a̱ kjín xota̱, xikó má tsꞌén fonie ndáfoaa̱ ndejeèꞌ nga ꞌbóka, ko̱jo tsi xikótsꞌèn ꞌniú fonie cho̱ꞌo̱o̱n, xi bi̱ katsó: ¡Nganiꞌántsjaá Néná! Ngatꞌa̱ jè ítsꞌi̱yanii̱ nga ko̱tíxoma Ndi̱a̱ná, Néná xí tjiín ngaꞌniuú.

Ni xi akakoo̱ 4:5

kó nínga tikón kui xi botixómaá jatjoni nda̱, ko̱jo cho̱ꞌo̱n, ko̱jo jaꞌatꞌe, kó kje̱n kui xi botixómaá tjítí yito ndiꞌíxò, kó kuí boá xi nga yito A̱si̱énni̱xtjii̱n Néná.

Ni xi akakoo̱ 8:5

Kó kui ndítsjiee̱ iskjíbé kui ni xi ꞌbítíyá ni sije̱e̱n, kó íkitsie má nga indyiá xꞌueé ndiꞌií kui ṉchandikoón, kó tsꞌajmisón nga̱són tꞌanangii̱, kó kisꞌie cho̱ꞌo̱n, ko̱jo kjo̱a̱foaꞌatꞌe, ko̱jo ngo kjo̱a̱ndi̱ko̱n xí ꞌniú.