Xo̱jo̱n Salmoo̱ 27:5 - Xo̱jo̱n eén Néná

⁵ Ngatꞌa̱ kjiꞌanga kji̱ndi̱bá ni̱xtjin xi ndajiín, kuí boá xi skónna ki̱a̱ ngi̱ndie ꞌniú nínga tikón, kó ki̱a̱ ku̱i̱ꞌíjñaꞌmana nínga tikón ndiꞌandikoón. Ki̱a̱ nkꞌaa̱ ngo ndi̱jo̱je ku̱i̱ꞌíjñasónna.

Xo̱jo̱n Salmoo̱ 27:5 ပူးပေါင်းရင်းမြစ်များ

Xo̱jo̱n Salmoo̱ 10:1

Ji Ne, ánní nga achichí kjin tindyinní, kó timindyiꞌminí kjiꞌanga nda̱ kjimana.

Xo̱jo̱n Salmoo̱ 138:7

Kjiꞌanga ngo kjo̱a̱xti tjínna, jí boá xi boeꞌé nginí ngaꞌniú. Boke ji ngaꞌniú jèe̱, kó ꞌnaxiéꞌéní ngi̱ya tsja kondra̱na.

Xo̱jo̱n Salmoo̱ 17:8

Chínní xikoó tsi ndyikin ji, ngi̱ndie nga̱a̱ tꞌíjñiꞌmíní,

Xo̱jo̱n Salmoo̱ 18:33

¡Kuí boá xi tsjá ngaꞌniuú ndsa̱ko án, xikó maá ngo ndi̱kꞌijñá! Kuí boá xi ꞌniú tsꞌénkꞌijñána, tsi̱ꞌe̱ nga kꞌo̱kajín an nínga nkꞌaa̱.

Xo̱jo̱n Salmoo̱ 31:20

Ki̱a̱ nínga tindyin ji, ki̱a̱ kꞌuijñíꞌmí ji, tsi̱ꞌe̱ nga jmí ni sa̱ꞌínjiín ni xi ndajín xi ꞌbínda xota̱ nga̱sondiee̱, ngo ngi̱ndie chje̱ꞌétjé ji, tsi̱ꞌe̱ nga jmí ni sa̱ꞌínjiín ni ta̱xkiya xi chji̱a̱ na̱je̱n xotaa̱.

Xo̱jo̱n Salmoo̱ 31:21

¡Ngatamachikonñé Néná, ngatꞌa̱ je akóna kjo̱a̱tsjakjiꞌii̱ kjo̱a̱ni̱ma̱takón, xikó maá ngo na̱xi̱ńdáꞌniú xi ꞌniú tikón!

Xo̱jo̱n Salmoo̱ 40:2

Kó tsꞌaxiéna nga tsꞌénkayà an ki̱a̱ ti̱xa̱ nínga nda̱ máná, ki̱a̱ ngi̱jin ndásee̱ chi̱ndyiaa̱. Kuí boá xi ngo ndi̱jo̱je asién són ndsa̱ko án, kó ꞌniú nda katsꞌénkjítsoꞌbána.

Xo̱jo̱n Salmoo̱ 40:3

Kósꞌe̱ ngo só tja̱tsi̱e̱ íjñá ngi̱ya ndso̱ꞌba án, ngo só xi nda nga niꞌántsjaá Néná. Achichí má xota̱ xi sku̱i̱e̱ kui nii̱, kó sku̱i̱e̱ndikón, kó kamáꞌniátakón Néná.

Xo̱jo̱n Salmoo̱ 46:1

Néná boá xi kónná ko̱jo xi tsjangaꞌniúná, kuí boá xi tsá bosikójoná kjiꞌanga nda̱ kjimáná.

Xo̱jo̱n Salmoo̱ 50:15

¡Kó ndókjo̱a̱jnúꞌun ni̱xtjin nga nda̱ ka̱majnú! An kꞌoxiéꞌájnúꞌun, kó jún si̱ꞌandikónjnúꞌun ngijee̱».

Xo̱jo̱n Salmoo̱ 57:1

¡Ngatamani̱ma̱a̱ an, ji Ne! ¡Ngatamani̱ma̱a̱ an! ¡Ngatꞌa̱ jí boá xi kjimaꞌniátakoón, kó ki̱a̱ kotíjña̱ nga xchínní ngindie tji̱nkꞌi̱e̱én nga̱a̱, ngaskande nga kjo̱a̱ꞌa ni xi ndajiín!

Xo̱jo̱n Salmoo̱ 61:2

¡Kjiꞌanga je ngiti̱ chikjo̱a̱jiín ini̱ma̱na, ji chjiaá ndeskande nínga fetꞌanii̱ nga̱sondiee̱! ¡Ki̱a̱ tꞌenje̱ní nínga tikón ndi̱jo̱je xi nkꞌa ngase tikón, ta̱bo̱a̱jínnii̱ an!

Xo̱jo̱n Salmoo̱ 61:3

¡Ngatꞌa̱ jí boá xi ngi̱ndie nínga chonna! ¡Jí boá xi ngo tarié xi ꞌniú tikón, xi konna kjo̱a̱a̱ kondra̱na!

Xo̱jo̱n Salmoo̱ 77:2

Kjiꞌanga tsie kjo̱a̱ni̱ma̱ jaꞌatio an, tsangase an Ndi̱a̱ná, kó Kuí iskjininkꞌa ndsa̱ án, nga ni̱xtji̱e̱e̱n, kó nde katsꞌénkjaꞌyájín, ndatsi ini̱ma̱na tsangase kjo̱a̱niꞌándajoo̱n.

Xo̱jo̱n Salmoo̱ 83:3

Ndyi̱tsꞌènkjó cha̱n cha̱n ni xi ndyi̱ꞌbínda kondra̱a̱ xota̱ na̱xi̱ńdáa̱, kó je índa ni xi ndajín xi sa̱ꞌínjo̱ xota̱ xi ji tichìi̱n,

Xo̱jo̱n Salmoo̱ 91:1

Kui xi tikón nga Néná xí tikón nkꞌajmii̱ skoón, ki̱a̱ kꞌuijñá ngindie nkꞌieén Néná xí tjiín ngayeje ngaꞌniuú.

Xo̱jo̱n Salmoo̱ 91:15

Kjiꞌanga ku̱i̱chji̱a̱na, an sa̱ꞌinsée̱n, kó ki̱a̱ kotíjña̱jo an kjiꞌanga nda̱ ka̱maa̱, kó án boá xi sa̱ꞌindé án, kó tsjáa̱ kjo̱a̱je kui.

Énkjínkón 18:10

Jaꞌeén Néná, kuí boá xi xikoó ngo tarié xi ꞌniú tikón, kó ki̱a̱ boá nínga fí manga manga xota̱ xi kixi̱i̱, nga mongase nga ko̱si̱ko̱jo.

Matioo̱ 23:37

¡Jún xota̱ na̱xi̱ńdáꞌniú Jerusale̱n, jún xota̱ na̱xi̱ńdáꞌniú Jerusale̱n, xi niꞌánkꞌiénjnú já chji̱ni̱e̱ꞌe̱én Néná, kó ndi̱jo̱ foyàjnú xota̱ xi nangiyajnú! ¡Kótjín ndi̱yà kamámejénna itikojnúꞌun, xikótsꞌèn ꞌbitíkó ndií xo̱nda̱na̱aa̱n ngindie nga̱a̱, kó kamámejénjínjnú!

Xota̱ Kolosa̱ 3:3

Ngatꞌa̱ jún jè jesónjnú kjo̱a̱a̱ ni nga̱sondiee̱, kó Néná jè íjñá ngi̱jii̱n Kristoo̱ kjo̱a̱mindyionjnú.