Xo̱jo̱n Salmoo̱ 27:4 - Xo̱jo̱n eén Néná

⁴ Ta̱ ngo tsí ni xi je tsíꞌáa̱ Néná, kó kuí boá ni xi kongase an: Nga ki̱a̱ kotíjña̱ an ndiꞌaa̱ Néná ngayeje ni̱xtjin nga kotíjña̱ an nga̱sondie, tsi̱ꞌe̱ nga skuie an kjo̱a̱tsjakjiꞌii̱ Néná, ko̱jo nga ki̱a̱ sa̱ꞌinkjó án ki̱a̱ na̱ngo̱xi̱i̱.

Xo̱jo̱n Salmoo̱ 27:4 ပူးပေါင်းရင်းမြစ်များ

Xo̱jo̱n Salmoo̱ 23:6

Ja̱koxi̱ boá, nga kjo̱a̱ndàa̱ ko̱jo kjo̱a̱ni̱ma̱takoón, kꞌuíndojinna ngayeje ni̱xtjin nga kotíjña̱ an nga̱sondie, kó ndiꞌaa̱ Néná ngatsjéni̱xtjin nga ki̱a̱ kotíjña̱ an.

Xo̱jo̱n Salmoo̱ 26:6

Koniejón an ndsa̱ án, tsi̱ꞌe̱ nga ngiti̱ jmí jé kꞌuiéjínna, kó bo̱a̱ tsꞌén nga ka̱ma kjótsoꞌbá an ki̱a̱ tꞌa ṉchandikóo̱n, ji Ne,

Xo̱jo̱n Salmoo̱ 26:8

Ji Ne, achichí tsjána ndiꞌa nínga tindyin ji, ko̱jo ki̱a̱ ngi̱ndie nínga boke ji kjo̱a̱jèe̱.

Xo̱jo̱n Salmoo̱ 27:8

Ngo ni tsꞌénchji̱a̱ ini̱ma̱na xi bi̱ tsó kjo̱a̱a̱ ji: «¡Ti̱ndyi̱sé ji Néná!» Kuíni nga an, ji boá kongasee, Ne tsa̱ꞌa̱n.

Xo̱jo̱n Salmoo̱ 50:2

Ndeskande na̱xi̱ńdá Sioo̱n, kui na̱xi̱ńdá tsjákjiꞌi ko̱jo xi ꞌniú ndaa̱, Néná tsjandiè nga ya ndiꞌií.

Xo̱jo̱n Salmoo̱ 65:4

¡Achichí kjo̱a̱niꞌánchikonñé sakoó kui xota̱ xi ki̱a̱ tiña síndotꞌaa̱, kui xi ti̱ ki̱a̱ síndo na̱ngo̱xi̱i̱ nga! Achichí nda tsiejne̱ kjo̱a̱a̱ kui nichinie xi ji nangiyejne̱.

Xo̱jo̱n Salmoo̱ 84:10

Ngatꞌa̱ ta̱sá nda ngase nga ngo ni̱xtjin kotíjña̱ an na̱ngo̱xi̱i̱, ta̱bo̱a̱jiín tsi ngo mi̱ ni̱xtjin kjin kotíjña̱ñaa. Ta̱sá kjo̱a̱ꞌajin an nga ki̱a̱ kotíjña̱ an nga̱ntjo̱a̱ Ndiꞌaa̱ Néna, ta̱bo̱a̱jiín nga ki̱a̱ kotíjña̱ an ndiꞌaa̱ nínga ndajín kjima.

Xo̱jo̱n Salmoo̱ 84:4

¡Achichíra̱tsjaa̱ xota̱ xi ki̱a̱ síndo ndiꞌa nínga tindyin ji! ¡Ngatꞌa̱ ngatsjéni̱xtjin nga ji ndyi̱tsꞌèntsjaà!

Xo̱jo̱n Salmoo̱ 90:17

Kó kuí kjo̱a̱tsjakjiꞌi xi tikoón Ndi̱a̱ná, kui xi Néná, kui nii̱ xi ngatjandibániéná, tꞌíyé ji nga bo̱a̱ kjiꞌi xá xí je katsꞌén ndsa̱jne̱. ¡Jo̱o̱n Ne, kui xá xí je katsꞌén ndsa̱jne̱, tꞌíyé ji nga bo̱a̱ kjiꞌi kui nii̱!

Matioo̱ 6:33

Ta̱nga ta̱sá tjón mára ti̱ndyi̱séjnú nga si̱ꞌankjatjosónjnú kjo̱a̱botíxomaa̱ ko̱jo kjo̱a̱kixi̱i̱ Néná, kó ngayeje kui nii̱, ta̱ sꞌi̱sónrií nga sa̱kójnú.

Rkaa̱ 10:42

ta̱nga ta̱ ngo tsí ni xi ꞌniú ndasen ngase, kó na̱ Riyaa̱ jè jaꞌájin ni xi ndaa̱, kó jmíjín xi kjo̱a̱ꞌáxiín kui nii̱.

Rkaa̱ 13:24

–Ti̱ꞌánjnú ngo kjo̱a̱ꞌniú nga ku̱i̱tjásꞌi̱e̱njnú nga̱ntjo̱a̱ xkjoó, ngatꞌa̱ xiyàjnúꞌun nga achichí má xota̱ xi ka̱mamejeén kꞌo̱sꞌien, kó ka̱májiín.

Rkaa̱ 18:1

Kjisoo̱ íni̱jmi̱ì kui énkjiín xotaa̱, kjo̱a̱a̱ nga chjiéngá ku̱i̱chji̱a̱a̱ Néná ngatsjéni̱xtjin, kó nga ko̱yayàjín,

Rkaa̱ 2:37

kó jè ichítié ko̱jo kantié nijón nó tjiín, kó ngatsjéni̱xtjin nga ki̱a̱ kisꞌijña ngi̱ya na̱ngo̱xi̱i̱, nga katsꞌén xaá Néná, nga ni̱xtjin ko̱jo nga ni̱xtji̱e̱n nga katsꞌénkjindiá, ko̱jo nga tsíchji̱a̱a̱ Néná.

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

2 Xota̱ Korinto̱ 4:6

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.

Xota̱ Filipo̱ 3:13

Jún ntsꞌie, jmí tsi bo̱a̱ tꞌíxián an nga je jachótji̱ngìi̱ kui nii̱, ta̱kuítsí nii̱ xi tsꞌén an: Nga ngayeje ni xi je kisꞌijña nga̱xto̱n án jè katsꞌenchíyá an, kó án tjítsꞌen an ngo kjo̱a̱ꞌniú tsi̱ꞌe̱ nga kjóchotji̱ngìi̱ ni xi jaskan ka̱ma.

1 Timoo̱ 5:5

Kui xota̱chjo̱on kꞌán xi ja̱koxi̱ nga je kꞌien xi̱ꞌii̱n xi jmíjín xi tjiín, ko̱jo xi je kisꞌijña soboaá, Néná koyaa̱ nga ko̱síko̱jo, kó ngatsjéni̱xtjin chji̱a̱a̱ Néná nga ni̱xtjin ko̱jo ni̱xtji̱e̱n nga míꞌaá ni xi chjieén.

Xota̱ Ebreo̱ 11:6

Ta̱nga tsi jmíjín kjo̱a̱sꞌijii̱n, ka̱májín si̱ꞌantsjaa̱ Néná, ngatꞌa̱ chjiéngá kui xi sa̱ꞌíntiñaa̱ yojoo̱ Néná, sꞌijii̱n nga tikón Néná, ko̱jo nga Néná boá xi tsja̱á ngo ni nda xi niꞌán kui xota̱ xi mongase kui.