Xo̱jo̱n Salmoo̱ 27:14 - Xo̱jo̱n eén Néná

¹⁴ Kuíni nga chiyékjo̱e̱e̱ Néná. «¡Ti̱ꞌingaꞌní jí, kó te̱ꞌéngaꞌníi̱ ini̱ma̱a̱! ¡Jo̱o̱n, chiyékjo̱e̱e̱ Néná!»

Xo̱jo̱n Salmoo̱ 27:14 ပူးပေါင်းရင်းမြစ်များ

Jenesii̱s 49:18

»¡Ji Ne tsa̱ꞌa̱n, to̱kó tsꞌénkoya an kjo̱a̱bosíko̱jóo̱ ki!

Xo̱jo̱n Salmoo̱ 130:5

Ngi̱ya tsja Néná tikón kjo̱a̱chiyána, ngayejení ini̱ma̱na nga kjimaꞌniátakón an, ngatꞌa̱ sꞌijinná ni xi katsóyàtjón nga sa̱ꞌín.

Xo̱jo̱n Salmoo̱ 138:3

Ji tsíchji̱a̱a̱, kó kiniꞌínsénní, kó katseꞌé nginí ngaꞌniú.

Xo̱jo̱n Salmoo̱ 25:21

Jí boá xi tsꞌénkoyaa̱. Kjo̱a̱kixi̱na ko̱jo kjo̱a̱a̱ nga jmíjínna jé, kuí boá kui nii̱ xi sa̱ꞌín nga sa̱ꞌin an.

Xo̱jo̱n Salmoo̱ 25:3

Ja̱koxi̱ boá nga nde ngojín xota̱ xi ji kjimaꞌniátakoón xi kjo̱a̱soboá kjo̱a̱ꞌa, kuí boá xi ngatjaꞌa kjo̱a̱soboá, kui xi nde jmí kjo̱a̱jiín nga ji ndyi̱kjánjo̱o̱.

Xo̱jo̱n Salmoo̱ 31:24

¡Ti̱ꞌangaꞌniújnú ngayeje jún xi ndyi̱chiyájnúu̱ Néná, kó te̱ꞌéngaꞌniújnúu̱ ini̱ma̱jnú!

Xo̱jo̱n Salmoo̱ 33:20

Ji̱n boá xi ndyi̱chiyájne̱ Néná, kuí boá xi konjne̱ kó kuí boá xi ꞌbíchjaá ni xi ndajiín.

Xo̱jo̱n Salmoo̱ 37:34

Chiyéràa̱ nga ko̱síko̱joo̱ Néná, kó tꞌenra ji ndi̱ya̱à kui, ngatꞌa̱ kuí boá xi nkꞌa ku̱i̱ꞌíjñaá kjiꞌanga tsja̱á kui tꞌanangii̱, ¡Kó jí má xi xchi̱e̱ ji, kjiꞌanga si̱ꞌankjie xota̱ xi ndajiín!

Xo̱jo̱n Salmoo̱ 37:7

Ngata̱ ndokjo̱e̱jín ji ngindyi̱ko̱n Néná, kó chiyé sakon sakòo̱n nga ko̱síko̱joo̱, ngata̱ niꞌínxchínjín ji ta̱ngatꞌanii̱ xota̱ xi tjoninkꞌaa̱ yojoo̱, ko̱jo kjo̱a̱a̱ xota̱ xi ni xi ndajín ꞌbíndaa̱.

Xo̱jo̱n Salmoo̱ 40:1

Askoyá sakon sakòo̱n Néná, kó asiénnijonna nga tsintꞌié nga ni̱ma̱ kixiáa̱n nga tsíchji̱a̱a̱.

Xo̱jo̱n Salmoo̱ 62:1

Ta̱kuítsí Néná xí tsjaá kjo̱a̱xió ini̱ma̱na, ta̱kuítsí bo̱a̱ xi maa̱ ꞌboxiéꞌána,

Xo̱jo̱n Salmoo̱ 62:5

Ta̱kuítsí Néná xí tsjaá kjo̱a̱xió ini̱ma̱na, ngatꞌa̱ ta̱kuítsí bo̱a̱ xi tsjána kjo̱a̱chiyá.

Énkjínkón 20:22

Ngata̱ bo̱a̱jín sé nga ji xi si̱ꞌingojo ji, ta̱sá chiyée̱ nga Néná xí bo̱a̱ sa̱ꞌín, kó kuí boá xi kꞌo̱xiéꞌaá.

Kjo̱a̱chaꞌaá 3:26

Achichí ndakjiꞌi nga xió tsꞌén xchiyàa̱ nga Néná kꞌo̱xiéꞌáná.

Rkaa̱ 2:25

Kó ki̱a̱ na̱xi̱ńdáꞌniú Jerusale̱n kisꞌijña ngo nda̱ xi ꞌmí Simeoo̱n xi tikónjii̱n A̱si̱énni̱xtjii̱n Néná, ngo nda̱ xi kixi̱ ko̱jo xi ni̱ma̱takón kamá, xi tsꞌénkoyaa̱ nga Néná kꞌo̱xiéꞌá xota̱ Israee̱l,

Rkaa̱ 2:38

Kui ndí tji̱a̱a̱n ti̱ kuii̱ chi̱bo̱a̱ jachó nga ítsꞌi̱yanii̱ nga katsjaá ndokꞌóchjì Néná, kó tsíchji̱a̱jo kjo̱a̱a̱ kui ndí Kjisoo̱ ngayeje xota̱ xi ndyi̱koyaa̱ nga Néná kꞌo̱xiéꞌá xota̱ na̱xi̱ńdáꞌniú Jerusale̱n.

Ni xi kamá 28:15

Kó já ntsꞌie xi chji̱a̱ni na̱xi̱ńdá Roma̱ ja̱bo̱a̱ jè tsintꞌié kuí eén kjo̱a̱a̱ ji̱n, kó kuíni nga kijíkjaꞌáyíndi̱yàjne̱ ngaskande ngo ngi̱ndie xi ꞌmí Foro̱ tsi̱ꞌe̱ Apioo̱, ko̱jo ngi̱ndie xi ꞌmí Ján Taberna̱, kó nga kamábe kui jaá, Pabloo̱ katsjaá ndokꞌóchjì Néná, kó ꞌniú tsja kamá ngasee̱.

Xota̱ Roma̱ 8:25

Ta̱nga tsi ngo ni xi yà jàn xí xchiyá, xchiyá sakon sakoo̱n.

1 Xota̱ Korinto̱ 16:13

Ti̱ndyiondajnú, kó ꞌniú ti̱ndyiàjnú kjo̱a̱a̱ kjo̱a̱sꞌijinjnú, ngata̱ ndakonjínmájnú, kó te̱ꞌéngaꞌniújnúu̱ yojojnú.

Xota̱ Éfeso̱ 3:16

Míꞌáa̱ Néná tsi̱ꞌe̱ nga xikó kjiꞌi kjo̱a̱cho̱o̱n kjo̱a̱jee̱ nga tsja ngaꞌniuú ini̱ma̱jnú nga sa̱ꞌínkjién A̱si̱énni̱xtjii̱n.

Xota̱ Éfeso̱ 6:10

Kó nga fetꞌaa̱ ntsꞌie, ngasakó ngaꞌniújnú ngi̱jii̱n ngaꞌniú xí jee̱ Ndi̱a̱ná.

Xota̱ Filipo̱ 4:13

Kristoo̱ xí tsjangaꞌniúna, tsi̱ꞌe̱ nga xchíkjo̱a̱na ta̱jmì niní.

Xota̱ Kolosa̱ 1:11

Ngasakó ngasejnú ngaꞌniú, xikó kjiꞌi kui ngaꞌniú xí tjiín kui Néná xí tjiín kjo̱a̱jee̱, tsi̱ꞌe̱ nga xchíkjo̱a̱jnú ta̱jmì niní, kó ngatꞌiéjnú kjo̱a̱chiyákjo̱a̱.