Xo̱jo̱n Salmoo̱ 23:1 - Xo̱jo̱n eén Néná

¹ Néná boá Ndi̱a̱ xi tsꞌénkónna, kó jmí ni chajájínna.

Xo̱jo̱n Salmoo̱ 23:1 ပူးပေါင်းရင်းမြစ်များ

Xo̱jo̱n Salmoo̱ 34:11

Ja̱bíchonjnúꞌun jún ndí jákjíndí, ¡tasiénijónjnúꞌun! Kokoyámárajnúꞌun tsi̱ꞌe̱ nga xcha̱ndikónjnú Néná.

Xo̱jo̱n Salmoo̱ 78:52

Kó katsꞌénkjataxie xota̱ na̱xi̱ńdaá xikó maá cho̱tsa̱nga̱, kó ki̱a̱ kijíjo̱ nangi kixií, xikó má tsꞌén fítjoón cho̱o̱ nda̱ xi koo̱n cho̱tsa̱nga̱a̱,

Xo̱jo̱n Salmoo̱ 79:13

Kó bo̱a̱ tsꞌén ji̱n xi xota̱ na̱xi̱ńdáa̱, ko̱jo xi cho̱tsa̱nga̱ xi tse̱, ngatsjéni̱xtjin nga ji xi si̱ꞌantsjajne̱, ¡ngatsjéni̱xtjin nga ji xi ko̱ndájne̱ só!

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Matioo̱ 6:33

Ta̱nga ta̱sá tjón mára ti̱ndyi̱séjnú nga si̱ꞌankjatjosónjnú kjo̱a̱botíxomaa̱ ko̱jo kjo̱a̱kixi̱i̱ Néná, kó ngayeje kui nii̱, ta̱ sꞌi̱sónrií nga sa̱kójnú.

Juaa̱ 10:11

Án boá kui nda̱ nda xi koo̱n cho̱tsa̱nga̱a̱, kó kui nda̱ nda xi koo̱n cho̱tsa̱nga̱a̱, tsja̱a yojoo̱ ta̱ngatꞌanii̱ cho̱tsa̱nga̱a̱,

Juaa̱ 10:14

Án boá nda̱ nda xi koo̱n cho̱tsa̱nga̱a̱, kó be án cho̱tsa̱nga̱na, kó cho̱tsa̱nga̱na bena an,

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

Xota̱ Filipo̱ 4:19

Kui Néná xi tsꞌénxájo̱ an tsja̱ajnú jún ngayeje ni xi chajajnú, xikó kjiꞌi kjo̱a̱cho̱o̱n kjo̱a̱je xi tjiín Kristo̱ Kjisoo̱.

Xota̱ Ebreo̱ 13:20

Néná xí tsjáná kjo̱a̱xioó, kui xi katsꞌénkjaꞌáꞌyaá Ndi̱a̱ná Jesukristoo̱, kui nda̱ xi ta̱nisién nkꞌa xaá xi tikóntjoón cho̱tsa̱nga̱a̱, kui xi ta̱ngatꞌanii̱ jiín, nga Néná katsꞌénjo̱ná ngo kjo̱a̱ꞌbínda tja̱tsi̱e̱ xi tikón ngatsjéni̱xtjii̱n,

1 Xo̱jo̱o̱n Peé 2:25

Ngatꞌa̱ jún ngasꞌe̱ kisꞌiṉtso̱majnú xikoó cho̱tsa̱nga̱ xi kichajá, ta̱nga ngotꞌe̱ ꞌne̱ jè jéꞌe̱chon nginíjnúu̱ Kristoo̱, nda̱ xi kondajnú kui xi xikoó nda̱ xi konda cho̱tsa̱nga̱a̱.

1 Xo̱jo̱o̱n Peé 5:4

Kó bo̱a̱ tsꞌén kjiꞌanga kji̱ndi̱bá nda̱ xi ꞌniú nkꞌa xaá xi koo̱n cho̱tsa̱nga̱a̱, jún sa̱kójnú chjií kjo̱a̱je xi jmíni̱xtjin fotsoo̱n.

Ni xi akakoo̱ 7:17

ngatꞌa̱ kui cho̱tsa̱nga̱ kui xi botixómaá, kuí boá xi nda̱ xi koo̱n cho̱tsa̱nga̱a̱ ka̱ma, kó kuí boá xi kjo̱jo nínga tjitjó ndáfoaa̱ kjo̱a̱mindyioo̱n, kó Néná sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n.