Xo̱jo̱n Salmoo̱ 22:27 - Xo̱jo̱n eén Néná

²⁷ Ngayeje xota̱ xí tjín nga̱sondiee̱ kjo̱a̱ꞌátsjiee̱n Néná, kó kui ko̱e̱je̱kon nginií, kó ngayeje xtín xota̱ xi tjín na̱xi̱ńdaá, sa̱ꞌíndikoón nga ko̱siéntikoó.

Xo̱jo̱n Salmoo̱ 22:27 ပူးပေါင်းရင်းမြစ်များ

Xo̱jo̱n Salmoo̱ 102:22

kjiꞌanga ngayeje xota̱ na̱xi̱ńdaá, ko̱jo ngi̱ndie nínga botíxomaa̱, ta̱ ngo tsí ka̱ma nga ka̱matikó tsi̱ꞌe̱ nga sa̱ꞌínxátꞌaa̱ Néná.

Xo̱jo̱n Salmoo̱ 117:1

Jún xi ngayeje xota̱ na̱xi̱ńdá, ko̱jo nangi, ¡ti̱ꞌantsjàjnúu̱ Néná!

Xo̱jo̱n Salmoo̱ 2:8

¡Chji̱e̱ꞌéní, kó an tsjaa nga tse̱ ka̱ma ngayeje na̱xi̱ńdaá, ko̱jo nga ti̱ tse̱ ka̱ma ngaskande nínga fetꞌanii̱ nga̱sondiee̱!

Xo̱jo̱n Salmoo̱ 69:33

Ngatꞌa̱ Néná ntꞌiérií xota̱ xi ni̱ma̱ síndoo̱, ¡kó chꞌójín maá xota̱ na̱xi̱ńdá xí síndoꞌniuú!

Xo̱jo̱n Salmoo̱ 72:11

¡Ngayeje já ree̱ ngatasiéntikoó ngindyi̱ko̱n kui! ¡Kó ngayeje xota̱ na̱xi̱ńdaá ngatsꞌénxaá!

Xo̱jo̱n Salmoo̱ 72:8

¡Ngatatixómá kui ree̱, ndeskande nínga tikón ngo ndáchíkoón ngaskande nínga tikón xi ingoo̱, ndeskande nínga tikón Ndejèꞌ Jee̱, ngaskande nínga fetꞌanii̱ tꞌanangii̱!

Xo̱jo̱n Salmoo̱ 86:9

Ji Ne, ngayeje xota̱ na̱xi̱ńdá xí jí kiniꞌínde ji, kji̱ndi̱bá, kó ji kjo̱e̱ꞌétsꞌendíkoón, ko̱jo tsja̱á kjo̱a̱tsja jaꞌée̱n.

Xo̱jo̱n Salmoo̱ 96:7

Jún xota̱ ndiꞌa xi chji̱a̱ni ngayeje xota̱ na̱xi̱ńdá, cha̱ndikónjnú Néná, cha̱ndikónjnú kjo̱a̱je ko̱jo ngaꞌniú xí tjiín Néná.

Xo̱jo̱n Salmoo̱ 98:3

Néná jaꞌátsjiee̱n kjo̱a̱ni̱ma̱takoón ko̱jo kjo̱a̱ꞌniátakoón kjo̱a̱a̱ xota̱ na̱xi̱ńdá Israee̱l. ¡Ngaskande ngi̱ndie nínga ꞌniú kjin xi tjín tꞌanangii̱ xi je kamábe nga Néná boá xi ꞌboxiéꞌáná!

Xki̱ 10:32

Tsi kji̱ndi̱béje̱jne̱ ji, kó tsi ko̱kéjne̱ ndi̱yà, ka̱má ko̱e̱ꞌéchiboajne̱ ngayeje ni xi tsja̱ajne̱ Néná.

Ni xi kamá 14:15

–¡Jún já! Míkjo̱a̱a̱ nga bi̱ kjiꞌi ni xi ndyi̱niꞌánjnú. A yàjínjnú nga xota̱ ji̱n xikoó jún, ja̱ kuíni nga jéꞌe̱ ji̱n nga kꞌuiníjmi̱jne̱ éntjatsi̱e̱e̱ Néná, tsi̱ꞌe̱ nga kꞌuijñámasienjnú kui ni xi niꞌánjnú xi jmí ni chjíjiín, kó ta̱sá Néná ti̱ndyi̱sé nginíjnú, kui Néná xí tikón ja̱koxi̱i̱, xi katsꞌénda ndiꞌakꞌajmii̱, ko̱jo tꞌanangii̱, ko̱jo ndáchíkoón, ko̱jo ngayeje ni xi tjiín,

Ni xi kamá 20:21

kó xota̱ xi jundío̱ ko̱jo xota̱ xi jundío̱jín tsꞌénxiyàa̱ nga sa̱ꞌínkꞌoyà yojoo̱, kó sku̱i̱e̱ Néná kó nga sꞌijii̱n Ndi̱a̱ná Jesukristoo̱.

Xota̱ Roma̱ 16:26

Ta̱nga ngotꞌe̱ ꞌne̱ je tikón tsijen kui nii̱, xikó tjítsó xo̱jo̱n xi katsꞌénda já chji̱ni̱e̱ꞌe̱én Néná, kó tjíniꞌánkintꞌiè ngayeje xota̱ nga̱sondiee̱, bo̱a̱ tsꞌén atíxoma Néná xi tikón ngatsjéni̱xtjii̱n, tsi̱ꞌe̱ nga xotaa̱ sꞌi̱jii̱n kó ku̱i̱ntꞌiéꞌeén Néná.

1 Xota̱ Tesalónika̱ 1:9

Ngatꞌa̱ ti̱ kuii̱ kui xotaa̱ xi ndyi̱chji̱a̱ kjo̱a̱a̱ nga jún, nda tsꞌén kiniꞌánsénjne̱ nga jáchochonjne̱ ko̱jo xikótsꞌèn ikꞌíndomasienjnú a̱sie̱én ne xi tsꞌénda xotaa̱, tsi̱ꞌe̱ nga kiniꞌánjo̱ꞌojnú kui Néná xí tikoón, ko̱jo xi ja̱koxi̱i̱,

Ni xi akakoo̱ 15:4

ꞌYá xi stsa̱kjonjiín, Ndi̱a̱. ꞌYá xi tsja̱ajiín kjo̱a̱je jaꞌée̱n. Ngatꞌa̱ ta̱ jí tsi xi tsjie ji, kuíni nga ngayeje na̱xi̱ńdaá kji̱ndi̱bá, kó sa̱ꞌíndikoón, ngatꞌa̱ jè akake ji nga ta̱nisién kixi̱ ji.