Xo̱jo̱n Salmoo̱ 22:23 - Xo̱jo̱n eén Néná

²³ ¡Jún xi yandikónjnú Néná, ti̱ꞌantsjàjnúu̱ kui! ¡Jún xi xota̱ tji̱e̱e̱ Jakoo̱b, te̱ꞌéjnúu̱ kjo̱a̱je! Kó cha̱ndikónjnú jún, ngayeje xi xota̱ tji̱e̱e̱ Israee̱l.

Xo̱jo̱n Salmoo̱ 22:23 ပူးပေါင်းရင်းမြစ်များ

Xo̱jo̱n Salmoo̱ 106:5

Te̱ꞌéndièní nga si̱eé só, an ko̱jo kui xota̱ na̱xi̱ńdá xí jí kachjeꞌéjin ji, ¡te̱ꞌéndièní nga tsja ka̱mana nga nda ko̱jo nga tsjatsꞌèn síndo kui xotaa̱!

Xo̱jo̱n Salmoo̱ 111:1

¡Si̱ꞌantsjàa̱ Néná! Jún xota̱ xi kixi̱, si̱ꞌanngo yojoná nga si̱ꞌantsjàa̱ Néná ngayeje ini̱ma̱ná.

Xo̱jo̱n Salmoo̱ 115:11

Kó jún xi niꞌándikónjnú Néná, ti̱ꞌanꞌniátakónjnú Néná, ¡kuí boá xi bosikójoná ko̱jo xi kónná!

Xo̱jo̱n Salmoo̱ 115:13

kó tsꞌénchíkonñé xota̱ xi tsꞌéndíkón, tsi xota̱ xi yandikón, ko̱jo tsi xi yandikónjín.

Xo̱jo̱n Salmoo̱ 145:19

Jí boá xi niꞌínsée̱n nga ꞌniú chji̱a̱a̱ kui xota̱ xi bendikoón, kó boeꞌée̱ ni xi chjieén, kó ꞌnaxiéꞌé ji.

Xo̱jo̱n Salmoo̱ 22:30

Ngo xtín xota̱ tji̱e̱ xi je katjoꞌójin sa̱ꞌínseén, kó kui nii̱ xi kꞌuiníjmì ngi̱jii̱n ngaskande xota̱ tji̱e̱ xi jaskan kꞌuieé.

Xo̱jo̱n Salmoo̱ 26:12

Tꞌanangi xi ꞌniú tikón boá, nínga síndosón ndsa̱ko án, kuíni nga nínga matikó xota̱ na̱xi̱ńdáa̱, ki̱a̱ ndatsꞌèn kuichjiá an kjo̱a̱a̱ ji.

Xo̱jo̱n Salmoo̱ 33:8

¡Ngayeje xota̱ xi tjín tꞌanangii̱, ngatamabendikón Néná! ¡Ngayeje xota̱ xi xi tjín nga̱sondiee̱, ngatjatsié má ngindyi̱ko̱n kui!

Xo̱jo̱n Salmoo̱ 35:18

An tsjaa̱ ndokꞌóchjì ngindyi̱ko̱n ngayeje xota̱ na̱xi̱ńdáa̱, An sa̱ꞌintsjaá ngi̱jii̱n kui xota̱ na̱xi̱ńdáa̱ xí achichí kjín maá.

Xo̱jo̱n Salmoo̱ 50:23

Kui xi tsja̱ana ngo kjo̱a̱tjó xi niꞌánkꞌasꞌien nga boeꞌé ndokꞌóchjì, kuí boá xi tsꞌéndíkónna, kó kui xi kixi̱ ku̱i̱ꞌíndonda ndi̱yà xí tsoꞌbá, kuí boá xi kokóo̱ kjo̱a̱ꞌnaxiéꞌána».

Xo̱jo̱n Salmoo̱ 86:12

¡Ji Ne, ji xi Ndi̱a̱na ji, ngayeje ini̱ma̱na nga ji sa̱ꞌintsjaá, kó ngatsjéni̱xtjin nga tsjáa̱ kjo̱a̱je jaꞌée̱n!

Rkaa̱ 1:50

Néná tsjaá kjo̱a̱ni̱ma̱takón ngayeje tji̱e̱e̱ xota̱ xi sku̱i̱e̱ndikón kuí.

Rkaa̱ 2:20

Kó kui já xí koo̱n cho̱tsa̱nga̱a̱ nga kijíꞌoyá nginí nínga kjindibá, katsjaá kjo̱a̱je Néná kjo̱a̱a̱ ngayeje ni xi tsintꞌié ko̱jo ni xi kamábe, ngatꞌa̱ jatjosón ngayeje ni xi kiꞌmií.

1 Xota̱ Korinto̱ 10:31

Kó kuíni, tsi xi̱ni̱e̱jnú, ko̱jo tsi sꞌi̱o̱jnú, ko̱jo tsi kje̱ꞌe ni si̱ꞌánjnú, ngayeje ni xi si̱ꞌánjnú nga ta̱kó kjo̱a̱jee̱ Néná.

Ni xi akakoo̱ 15:4

ꞌYá xi stsa̱kjonjiín, Ndi̱a̱. ꞌYá xi tsja̱ajiín kjo̱a̱je jaꞌée̱n. Ngatꞌa̱ ta̱ jí tsi xi tsjie ji, kuíni nga ngayeje na̱xi̱ńdaá kji̱ndi̱bá, kó sa̱ꞌíndikoón, ngatꞌa̱ jè akake ji nga ta̱nisién kixi̱ ji.