Xo̱jo̱n Salmoo̱ 22:1 - Xo̱jo̱n eén Néná

¹ Ji Ne tsa̱ꞌa̱n, ji Ne tsa̱ꞌa̱n, míkjo̱a̱a̱ nga ikꞌíjñímasinní. ¡Míkjo̱a̱a̱ nga kjin tindyinní, kó ndibéjín ji tsi̱ꞌe̱ nga ko̱ꞌna̱xiéꞌéní, ko̱jo nga ndaꞌyéjín ji nga tsꞌénchji̱a̱a̱, nga ni̱ma̱ tꞌíxiaán!

Xo̱jo̱n Salmoo̱ 22:1 ပူးပေါင်းရင်းမြစ်များ

Joo̱b 3:24

Kjo̱a̱foaꞌatsꞌíꞌoón boá xi ni chiniena, kó ndándyíkón án tjitjón xikó maá tsi ndáfoa.

Xo̱jo̱n Salmoo̱ 10:1

Ji Ne, ánní nga achichí kjin tindyinní, kó timindyiꞌminí kjiꞌanga nda̱ kjimana.

Xo̱jo̱n Salmoo̱ 16:1

Ji Ne, chínní, ngatꞌa̱ jí boá xi mongasee̱ nga xchínní.

Xo̱jo̱n Salmoo̱ 22:11

¡Ngata̱ niꞌínkjinjínní yojòo̱! Ngatꞌa̱ ni xi ndajiín je tikón tiña, kó nde jmíjín xi bosikójona.

Xo̱jo̱n Salmoo̱ 22:16

Ngo xtín xota̱ xi ndajín, xi xikó maá ńñá tamá, je jaꞌatjiyajonna, kó je ndyi̱kjiniejon ndsa̱ko án, ko̱jo ndsa̱ án,

Xo̱jo̱n Salmoo̱ 26:9

Ngata̱ ki̱a̱jín ngi̱jii̱n xota̱ jeé niꞌínkꞌínní, ko̱jo tsi ki̱a̱ ngi̱jii̱n xota̱ xi ndyi̱tsꞌènkꞌién ini̱ma̱a̱,

Xo̱jo̱n Salmoo̱ 37:28

Achichí tsjá maá Néná ni xi kixi̱i̱, kó jmíni̱xtjin nga ꞌbijñámasien xota̱ xi kui ꞌniátakón. ¡Ngatsjéni̱xtjin nga kui skoón! Ta̱nga xota̱ tji̱e̱e̱ xota̱ xi ndajiín, si̱ꞌankjie.

Xo̱jo̱n Salmoo̱ 38:8

Jè kamáꞌinda an, kó achichí jè onna, ni̱ma̱ tꞌíxián an, ta̱ngatꞌanii̱ ni xi kjimaa̱ ini̱ma̱na.

Xo̱jo̱n Salmoo̱ 71:11

nga bi̱ ndyi̱tsó: Néná jè íjñá masien, ti̱yótji̱ngíjnúu̱, kó ndo̱bo̱a̱jnú, ngatꞌa̱ jè ngiti̱ jmíjín xi kꞌo̱xiéꞌá.

Lebitiko̱ 2:6

Kó chjiéngá ku̱i̱chíyá xi̱xi̱ xi̱xi̱, kó ku̱i̱ndyiaa̱ isti̱ nga̱soón. Kuí boá kui nii̱ xi ngo kjo̱a̱tjó xi niꞌánkꞌasꞌien xi ni xi maxchá jno̱.

Matioo̱ 27:46

Kó ngije ma kamá chi̱bo̱a̱ ján nga kamángixón Kjisoo̱ ꞌniú askjandáyà, nga bi̱ katsó: –Elí, Elí, lama sabaktani.

Markoo̱ 15:34

Kó nga kamá chi̱bo̱a̱ ján nga kamángixón, Kjisoo̱ ꞌniú askjandáyà, nga bi̱ katsó: –Eloí, Eloí, lama sabaktani. (Ne tsa̱ꞌa̱n, Ne tsa̱ꞌa̱n, ánní nga tiꞌbíjñímasínní. Tsó kui eén.)

Rkaa̱ 22:44

Kó kjiꞌanga achichí nda̱ kamaá Kjisoo̱, ta̱sá má ꞌniú ngase tsíchji̱a̱a̱ Néná, kó ndándóboaá kitín xikó maá tsi jín xí tjítín nga̱són tꞌanangii̱.

Rkaa̱ 24:44

Sꞌe̱ bi̱ katsoó kui jaá: –Kuí eén xi tsíchji̱a̱ an, kjiꞌanga ta̱kó tikónjo̱jnúꞌun: nga chjiéngá kjo̱tjosón ngayeje ni xi kjitꞌa kjo̱a̱a̱ an ngi̱ya kjo̱a̱kitii̱ Moisee̱, xo̱jo̱n xi katsꞌénꞌindó já chji̱ni̱e̱ꞌe̱én Néná ko̱jo xo̱jo̱n Salmoo̱.

Xota̱ Ebreo̱ 13:5

Ngata̱ niꞌántjójínjnú to̱o̱n, tsja ngatamajnú xikó kjiꞌi ni xi tjínjnú ngotꞌe̱, ngatꞌa̱ Néná jè bi̱ katsó: “Jmí ni̱xtjin kꞌuijñá so̱bo̱a̱a̱, ti̱nde jmíni̱xtjin kꞌuijñámasiee̱n”.

Xota̱ Ebreo̱ 5:7

Kó kjiꞌanga kisꞌijña Kristoo̱ kui nga̱sondiee̱, ꞌniú tsíꞌá kó achichí askjandá nga tsíchji̱a̱a̱ kui Néná xi ka̱maa̱ nga xín sa̱ꞌínkjaꞌàa̱ kjo̱a̱bo̱yaa̱, kó Néná tsintꞌieé, ta̱ngatꞌanii̱ nga kamábendikón Néná.