Xo̱jo̱n Salmoo̱ 19:14 - Xo̱jo̱n eén Néná

¹⁴ ¡Ti̱ꞌinjo̱ꞌo ji nga kjo̱chó ngindyikin ji ni xi chji̱a̱ ndso̱ꞌba án, ko̱jo ni xi tsꞌénkjó ini̱ma̱na! ¡Ji Ne, ji xi ndi̱jo̱ jena! ¡Jí boá xi kaꞌnaxiéꞌéní!

Xo̱jo̱n Salmoo̱ 19:14 ပူးပေါင်းရင်းမြစ်များ

Joo̱b 19:25

Jè be an nga tikón kui xi kꞌo̱xiéꞌána, kó nga fetꞌani kuí boá kjo̱stjíe̱nni ngi̱jin tꞌanangii̱.

Xo̱jo̱n Salmoo̱ 51:15

Ji Ndi̱a̱ chjáxꞌé jí ndso̱ꞌba án, kó ndso̱ꞌba án si̱eé só nga sa̱ꞌíntsjaá.

Énkjínkón 15:8

Chꞌórií Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, ta̱nga achichí tsjá maá nga ntꞌieé, kjiꞌanga xota̱ xi kixi̱i̱ chji̱a̱a̱ Néná.

Xota̱ Roma̱ 15:16

tsi̱ꞌe̱ nga mosoo̱ Jesukristoo̱ ka̱ma an, nganda tsi̱ꞌe̱ xota̱ xi jundío̱jín nga kokoyáa̱ eén Néná, kó kui xotaa̱ ngo kjo̱a̱tjó xi nda ka̱ma ngindyi̱ko̱n Néná, kjo̱a̱tjó xi tjítsꞌéntsjie A̱si̱énni̱xtjii̱n Néná.

1 Xota̱ Tesalónika̱ 1:10

kó ndyi̱chiyájnúu̱ nga ndiꞌakꞌajmii̱ kji̱ndi̱báni ndií Néná, kui xi Néná katsꞌénkjaꞌáꞌyaá ngi̱jii̱n xota̱ xi je jesoón, kui xi Kjisoo̱, kui xi kꞌo̱xiéꞌáná ni̱xtjin nga kjo̱a̱xcha̱án Néná kji̱ndi̱bánié kui nga̱sondiee̱.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 11:4

Ta̱ngatꞌanii̱ kjo̱a̱sꞌijii̱n nga Abee̱ katsꞌénkꞌasꞌiee̱n Néná ngo kjo̱a̱tjó xi chjí ngasenii̱, ta̱bo̱a̱jiín xi katsꞌénkꞌasꞌien Kaii̱n, kó kuíni nga Néná, xota̱ xi kixi̱ katsoó, kó katsꞌénjo̱ꞌo kjo̱a̱tjoó, kó kuíni nga ndatsi je kꞌien Abee̱, ta̱kó tsꞌénbokóná ngo chi̱bo̱a̱, xikótsꞌèn kisꞌijii̱n kui.

Xota̱ Ebreo̱ 13:15

Kuíni nga ngatsjéni̱xtjin si̱ꞌantsjàa̱ Jesukristoo̱, ngatꞌa̱ ja̱ Néná boá xi ndyi̱niꞌántsjáa̱ nga bo̱a̱ ndyi̱niꞌán, kuí nii̱ xi kjo̱a̱tjóná, ni xi ku̱i̱chji̱a̱ ndso̱ꞌbá nga ka̱tso̱yà nga Kjisoo̱ xi ndií Néná.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,