Xo̱jo̱n Salmoo̱ 19:12 - Xo̱jo̱n eén Néná

¹² ꞌYá xí ka̱maa̱ nga ti̱ kuii̱ sku̱i̱e̱ soboá ni xi ndajín xi tsꞌén. ¡Ti̱ꞌinjetakínní ji Ne, kjo̱a̱a̱ kui jé xí bejín an nga tsꞌen an!

Xo̱jo̱n Salmoo̱ 19:12 ပူးပေါင်းရင်းမြစ်များ

Joo̱b 6:24

Tꞌíyájnúꞌun ñání nínga ndajín katsꞌen an, kósꞌe̱ kokjo an ndso̱ꞌba án ngijee̱.

Xo̱jo̱n Salmoo̱ 139:2

Yé jí kjiꞌanga botíjña̱ an, ko̱jo kjiꞌanga fostjíe̱n an, ¡ta̱ kjin makjínnii̱ ni xi tjíjinko̱n an!

Xo̱jo̱n Salmoo̱ 139:6

¡Jmí ni̱xtjin ka̱makjínna xikó kjiꞌi nga fíndikónna kjo̱a̱kjíntakóo̱n! ¡Jmí ni̱xtjin ka̱makjínna!

Xo̱jo̱n Salmoo̱ 40:12

Ngatꞌa̱ achichí má ni xi ndajín xi je jaꞌatjiyajonna, jè katsꞌénna kui ni xi ndajiín, nde ngiti̱ májín kjininkꞌá an ndyikón án, kjín ngase ma ta̱bo̱a̱jiín xikó kjiꞌi ma tsja tokó án, kó ini̱ma̱na je ngiti̱ chikjo̱a̱jiín.

Xo̱jo̱n Salmoo̱ 51:2

¡Taníjín ngase ji ni ndajín xi katsꞌen an, kó ti̱ꞌintsjiejín ji jéna!

Xo̱jo̱n Salmoo̱ 65:3

Jéjne̱ boá xi mejeén botixómájne̱, ta̱nga jí boá xi niꞌínjetakínjne̱.

Xo̱jo̱n Salmoo̱ 90:8

Jè ikꞌínde ngindyikin ji ni xi ꞌniú ndajín xi kiniꞌánjne̱, ko̱jo ni xi ꞌbíꞌmájne̱ je ikꞌínde tsijen kje̱n ji.

Éksondo̱ 24:12

Jaskan Néná bi̱ katsoó Moisee̱: «Ndibénijíngí ji na̱xi̱i̱, kó ki̱a̱ chiyéní, ngatꞌa̱ ki̱a̱ sa̱ꞌinkꞌasꞌiee̱n ndi̱jo̱ tie nínga kjitꞌa kjo̱a̱kitii̱ ko̱jo kjo̱a̱botíxoma xi katsꞌenꞌindó an tsi̱ꞌe̱ nga ko̱ko̱yée̱ xota̱ Israee̱l».

Énkjínkón 13:13

Kui xi sa̱ꞌínsénjiín ngo kjo̱a̱ xi ko̱e̱ꞌeé, achichí chjí ku̱i̱ꞌíchjí, ta̱nga kui xi sa̱ꞌínkjatjosoón, ngo kjo̱a̱nda sa̱ko̱ó.

1 Xota̱ Korinto̱ 4:4

Ngatꞌa̱ ndatsi nda tikón kjo̱a̱kjíntakónna, jmí tsi ta̱ngatꞌanii̱ kui nii̱, nga kixi̱ tikòn an ngindyi̱ko̱n Néná, ngatꞌa̱ Ndi̱a̱ná xí tsáyà tsi nda ko̱jo tsi ndajín tjítsꞌen an.

Ndeuteronomio̱ 5:29

Achichíra̱ ndakjiꞌi tsi jmíni̱xtjin ko̱síkjo ni xi ndyi̱tsó, kó nga ngatsjéni̱xtjin nga ngatsꞌéndíkónna ko̱jo ngatsꞌénkjátjosón kjo̱a̱botíxomana. Kó bo̱a̱ tsꞌén nga kui ko̱jo xota̱ tji̱e̱e̱ nda kꞌuíndo.

Ndeuteronomio̱ 5:32

»Kuíni nga jún xota̱ Israee̱l, ti̱ꞌankjatjosónjnú ngayeje kui kjo̱a̱botíxomaa̱ Nejnú xi tjítsꞌenkꞌasꞌiénjnúꞌun.

Xota̱ Ebreo̱ 9:7

ta̱nga ngi̱ndie xi ma joó, ta̱kuítsí chináꞌmi xi ꞌniú nkꞌa xaá xi ma ꞌbosꞌien, kó ta̱ ngo tsí ndi̱yà nga ngo noó, kó nga ꞌbosꞌien, chjiéngá jiín cho̱ ko̱a̱ꞌa̱ tsi̱ꞌe̱ nga sa̱ꞌínkꞌasꞌien kjo̱a̱tjó, kó ku̱i̱ꞌíchjítjé yojoo̱, kó ti̱ ku̱i̱ꞌíchjítjé jeé xota̱ na̱xi̱ńdá xi katsꞌénjeé nga, kui xi kamábejín tsi jé, ni xi katsꞌén,

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.