Xo̱jo̱n Salmoo̱ 17:4 - Xo̱jo̱n eén Néná

⁴ Kjo̱a̱a̱ ni xi tsꞌén xota̱ nga̱sondiee̱, ko̱jo ta̱ngatꞌanii̱ én xí je kandokjo̱e̱ ji, jè katsꞌenkjìi̱n yojona ni xi tsꞌén xota̱ xi tamaá.

Xo̱jo̱n Salmoo̱ 17:4 ပူးပေါင်းရင်းမြစ်များ

Jenesii̱s 6:11

Kó Néná kamábe nga xota̱ nga̱sondiee̱ je kamákitikjo̱a̱ ko̱jo nga achichí nga ndajín kamá.

Jenesii̱s 6:5

Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Joo̱b 15:16

Akja̱ꞌmíra̱ xota̱ nga̱sondiee̱ ka̱maꞌniátakón, nga be nga ndajín ko̱jo nga chꞌo, nga xikoó tsi xíndaá nga ni xi ndajín mejeén sa̱ꞌín.

Joo̱b 31:33

jmíni̱xtjin iꞌmá an ngo jé xí katsꞌen an xikó tsꞌén xota̱ xi ngasee̱, ti̱nde tjiꞌmájínna ni xi ndajín xi tsꞌen an,

Matioo̱ 4:10

Kósꞌe̱ Kjisoo̱, bi̱ katsoó: –Chjéndi̱yáa̱, xindajín Satana̱, ngatꞌa̱ jè kjitꞌa xo̱jo̱n eén Néná nínga bi̱ tsoó: «Ndi̱a̱ xi Ne tse̱ xí ti̱ꞌindikín jí, kó ta̱kuítsí xi si̱ꞌinxétꞌée̱.»

Matioo̱ 4:4

Ta̱nga Kjisoo̱, bi̱ katsoó: –Jè kjitꞌa xo̱jo̱n eén Néná nínga bi̱ tsoó: «Jmí tsi ta̱ pan tsí xi kꞌuijñáni ngo xota̱, chjiénrií ngayeje én xí fotjonii̱ tsꞌoa Néná.»

Matioo̱ 4:7

Sꞌe̱ Kjisoo̱, bi̱ katsoó: –Ti̱ bi̱ ti̱ tsꞌén kjitꞌa xo̱jo̱n eén Néná, nínga bi̱ tsoó: «Ka̱májín chjátꞌeyékín ji Ndi̱a̱a̱, kui xi Nèe̱.»

Juaa̱ 17:17

Ti̱ꞌintsjieni ngi̱yaa̱ ja̱koxi̱i̱, ngatꞌa̱ ja̱koxi̱ boá ée̱n.

1 Xota̱ Korinto̱ 3:3

Ngatꞌa̱ ta̱kó bo̱a̱ tsꞌén tindyiónjnú xikoó xota̱ xi kui nga̱sondiee̱ chji̱a̱ni, ngatꞌa̱ tjínjnú kjo̱a̱chi̱ni̱, ko̱jo kjo̱a̱bixkán, ko̱jo ndyi̱bokjángájnú yojojnú. Jún xota̱ nga̱sondiejnú, kó bo̱a̱ tsꞌén timájnú xikoó xota̱ xi kui nga̱sondiee̱ chji̱a̱ni.

Xota̱ Éfeso̱ 6:17

Kó chjábéjnú kjo̱a̱ꞌnaxiéꞌaá, kó kui xi ngatamajnú xikoó ngo ki̱cha̱ xi ꞌbijñaá to̱ko̱ ngo nda̱jun. Kó chjábéjnú eén Néná, kó kui xi ngatamajnú xikoó ngo ki̱cha̱ndojó xi tsi̱ꞌe̱ A̱si̱énni̱xtjii̱n Néná.

Xo̱jo̱o̱n Sandiyaá 1:18

Én xí ja̱koxi̱i̱ boá xi katsꞌénkjién nga katsꞌéntsenná, ngatꞌa̱ bo̱a̱ tsꞌén kamámejeén kui, tsi̱ꞌe̱ nga ñá xí ka̱ma cha̱n xi tjón foaꞌáꞌyá ngi̱jii̱n ngayeje ni xi katsꞌénda.

1 Xo̱jo̱o̱n Peé 5:8

Nda ti̱ꞌankjójnú ni xi si̱ꞌánjnú, kó ti̱ndyiondajnú, ngatꞌa̱ kondra̱jnú kui xi xindajín ndiabloo̱, tsoꞌbá xikó maá ngo xandi̱je̱ xi tamá, nga tsꞌénmongase ꞌyání xi sa̱ꞌínkꞌién nga skji̱ni̱e̱.

Ni xi akakoo̱ 12:11

Kó kui ntsꞌié jè katsꞌeén ngatꞌaa̱ kui jín xí iskjitjón cho̱tsa̱nga̱a̱ ko̱jo kui én xí tsíchji̱a̱a̱, katsakjónjín nga xcha̱ja kjo̱a̱mindyioo̱n, ta̱sá kamámejeén nga ngaskande jesón.

Ni xi akakoo̱ 9:11

Ngito̱ko̱o̱ chjo̱bo̱a̱a̱, kuí boá xi ndítsjiee̱ ti̱xa̱na̱nga̱a̱ tꞌanangii̱, kó kuí boá xi ꞌmí Abando̱n nga én ebreo̱, kó Apolio̱n ꞌmí nga én ngriengo̱.