Xo̱jo̱n Salmoo̱ 17:3 - Xo̱jo̱n eén Néná

³ Jè kichitꞌe ji ini̱ma̱na, jè kitsitsijìnní nga jñoó nga kachjatꞌayékínní, kó jmí ni xi ndajín kasakojiín, jè be an nga jmí én chꞌo tsó kuichji̱a̱jín an.

Xo̱jo̱n Salmoo̱ 17:3 ပူးပေါင်းရင်းမြစ်များ

Joo̱b 23:10

Ta̱nga Néná jè be nínga tsoꞌbá an, kó tsi skítꞌayákónna, bo̱a̱ má kꞌuié án xikoó to̱nsinié xi kui soboá soboaá.

Joo̱b 24:14

Ta̱ niꞌin si̱sién, kó kui xota̱ xi ꞌniú ndajiín, jè ndyi̱fotaxie nga ndyi̱tsꞌènkꞌién xota̱ xi ni̱ma̱a̱ ko̱jo xota̱ xi ni chjieén, kó ngije ma jñoó xota̱chejé má.

Xo̱jo̱n Salmoo̱ 11:5

Néná kjitꞌayákón xota̱ xi kixi̱i̱, ta̱nga chꞌórií xota̱ xi ndajiín, ko̱jo xi tsja maa̱ nga tsꞌén ni xi ꞌniú ndajiín.

Xo̱jo̱n Salmoo̱ 119:106

Sa̱ꞌinkjatjosón an ni xi kixiyatjoón nga sa̱ꞌin an: kuintꞌieꞌée̱n kjo̱a̱botíxoma kixi̱i̱.

Xo̱jo̱n Salmoo̱ 139:1

Ji Ne, jè yé cha̱n cha̱nní, ¡jè yé ji kó kón an!

Xo̱jo̱n Salmoo̱ 139:23

Ji Ne, tsitsíjìi̱n ngi̱jin ini̱ma̱na, kó chjátꞌeyékín ji kjo̱a̱niꞌánkjóna.

Xo̱jo̱n Salmoo̱ 16:7

Nda kuichjiá an kjo̱a̱a̱ Néná, kjo̱a̱a̱ kui kjo̱a̱botíxoma nda xi tsjána, ngatꞌa̱ ndatsi je jñó tsꞌendáyà ngi̱jin yojona.

Xo̱jo̱n Salmoo̱ 26:2

Chítꞌeni Ne, kó chjátꞌeyekínní, chítꞌe ji ni xi tsꞌenkjó án, ko̱jo ni xi tjíjin ini̱ma̱na.

Xo̱jo̱n Salmoo̱ 39:1

An bi̱ kixian an: Skóo̱n ni xi sa̱ꞌin an, tsi̱ꞌe̱ nga sa̱ꞌinjéjín an najén án, kokjo an ndso̱ꞌba án tji̱e̱nga xota̱ xi ꞌniú ndajiín ki̱a̱ síndo ngindyikón án.

Xo̱jo̱n Salmoo̱ 66:10

Ji Ne, jí boá xi kachjatꞌayékínjne̱, kó bo̱a̱ kiniꞌínje̱jne̱ xikoó to̱ntiboaa̱ nga ndiꞌí niꞌántsjieni.

Xo̱jo̱n Salmoo̱ 7:4

A ndajín tsꞌén ichjíi̱ xota̱ xi xió tsaꞌana. Ta̱sá je katsꞌendé án kui kondra̱ xi jmí kjo̱a̱jín nga ndajín tsaꞌana.

Énkjínkón 13:3

Xota̱ xi koo̱n ni xi chji̱a̱, ti̱kuíní yojoo̱ xi tsꞌénkoón, ta̱nga kui xi ta̱xkiya chji̱a̱a̱, ti̱kuíní yojoo̱ xi sa̱ꞌínchaja.

Ni xi kamá 11:23

kó nga jachó, kamábe kjo̱a̱ndaa̱ Néná kó tsja kamaá, kó ꞌniú atíxomaa̱ ngayeje xotaa̱ tsi̱ꞌe̱ nga ngayeje ini̱ma̱a̱ nga ꞌniú ka̱maꞌniátakón Ndi̱a̱ná,

Ni xi kamá 16:9

Kó nga jñoó Pabloo̱ akakoo̱ ngo ni, nínga kamábe ngo nda̱ xi chji̱a̱ni nangi Masendonia̱ xi sikónkixi̱ nga ꞌniú tsíꞌaá, nga bi̱ katsoó: “Ti̱tjè chií ji nangi Masendonia̱, kó tasíke̱jejne̱.”

1 Xota̱ Korinto̱ 4:4

Ngatꞌa̱ ndatsi nda tikón kjo̱a̱kjíntakónna, jmí tsi ta̱ngatꞌanii̱ kui nii̱, nga kixi̱ tikòn an ngindyi̱ko̱n Néná, ngatꞌa̱ Ndi̱a̱ná xí tsáyà tsi nda ko̱jo tsi ndajín tjítsꞌen an.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

Xo̱jo̱o̱n Sandiyaá 3:2

Ngayeje ñá niꞌán ni xi bo̱a̱jín kjiꞌi, ta̱nga tsi ngo nda̱ xi chiíjín ku̱i̱chji̱a̱ ngo én xí ndajínkjiꞌi, kuí boá xi̱ꞌba̱ xi je kamá xi chjiéngá ka̱ma, kó ka̱maa̱ nga nda ku̱i̱ꞌíꞌniuú nga kjo̱jo ngayeje yojoo̱.

1 Xo̱jo̱o̱n Peé 1:7

tsi̱ꞌe̱ nga chjátꞌayákón kjo̱a̱sꞌijinjnú, ngatꞌa̱ kuí xí chjí ngasenii̱ ta̱bo̱a̱jiín to̱nsinieé, kui xi maa̱ fotsoo̱n kó ndiꞌí chitꞌani. Kó bo̱a̱ tsꞌén kui kjo̱a̱sꞌijii̱n xcha̱ nga kꞌuieé kjo̱a̱niꞌántsjà, ko̱jo kjo̱a̱je, ko̱jo kjo̱a̱yandikón kjiꞌanga ko̱kó yojoo̱ Jesukristoo̱.