Xo̱jo̱n Salmoo̱ 17:15 - Xo̱jo̱n eén Néná

¹⁵ Ta̱nga an ki ji Ne, skuié án kje̱n ji nga tjiín kjo̱a̱kixi̱. ¡Nga kjo̱a̱ꞌána, achichí tsjá ka̱mana nga skotsijee̱n ji!

Xo̱jo̱n Salmoo̱ 17:15 ပူးပေါင်းရင်းမြစ်များ

Joo̱b 14:12

Bo̱a̱ tsꞌén nga xota̱ nga̱sondiee̱ ꞌme, kó ngiti̱ foaꞌáꞌyájiín. Tji̱e̱nga tikón nkꞌajmii̱, kꞌuiéjín ngo xota̱ xi kjo̱a̱ꞌáꞌyaá ngije kjiꞌiféjo̱ kjo̱a̱bo̱yaa̱.

Xo̱jo̱n Salmoo̱ 11:7

Ngatꞌa̱ Néná kixi̱ boá, kó tjórií kjo̱a̱kixi̱i̱, ¡kuíni nga xota̱ xi kixi̱i̱ boá xi ka̱ma sku̱i̱e̱ kje̱n!

Xo̱jo̱n Salmoo̱ 119:111

Án tsa̱ꞌa̱n kjo̱a̱bokoyáa̱, ¡kuí boá xi kjo̱a̱tsjaa̱ ini̱ma̱na! Jè katsjáa̱ko̱n an nga sa̱ꞌinkjatjosón an ngatsjéni̱xtjin, ngaskande nga kju̱i̱e̱tꞌani.

Xo̱jo̱n Salmoo̱ 16:11

Jí boá xi ko̱kéní ndi̱ya̱à kjo̱a̱mindyioo̱n. ¡Kjiꞌanga an tindyinjinní achichí tsjá ꞌbéna! ¡Kjiꞌanga ki̱a̱ tikóntꞌáa̱ nga kixi̱i̱, ngatsjéni̱xtjin nga tjínna kjo̱a̱tsja!

Xo̱jo̱n Salmoo̱ 49:14

Ti̱ kuíní bo̱a̱ xi je síndonda nga xikó maá xtín cho̱tsa̱nga̱ nga fí nga̱tsjo̱ó, kó kjo̱a̱bo̱yaa̱ boá xi fotsoꞌbátjoón, kó fí kixi̱ kixi̱ nga̱tsjo̱ó, kósꞌe̱ chaja yojoo̱, nga̱tsjo̱ó boá nínga ndiꞌaa̱ ka̱ma.

Xo̱jo̱n Salmoo̱ 5:7

Ta̱nga an ki, kꞌosꞌi̱e̱n an ndiꞌáa̱ ta̱ngatꞌanii̱ kjo̱a̱ni̱ma̱takón jèe̱, kó nga bendikoón jí, kosien an tikóna ki̱a̱ xtji̱e̱e̱n na̱ngo̱xi̱i̱.

Xo̱jo̱n Salmoo̱ 65:4

¡Achichí kjo̱a̱niꞌánchikonñé sakoó kui xota̱ xi ki̱a̱ tiña síndotꞌaa̱, kui xi ti̱ ki̱a̱ síndo na̱ngo̱xi̱i̱ nga! Achichí nda tsiejne̱ kjo̱a̱a̱ kui nichinie xi ji nangiyejne̱.

Matioo̱ 5:6

Achichíra̱tsjaa̱ xota̱ xi bojó, ko̱jo xi xíndaá nga kixi̱ si̱ꞌansee̱n, ngatꞌa̱ kuí xí stsi̱e̱é.

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

Xota̱ Filipo̱ 3:21

Kó kuí boá xi ko̱síkjoyá yojo ni̱ma̱kjo̱a̱ná, tsi̱ꞌe̱ nga xikoó yojoo̱ kjo̱a̱jee̱ kui ka̱ma, kui nii̱ xi sa̱ꞌín nga sa̱ꞌínkjién ngaꞌniú xí tjiín nga botixómaá ngayeje nii̱.

Ni xi akakoo̱ 21:23

Kó kui na̱xi̱ńdáꞌniuú jmí tsꞌué ti̱nde jmí sá chjiénjiín xi sa̱ꞌíntsijee̱n, ngatꞌa̱ ndiꞌií kjo̱a̱jee̱ Néná xí tjítsꞌéntsíjee̱n, kó cho̱tsa̱nga̱a̱ boá xi ndiꞌí xí tsꞌentsíjee̱n.