Xo̱jo̱n Salmoo̱ 17:14 - Xo̱jo̱n eén Néná

¹⁴ ¡Ti̱ꞌinkjìn jí ndse̱ nga ko̱ꞌna̱xiéꞌéní ngi̱ya tsja kui xota̱ xi ndajiín, kui xi achichí ni xi kjimaa̱ nga kꞌuieé ni xi tjín nga̱sondiee̱! Jè katseꞌée̱ tsie kjo̱a̱cho̱n xi tse̱, kó ngaskande kꞌo̱ngii̱, tsi̱ꞌe̱ nga tsja̱á ndí xí xi̱xi̱ ngasee̱.

Xo̱jo̱n Salmoo̱ 17:14 ပူးပေါင်းရင်းမြစ်များ

Joo̱b 12:6

Xota̱chejeé nda ngase ꞌbíndo, kó ꞌniú ꞌbíndo xota̱ xi chꞌo tsoó Néná, ngatꞌa̱ kuí boá xi katsjaá ngayeje nii̱.

Joo̱b 12:9

Ngayejee̱ nga je be nga Néná boá xi katsꞌénda ngayeje nii̱.

Joo̱b 21:21

Ngatꞌa̱ tsi je be nga ta̱chiboa tsí ni̱xtjin tikoón nga kꞌuijñá ngase. Mí ndasen ka̱maa̱ kjo̱a̱ni̱ma̱ xi kjo̱a̱ꞌatio xota̱ ndiꞌaa̱ ngije kꞌien kui.

Joo̱b 22:18

ta̱sá Néná achichí ni xi nda katsjaá ki̱a̱ ndiꞌaa̱. ¡Ta̱nga kjo̱a̱botíxomaa̱ kui xota̱ xi ndajiín, achichí kjin tikónnii̱ an!

Xo̱jo̱n Salmoo̱ 39:6

Ta̱ xikónií tsi ngo ni xi ja̱koxi̱, nga síndo xotaa̱ kui nga̱sondiee̱, ta̱kjo̱a̱ndaní nga ki̱a̱ mongatji̱ngii̱ tjo̱o̱, ngatꞌa̱ tsie kjo̱a̱cho̱n foaꞌátjó, ta̱nga nde bejín ꞌyá xota̱ xi tsi̱ꞌe̱ ka̱ma kui nii̱.

Xo̱jo̱n Salmoo̱ 73:12

¡Bo̱a̱ kón má xota̱ xi ꞌniú ndajiín! ¡Nde ta̱jmìjín ni xi nda̱ maa̱, kó saꞌniú sáꞌniú ma cho̱n ngase!

Énkjínkón 2:4

tsi xikó maá to̱ntiboaa̱ nga ku̱i̱ndyi̱sé ji, ko̱jo tsi xikó maá ngo ti̱jìto̱n.

Matioo̱ 13:44

Nínga botíxomaa̱ Néná, xikónií ngo ti̱jìto̱n xi tikónꞌmá ngo ngindie kꞌijñá, kó ngo nda̱ sa̱ko̱ó, kó ti̱ ki̱a̱a̱ ku̱i̱ꞌíjñaꞌma nginí, kó achichí tsja tjiín sꞌe̱ fí ndiꞌaa̱, kó botiñá ngayeje ni xi tjiín, sꞌe̱ ꞌbotsie kui kꞌijñaá.

Rkaa̱ 16:25

Ta̱nga Abraa̱n, bi̱ katsoó: “Ji ndí, ngatjaꞌátsjiee̱n nga kjiꞌanga kixindyin ji nga̱sondie achichí ni katseꞌeé, kó Laá achichí ni xi ndajín xi katseꞌeé kui, ta̱nga ngotꞌe̱ ꞌne̱ Laá achichí tjíniꞌándajoo̱n kꞌi̱e̱e̱, kó ji achichí tsie kjo̱a̱ni̱ma̱ tibitjatí.

Rkaa̱ 16:8

Nga kamábe kui nii̱ nda̱ xi tsi̱ꞌe̱ xaá, achichí katsꞌéntsjajo̱ kui moso̱ xi ndajiín, ngatꞌa̱ ta̱nisién kjínkón kamá nga katsꞌén kui nii̱. Ngatꞌa̱ xota̱ xi tjín kuí nga̱sondiee̱, maña̱ ngase tsꞌénjo̱ xota̱ xkjín, ta̱bo̱a̱jiín ni xi tsꞌén xota̱ xi chji̱a̱ni Néná.

Juaa̱ 15:19

Tsi kui nga̱sondiee̱ ndokjo̱a̱nijnú, sa̱ꞌíntjójnú xotaa̱ kui nga̱sondiee̱, xikótsꞌèn tsꞌéntjó xota̱ tsi̱ꞌe̱, ta̱nga kuijín nga̱sondiee̱ ndokjo̱a̱nijnú, ngatꞌa̱ án xí jaꞌajinjnúꞌun ngi̱jii̱n xotaa̱ kui nga̱sondiee̱, kuíni nga xotaa̱ kui nga̱sondiee̱ tsꞌenchꞌójnú.

Juaa̱ 17:14

An jè katsjáa̱ ée̱n, kó xotaa̱ kui nga̱sondiee̱ katsꞌénchꞌó, ngatꞌa̱ jmí tsi kui nga̱sondiee̱ chji̱a̱ni, xikoó án, nga ti̱ jmí tsi kui nga̱sondiee̱ chjiá an.

Juaa̱ 8:23

Kó Kjisoo̱, bi̱ katsó: –Jún kꞌi̱e̱ ngindiee̱ ndokjo̱a̱nijnú, kó án ndiꞌakꞌajmi jàn chjiá an, jún kui nga̱sondiee̱ ndokjo̱a̱nijnú, kó án kuijín nga̱sondiee̱ chjiá an.

Xo̱jo̱o̱n Sandiyaá 5:5

Kꞌi̱e̱ tꞌanangii̱ je kixindyionjnú nga katseꞌéjnúu̱ yojojnú kjo̱a̱tsja xi nda ko̱jo je kiniꞌánkjatjosónjnúu̱ ni xi kamámejeén ini̱ma̱jnú. Jè kamáyiꞌijnú xikó maá ngo cho̱yojo xi je jachó ni̱xtjii̱n nga si̱ꞌankꞌien.