Xo̱jo̱n Salmoo̱ 16:11 - Xo̱jo̱n eén Néná

¹¹ Jí boá xi ko̱kéní ndi̱ya̱à kjo̱a̱mindyioo̱n. ¡Kjiꞌanga an tindyinjinní achichí tsjá ꞌbéna! ¡Kjiꞌanga ki̱a̱ tikóntꞌáa̱ nga kixi̱i̱, ngatsjéni̱xtjin nga tjínna kjo̱a̱tsja!

Xo̱jo̱n Salmoo̱ 16:11 ပူးပေါင်းရင်းမြစ်များ

Xo̱jo̱n Salmoo̱ 139:24

Tꞌíyéní tsi tsjajín maá ni xi tjítsꞌen an, kó takoyèní kótsꞌèn mejeén nga kotíjña̱ an.

Xo̱jo̱n Salmoo̱ 17:15

Ta̱nga an ki ji Ne, skuié án kje̱n ji nga tjiín kjo̱a̱kixi̱. ¡Nga kjo̱a̱ꞌána, achichí tsjá ka̱mana nga skotsijee̱n ji!

Xo̱jo̱n Salmoo̱ 4:8

Tjínna kjo̱a̱xió nga kjojña an, ko̱jo nga ko̱e̱ꞌéńjñána, ngatꞌa̱ ta̱ jí tsí xi kjimaꞌniátakoón ji Ne.

Xo̱jo̱n Salmoo̱ 68:4

¡Ndàjnúu̱ Néná! Ndàjnúu̱ salmo̱ nga si̱ꞌankjiejnú jaꞌeén. ¡Tꞌíjñandajnúu̱ ndi̱ya̱à kui xi fotsoꞌbásón nga̱són ṉdi̱i̱! ¡Kuí boá xi ꞌmí Néná! ¡Tsja ngatamajnú ngindyi̱ko̱n kui!

Énkjínkón 12:28

Ni xi kixi̱i̱ ki̱a̱ fíjo̱ná kjo̱a̱mindyioo̱n, kó kui ndi̱ya̱à jmíjiín kjo̱a̱bo̱ya.

Énkjínkón 2:19

Kui xi ki̱a̱ nijan tsꞌénkámajo̱ kui naa̱, ngiti̱ kjo̱e̱ꞌeꞌóyájín, kó nginijánjín kjótsoꞌbá nginí ndi̱ya̱à kjo̱a̱mindyioo̱n.

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Énkjínkón 5:6

Ngatꞌa̱ kui chjo̱on jmí ndasénjiín ndi̱yà xí ndaa̱ kjo̱a̱mindyioo̱n, ti̱nde bejín nga ndi̱yà xí ndajiín je tsoꞌbá.

Matioo̱ 25:33

kó cho̱tsa̱nga̱a̱ nga kixi̱i̱ ku̱i̱ꞌíndo, sꞌe̱ tindsoo̱ nga skoón ku̱i̱ꞌíndo.

Matioo̱ 25:46

Kó kui xota̱ xi ndajiín, ka̱majeé nínga jmíni̱xtjin kju̱i̱e̱ jeé, kó xota̱ xi kixi̱i̱ sa̱ko̱ó kjo̱a̱mindyion ngatsjéni̱xtjii̱n.

Matioo̱ 5:8

Achichíra̱tsjaa̱ xota̱ xi tsjie ini̱ma̱a̱, ngatꞌa̱ kuí xí sku̱i̱e̱ Néná.

Matioo̱ 7:14

ta̱nga achichí xkjó ko̱jo chichí ndi̱ya̱à kjo̱a̱mindyioo̱n, kó chiboa tsí má xota̱ xi sakoó.

Markoo̱ 16:19

Kó bo̱a̱ tsꞌén Ndi̱a̱ Kjisoo̱ ngije tsíchji̱a̱jo xota̱a̱, kachjaninkꞌa nga kijí ndiꞌakꞌajmi jàn, kó tsja fojnií Néná kisꞌijñatꞌa.

Ni xi kamá 2:28

Jí xí akakení ndi̱ya̱à kjo̱a̱mindyioo̱n, kó achichí kjo̱a̱tsja tiboeꞌéní nga kje̱n ji tikòn an.

Ni xi kamá 7:56

kó bi̱ katsó Ixtibaa̱: –¡Tsitsíjenjnú! Tsꞌénbé an nga tji̱e̱nti̱xa̱ ndiꞌakꞌajmi jàn, kó tsꞌénbe an nga ndií nda̱ xi̱ꞌii̱n tsja fojnií Néná tikón.

Xota̱ Roma̱ 8:11

Kó tsi kui A̱siénni̱xtjin xi katsꞌénkjaꞌáꞌyaá Kjisoo̱ ngi̱jii̱n xota̱ xi je jesoón xi tikónjinjnú, ja̱ kui xi katsꞌénkjaꞌáꞌyaá Kristo̱ Kjisoo̱ ngi̱jii̱n xota̱ xi jesoón ngatsꞌénkꞌíjñá nginíjnú ngindyi̱ko̱n Néná. Néná boá xi sa̱ꞌín kui nii̱ ta̱ngatꞌanii̱ A̱siénni̱xtjin xi tikónjinjnú.

1 Xota̱ Korinto̱ 13:12

Ta̱nga ngotꞌe̱ ꞌne̱ ta̱ ndyi̱yà xa̱ tsí ñá ni xi tsi̱ꞌe̱ Néná, xikoó tsi ngo chi̱tsen tsitsienjenjin xi xa̱ ya, ta̱nga nga kjo̱chó ni̱xtjin tíkje̱n tíkje̱n xcha̱ Néná. Ngatꞌa̱ chiboa tsí be an ngotꞌe̱, ta̱nga kjo̱chó ngo ni̱xtjin nga sku̱i̱e̱ cha̱n cha̱n an Néná xikótsꞌèn bena kui.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

Xota̱ Éfeso̱ 3:19

Kó míꞌáa̱ Néná tsi̱ꞌe̱ nga xcha̱jnú kui kjo̱a̱tjoó Kristoo̱ xi foaꞌatjoón ngayeje kjo̱a̱kjíntakón, tsi̱ꞌe̱ nga Néná sꞌi̱jñajin ndo̱jò ndójo̱jnú.

1 Xo̱jo̱o̱n Peé 1:21

Kó ta̱ngatꞌanii̱ Kristoo̱ nga jún sꞌijinjnú Néná, kui Néná xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón kó katsjaá kjo̱a̱je, tsi̱ꞌe̱ nga sꞌi̱jinjnú ko̱jo ka̱maꞌniátakónjnú Néná.

1 Xo̱jo̱o̱n Peé 3:22

Jesukristoo̱ kijínijíngí ndiꞌakꞌajmi jàn, kó ki̱a̱ tikón nga fojnií Néná, kó kuí boá xi tsꞌénbotixómaá ndítsjiee̱, ko̱jo a̱siénni̱xtjin xi tjiín xá ko̱jo ngaꞌniuú.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,

Ni xi akakoo̱ 22:5

Kó kui ngi̱ndiee̱ nginijánjín ka̱majñó, kó xi kꞌuíndo ki̱a̱a̱, ngiti̱ ka̱machjiénjiín ndiꞌí xí tsꞌentsíjen ko̱jo tsi ndiꞌií tsꞌueé, ngatꞌa̱ Néná kui xi Ndi̱a̱ná tsja̱á ndiꞌií, kó kuí xota̱ xi̱ꞌba̱ xi ko̱tíxoma ngatsjéni̱xtjii̱n.