Xo̱jo̱n Salmoo̱ 15:5 - Xo̱jo̱n eén Néná

⁵ kui xi jmí ndyi̱ko̱n foaꞌáchjíjín nga to̱n tsꞌénkíyà, ti̱nde jmí to̱n kjíbéjín tsi̱ꞌe̱ nga ndajín si̱ꞌanjo̱ ngo xota̱ xi jmí jéjiín. Kui xota̱ xi sa̱ꞌín ngayeje kui nii̱, ngatsjéni̱xtjin nga ꞌniú kꞌuijñá.

Xo̱jo̱n Salmoo̱ 15:5 ပူးပေါင်းရင်းမြစ်များ

Xo̱jo̱n Salmoo̱ 106:3

¡Néná tsꞌénchíkonñé kui xota̱ xi kixi̱i̱, ko̱jo xi tsꞌéntjó kjo̱a̱kixi̱i̱!

Xo̱jo̱n Salmoo̱ 112:6

Xota̱ xi ndaa̱ ngatsjéni̱xtjin nga nda má ni xi tsꞌén, kó ngatsjéni̱xtjin nga ndatsꞌèn niꞌánkjaꞌátsjien.

Xo̱jo̱n Salmoo̱ 16:8

Ngatsjéni̱xtjin nga Néná boá xi tjínjinkon an, ngatꞌa̱ ki̱a̱ tikóntꞌana tjia kixi̱na, kuíni nga jmíjín ni xi kꞌo̱jmina.

Xo̱jo̱n Salmoo̱ 55:22

Ti̱ꞌinkꞌasꞌíi̱n Néná chꞌià é xí kichꞌé ji, kó kuí boá tsja̱angaꞌniuú. ¡Néná sa̱ꞌínkjastjíe̱n nginí xota̱ xi kixi̱i̱ xi je tsꞌákaa̱!

Éksondo̱ 22:24

kó ꞌniú sa̱ꞌinxchán án nga sa̱ꞌinkꞌiénjnúꞌun. Kósꞌe̱ ínchjínjnú, ínchjín kꞌán ka̱ma, kó ndíjnú, ndí xꞌi̱a̱n ka̱ma ngijee̱.

Éksondo̱ 22:25

»Tsi tjín xí sa̱ꞌínkíyaá to̱n ngo xota̱ Israee̱l xi ni̱ma̱ xi jmí to̱njiín, chjiénjín nga ndyi̱ko̱n kjo̱a̱ꞌáchjií, ti̱nde ka̱májín bo̱a̱ si̱ꞌanjo̱jnú xikó tsꞌén xota̱ xi foaꞌáchjí nga tsꞌénkíyà to̱o̱n.

Énkjínkón 10:30

Xota̱ xi kixi̱i̱ ngatsjéni̱xtjin nga nda ka̱ma ni xi sa̱ꞌín, ta̱nga xota̱ xi ꞌniú ndajiín kꞌi̱e̱jín kꞌuíndo kui nga̱sondiee̱.

Énkjínkón 12:3

Ngojín xota̱ xi ꞌniú kꞌuijñá, kjo̱a̱a̱ ni xi ndajín xi tsꞌén, ta̱nga xota̱ xi kixi̱i̱ jmíjín xi sa̱ꞌíntíyaá.

Énkjínkón 15:27

Xota̱ xi xki̱ꞌá xi tsie ngase ni mejeén, kuí boá xi tsꞌénkjátsón xota̱ ndiꞌaa̱, ta̱nga kui xi chꞌoo̱ nga to̱n chjábéngíni ngo ni, kuí boá xi tsie ka̱maa̱ nga kꞌuijñá nga̱sondie.

Matioo̱ 26:15

kó bi̱ katsoó: –Mí xí ko̱e̱ꞌéjnúꞌun, kó án sa̱ꞌinkꞌasꞌienjnúꞌun Kjisoo̱. Kó kui jaá kantié to̱ntiboa índa nga tsja̱á.

Juaa̱ 13:17

Tsi yàjnú kui nii̱, achichíra̱ tsjajnú tsi si̱ꞌánjnú.

Ndeuteronomio̱ 23:21

»Ti̱ꞌankjatjosónjnúu̱ ni xi kꞌuíyátjónjnúu̱ Néná nga si̱ꞌánjnú. Xi jmí ni ka̱tso̱yàtjónjiín Néná nga sa̱ꞌín, jmí jé tsꞌénjín. Ta̱nga xi ka̱tso̱yàtjoón Néná nga ngo ni sa̱ꞌín, kó tsi sa̱ꞌínkjatjosónjín, tjítsꞌénjé boá. Néná ko̱tíjeé kui xota̱ xi sa̱ꞌínkjatjosónjín ni xi katsóyàtjón nga sa̱ꞌín.