Xo̱jo̱n Salmoo̱ 15:2 - Xo̱jo̱n eén Néná

² Ta̱kuítsí xota̱ xi tsꞌén ni xi kixi̱i̱, ko̱jo xi tsꞌénkjó ni xi ja̱koxi̱i̱, ko̱jo xi jmí kjo̱a̱ndiso chji̱a̱jín ngi̱jin ini̱ma̱a̱,

Xo̱jo̱n Salmoo̱ 15:2 ပူးပေါင်းရင်းမြစ်များ

Xo̱jo̱n Salmoo̱ 24:4

Ta̱kuítsí xota̱ xi tsjie tsjaa̱, ko̱jo xi tsjie ini̱ma̱a̱, kui xi jmíjéjiín, ko̱jo kui xi jmí tsi ta̱xkiya ndyi̱tsꞌéndíkón ni xi jmí ni chjíjiín, ti̱nde índisojín nga sa̱ꞌínkjatjosón ngo ni.

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Énkjínkón 20:7

Xota̱ xi kixi̱i̱, tsjie tsꞌén síndo, kó achichíra̱tsjaa̱ ndí xi ki̱a̱ ndyi̱fítji̱ngii̱ ni xi tsꞌén.

Énkjínkón 28:18

Xota̱ xi kixi̱ tsoꞌbaá, kjo̱tjoꞌa, ta̱nga xota̱ xi ꞌniú ndajiín, ti̱kuíní xi ndajín ka̱maa̱.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Ni xi kamá 10:35

ta̱sá ngayeje na̱xi̱ńdá tsja maá Néná kjo̱a̱a̱ ngayeje xota̱ xi bendikón ko̱jo xi ni xi kixi̱ ndyi̱tsꞌèn.

Xota̱ Roma̱ 2:10

Ta̱nga kjo̱a̱je, ko̱jo kjo̱a̱yandikón, ko̱jo kjo̱a̱xió sa̱ko̱ó ngayeje xota̱ xi ni xi nda ndyi̱tsꞌèn, tsi xota̱ jundío̱ ko̱jo tsi xota̱ jundío̱jín.

Xota̱ Ngalasia̱ 2:14

Kó kuíni nga kamábe an nga jmí tsi kixi̱ tjimájo̱ yojoo̱, xikó kjiꞌi ja̱koxi̱i̱ éntjatsi̱e̱e̱ Kjisoo̱, bi̱ kixiáa̱n Peé ngindyi̱ko̱n ngayeje xota̱ na̱xi̱ńdá: “Tsi ji xi nda̱ jundío̱ ji, kó tsi tindyin ji xikó maá xota̱ xi jundío̱jín, míkjo̱a̱a̱ nga mejeén si̱ꞌìi̱n kjo̱a̱ꞌniú xota̱ xi jundío̱jiín nga kꞌuíndo xikótsꞌèn síndo xota̱ xi jundíoo̱.”

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

Xota̱ Éfeso̱ 4:25

Kó kuíni nga ngiti̱ ꞌbíndisójínjnú, ta̱sá én xí ja̱koxi̱ xi ndókjo̱a̱jojnú xotaa̱, ngatꞌa̱ ngayeje ñá, ta̱ ngo tsí yojo ndokjo̱a̱.

Xota̱ Kolosa̱ 3:9

Ngata̱ ja̱kꞌi̱e̱ ja̱ngajánjín ꞌbíndisojo̱jnú xingi̱jnú, ngatꞌa̱ jè xikoó tsi je ikꞌiéjnú ńjño xchá xí kichajájnú ngasꞌe̱.

Xota̱ Ebreo̱ 11:33

Kui xotaa̱ kisꞌijii̱n Néná, kuíni nga kjín ngi̱ndie nínga botíxoma katsꞌén nga askjan, katsꞌén ni xi kixi̱i̱, kuíni nga kasakoo̱ ni xi katsóyàtjón Néná nga tsja̱á, ko̱jo katsꞌeén xandi̱je̱ nga askjanjo̱ nga,

1 Xo̱jo̱o̱n Juaa̱ 2:29

Tsi je yàjnú nga kixi̱ Jesukristoo̱, ja̱ ti̱ chjiéngá xcha̱jnú nga ngayeje xota̱ xi ndyi̱tsꞌèn ni xi kixi̱i̱, kuí boá xi je ndií Néná.

1 Xo̱jo̱o̱n Juaa̱ 2:6

Kui xota̱ xi tsó nga je tikónjii̱n Néná, chjiéngá bo̱a̱ tsꞌén ko̱e̱je̱tji̱ngi xikó katsꞌén Jesukristoo̱.

1 Xo̱jo̱o̱n Juaa̱ 3:7

Jún bo̱a̱ ndí ndí tsa̱ꞌa̱n, ngata̱ ngojín xi ꞌboṉcha̱jojnú, ngatꞌa̱ xota̱ xi ndyi̱tsꞌèn ni xi kixi̱i̱, kixi̱ tjimá, xikótsꞌèn kixi̱ Jesukristoo̱.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.