Xo̱jo̱n Salmoo̱ 149:1 - Xo̱jo̱n eén Néná

¹ ¡Ndàjnúu̱ Néná só xi tja̱tsi̱e̱! ¡ꞌNiú ngandaꞌyaá nga si̱ꞌantsjaa̱, ki̱a̱ ngi̱jii̱n xota̱ na̱xi̱ńdá tsjiee̱!

Xo̱jo̱n Salmoo̱ 149:1 ပူးပေါင်းရင်းမြစ်များ

Xo̱jo̱n Salmoo̱ 111:1

¡Si̱ꞌantsjàa̱ Néná! Jún xota̱ xi kixi̱, si̱ꞌanngo yojoná nga si̱ꞌantsjàa̱ Néná ngayeje ini̱ma̱ná.

Xo̱jo̱n Salmoo̱ 116:18

Ki̱a̱ ndi̱tsee̱n na̱ngo̱xi̱i̱, ki̱a̱ ngamasiee̱n na̱xi̱ńdáꞌniú Jerusale̱n, ko̱jo ngindyi̱ko̱n ngayeje xota̱ na̱xi̱ńdáa̱, sa̱ꞌinkjatjosón an ni xi kixiyatjoón nga sa̱ꞌin an. ¡Si̱ꞌantsjàa̱ Néná!

Xo̱jo̱n Salmoo̱ 144:9

Ji Ne, ngo só tja̱tsi̱e̱ siee, siee só, nga kjo̱ni̱e̱ arpaa̱.

Xo̱jo̱n Salmoo̱ 148:1

¡Ti̱ꞌantsjàjnúu̱ Néná ndeskande ki̱a̱ ndiꞌakꞌajmii̱! ¡Ti̱ꞌantsjàjnúu̱ ki̱a̱ nínga nkꞌaa̱!

Xo̱jo̱n Salmoo̱ 22:22

Kꞌuini̱jmìi̱ ntsꞌié án kjo̱a̱a̱ ji, kó sa̱ꞌintsjaá ji ngi̱jii̱n xota̱ xi matikó nga tsꞌéntsjaà.

Xo̱jo̱n Salmoo̱ 22:25

Jí boá xi tsꞌenkjoó kjiꞌanga tsꞌéntsjaà ki̱a̱ ngi̱jii̱n xota̱ xi matikoó. Sa̱ꞌinkjatjosón an ni xi indajoo̱ ji ngindyi̱ko̱n xota̱ na̱xi̱ńdá xí bendikoón.

Xo̱jo̱n Salmoo̱ 33:3

Ndàjnúu̱ só tja̱tsi̱e̱ xi kji̱e̱ jmíni̱xtjin ndaꞌyá, Nda ti̱ꞌánjnú kui nii̱, kó tsja ngatamajnú nga si̱ꞌankjaniéjnú kui soó.

Xo̱jo̱n Salmoo̱ 35:18

An tsjaa̱ ndokꞌóchjì ngindyi̱ko̱n ngayeje xota̱ na̱xi̱ńdáa̱, An sa̱ꞌintsjaá ngi̱jii̱n kui xota̱ na̱xi̱ńdáa̱ xí achichí kjín maá.

Xo̱jo̱n Salmoo̱ 68:26

Nda ndókjo̱a̱jnú kjo̱a̱a̱ Néná ki̱a̱ ngi̱jii̱n xota̱ xi matikoó, ti̱ꞌantsjàjnúu̱ Néná jún xi xota̱ Israee̱l jún.

Xo̱jo̱n Salmoo̱ 89:5

Ji Ne, nkꞌajmii̱ ka̱tso̱ya ni xi fíndikónná xí niꞌín ji, kó ti̱ kꞌuiyá kjo̱a̱ꞌniátakóo̱n ngi̱jii̱n ngayeje xota̱ tsjiée̱,

Xo̱jo̱n Salmoo̱ 96:1

¡Ndàjnúu̱ Néná ngo só tja̱tsi̱e̱! ¡Ndàjnúu̱ Néná ngayeje kui nga̱sondiee̱!

Xo̱jo̱n Salmoo̱ 98:1

¡Ndàjnúu̱ Néná ngo só tja̱tsi̱e̱! ¡Ngatꞌa̱ kuí boá xi achichí ni xi fíndikónná xi je katsꞌén! Tjia xi tsjiee̱ ko̱jo xi tjiín ngaꞌniú katsꞌénkjién nga katsꞌeén kondraa̱.

Xota̱ Ebreo̱ 2:12

nga bi̱ tsó: Kꞌuini̱jmìi̱ ntsꞌié án kjo̱a̱a̱ ji, kó sa̱ꞌintsjaá ji ngi̱jii̱n xota̱ xi matikó nga tsꞌéntsjaà.

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,