Xo̱jo̱n Salmoo̱ 145:8 - Xo̱jo̱n eén Néná

^8-9 Ji Ne, achichí tjoó ko̱jo ndaxota̱ niꞌínje̱jne̱ ji̱n, jmí tsi tsá niꞌínxchín jí, kó achichí je kjo̱a̱tjóo̱. Achichí nda niꞌínje̱ ji xi kiniꞌínde ji, kó ni̱ma̱ maa̱.

Xo̱jo̱n Salmoo̱ 145:8 ပူးပေါင်းရင်းမြစ်များ

Xo̱jo̱n Salmoo̱ 100:5

Ngatꞌa̱ ndaxota̱ Néná, kó ngatsjéni̱xtjin nga tjiín kjo̱a̱ni̱ma̱takón, kjo̱a̱tjoó jmíni̱xtjin sa̱síkjo, kó kjo̱a̱ꞌniátakoón ta̱kjiꞌání nga kꞌuijñá.

Xo̱jo̱n Salmoo̱ 103:8

Néna achichí nda ko̱jo ndaxota̱ tsꞌénjo̱na, jmí tsi ta̱xkiya tsꞌénxchán, kó achichí tsie kjo̱a̱tjó tjiín.

Xo̱jo̱n Salmoo̱ 116:5

Kixi̱ boá Néna, kó tjiín kjo̱a̱chiyákjo̱a̱, kuí boá ngo Ne xi mejeén ñá ko̱jo xi tjoó ñá,

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Xo̱jo̱n Salmoo̱ 86:5

Ngatꞌa̱ ji Ne, nda jí xota̱, kó maá niꞌínjetakín ji, ¡kó achichí kjo̱a̱ni̱ma̱takón tjiín kjo̱a̱a̱ xota̱ xi tsꞌénkáxoma jaꞌée̱n!

Jonaa̱ 4:2

Kó achichí xtií nga bi̱ katsoó Néná: —¡Ja̱ bo̱a̱ jè bo̱a̱ kixian an Ne, ja̱bo̱a̱ jè bo̱a̱ kixian an! Bo̱a̱ má kiniꞌín ji ni xi katsꞌenkjó án nga si̱ꞌin ji nga kisꞌijña an nangina. Kuíni nga kamámejénna nga kjinnii̱ nínga tindyin ji tsanga an. »Jè be an nga achichí nda ji xota̱ Ne, nga ma ni̱ma̱a̱ ngayeje xotaa̱, ko̱jo nga achichí niꞌin kjiꞌi nga si̱ꞌinxchín jí. Achichí tsie kjo̱a̱tjó tjiín, nga kjiꞌanga sa̱ꞌinjée̱ xotaa̱ se ji, jaskan bosíkje nginí ji ni xi kandokjo̱e̱, kó bo̱a̱jín niꞌínje̱ ji ngijee̱.

Xki̱ 14:18

nga achichí kjo̱a̱tjó tjiín ko̱jo nga tsie kjo̱a̱chiyákón tjiín, kó nga kuíni nga niꞌínjetakíi̱n xota̱jeé. Jí boá xi je bo̱a̱ kase ji nga niꞌínjée̱ ndií, ko̱jo ndíndee̱, ko̱jo ndínde xi ma joó, ta̱ngatꞌanii̱ ni xi ndajín xi katsꞌén xi xchaá.

Xota̱ Éfeso̱ 1:6

Kuíni nga, nganiꞌántsjaá Néná kjo̱a̱a̱ kui kjo̱a̱nda je xi akó xi ta̱ katsjáná, xi kasakojinná ngi̱jii̱n kui ndí xí tjoó kui.

Xota̱ Éfeso̱ 1:8

ko̱jo tsie kjo̱a̱kjínkón, ko̱jo kjo̱a̱kjíntakón xi katsjáná,

Xota̱ Éfeso̱ 2:4

Ta̱nga Néná achichí ꞌniú ni̱ma̱ máa xotaa̱, kó katsꞌénkjién kjo̱a̱tjó jee̱ nga katsꞌéntjóná,