Xo̱jo̱n Salmoo̱ 145:10 - Xo̱jo̱n eén Néná

¹⁰ ¡Ngatsꞌèntsjaà xi kiniꞌínde ji! ¡Nda ngatíchji̱a̱ kjo̱a̱a̱ ji xota̱ na̱xi̱ńdáa̱ xi ji ꞌniátakoón!

Xo̱jo̱n Salmoo̱ 145:10 ပူးပေါင်းရင်းမြစ်များ

Xo̱jo̱n Salmoo̱ 103:22

Kó jún xi ndií kui májnú, xi tindyiónjnú ngayeje ngi̱ndie, ¡ti̱ꞌantsjàjnúu̱ Néna! Kó an ki, ¡sa̱ꞌintsjáa̱ Néna ngayeje ngaꞌniúna!

Xo̱jo̱n Salmoo̱ 104:24

Ji Ne, achichí ni xi je kiniꞌínde ji, kó kjo̱a̱kjíntakóo̱n kiniꞌínkjín nga kiniꞌínde ji ngayejee̱. ¡Jè tjikítsieni nga̱sondiee̱ ngayeje ni xi ji kiniꞌínde!

Xo̱jo̱n Salmoo̱ 149:5

Tsja ngatamaa̱ xota̱ xi tsjiee̱ kjo̱a̱a̱ kjo̱a̱jee̱ Néná, kó tsja ngatamaa̱ nga si̱é ndeskande nga̱són ṉchan nínga kjiyojo.

Xo̱jo̱n Salmoo̱ 19:1

Nkꞌajmii̱ ꞌbiníjmì kjo̱a̱jee̱ Néná, kó ngi̱jinꞌa̱sie̱èn tsáyà ngayeje ni xi je katsꞌénda.

Xo̱jo̱n Salmoo̱ 22:23

¡Jún xi yandikónjnú Néná, ti̱ꞌantsjàjnúu̱ kui! ¡Jún xi xota̱ tji̱e̱e̱ Jakoo̱b, te̱ꞌéjnúu̱ kjo̱a̱je! Kó cha̱ndikónjnú jún, ngayeje xi xota̱ tji̱e̱e̱ Israee̱l.

Xo̱jo̱n Salmoo̱ 30:4

Jún xi xota̱ tsjiee̱ Néná, ndàjnúu̱ salmo̱ Néná, kó te̱ꞌéjnúu̱ ndokꞌóchji̱ì kjo̱a̱a̱ kjo̱a̱tsjie xi tjiín.

Xo̱jo̱n Salmoo̱ 30:5

Ngatꞌa̱ ta̱ ngotjón tsí bo̱a̱ nga tsꞌénxchán, ta̱nga ngatsjéni̱xtjin nga nda xota̱ ma. Xchaꞌára̱ nga ni̱xtji̱e̱e̱n, ta̱nga nga kamángindyiojoón jè tsjá kꞌuiéna.

Xo̱jo̱n Salmoo̱ 32:11

¡Tsja ngatamajnú jún xota̱ xi kixi̱, ti̱ꞌantsjàjnúu̱ Néná! ¡Tsjangatꞌiéjnú nga ko̱ndàjnúu̱ Néná, jún xota̱ xi kixi̱ síndo ini̱ma̱a̱!

Xo̱jo̱n Salmoo̱ 57:9

Sa̱ꞌintsjaá ngi̱jii̱n nangii̱ ji Ne, kó si̱eé salmo̱ ngi̱jii̱n na̱xi̱ńdaá.

Xo̱jo̱n Salmoo̱ 68:26

Nda ndókjo̱a̱jnú kjo̱a̱a̱ Néná ki̱a̱ ngi̱jii̱n xota̱ xi matikoó, ti̱ꞌantsjàjnúu̱ Néná jún xi xota̱ Israee̱l jún.

Xo̱jo̱n Salmoo̱ 69:35

Ngatꞌa̱ Néná boá xi kꞌo̱xiéꞌá na̱xi̱ńdá Sioo̱n, kó kuí boá xi sa̱ꞌíndaya nginí ndi̱yàtieé na̱xi̱ńdáꞌniuú nangi Jundáa̱. Kó ki̱a̱ kꞌuíndo, kó sa̱ꞌíntsi̱ꞌe̱.

Xo̱jo̱n Salmoo̱ 97:12

Jún xota̱ xi kixi̱, tsja ngatamajnú kjo̱a̱a̱ Néná, kó te̱ꞌéjnúu̱ ndokꞌóchji̱ì nga kjo̱a̱ꞌátsjienjnú jaꞌén tsjiee̱.

Xota̱ Ebreo̱ 13:15

Kuíni nga ngatsjéni̱xtjin si̱ꞌantsjàa̱ Jesukristoo̱, ngatꞌa̱ ja̱ Néná boá xi ndyi̱niꞌántsjáa̱ nga bo̱a̱ ndyi̱niꞌán, kuí nii̱ xi kjo̱a̱tjóná, ni xi ku̱i̱chji̱a̱ ndso̱ꞌbá nga ka̱tso̱yà nga Kjisoo̱ xi ndií Néná.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.