Xo̱jo̱n Salmoo̱ 143:11 - Xo̱jo̱n eén Néná

^11-12 Ji Ne, jí boá ngo Ne xi kixi̱ ji, ¡ti̱ꞌinkjie ji kondra̱na! ¡Ti̱ꞌinkjie ji xota̱ xi ndyi̱mongatji̱ngina! Jí boá ngo Ne xi tjiín kjo̱a̱tjó, kó xáa̱ boá xi tjítsꞌen an, ¡take ji ngaꞌniú xí tjiín, kó te̱ꞌéndièní nga kotíjña̱ ngase an! ¡Tasíke̱jení kjo̱a̱a̱ kjo̱a̱niꞌin xi tsꞌénfoaꞌatio an!

Xo̱jo̱n Salmoo̱ 143:11 ပူးပေါင်းရင်းမြစ်များ

Xo̱jo̱n Salmoo̱ 119:107

Ji Ne, ¡jè ta̱nisién tsie kjo̱a̱ni̱ma̱ xi je jaꞌatio an! Ngatsjéni̱xtjin nga nínga tjín kjo̱a̱bo̱ya tikòn an, ta̱nga jmíni̱xtjin chíyána kjo̱a̱bokoyáa̱. Xota̱ xi ꞌniú ndajiín chja̱ya̱ ꞌbíndona, ta̱nga ntꞌieꞌénñáa̱ kjo̱a̱botíxomàa̱. Tsjangatamaa̱ nga chjábé jí kui kjo̱a̱niꞌántsjà xi tjítsꞌenkꞌasꞌieen, kó takoyèní ée̱n. Ti̱ꞌinkjatjosén ji ni xi kiꞌmíyetjén, kó ti̱ꞌinꞌnítakínní.

Xo̱jo̱n Salmoo̱ 119:25

Ti̱ꞌinkjatjosén ji ni xi kiꞌmíyetjén, kó ti̱ꞌinꞌnítakínní, ngatꞌa̱ jè ngiti̱ jmí ngaꞌniújínna, kó xi so xi ndakjaa̱n jè tjítsꞌénkꞌiénna. Jè kixiyaa xikótsꞌèn tikòn an, kó ji kiniꞌínsénní. ¡Takoyèní tsi̱ꞌe̱ nga sa̱ꞌinkjatjosón an kjo̱a̱botíxomàa̱, kó nga ta̱ ni tsjakjiꞌi xi niꞌín tsí ji xi sa̱ꞌinkjó án!

Xo̱jo̱n Salmoo̱ 119:37

Ngata̱ boeꞌéndièjín ji nga ni xi Nénájín xi kjuíntjíngí an, ngatꞌa̱ ta̱ jí tsí xi sa̱ꞌindikoón. ¡Ti̱ꞌinkjatjosén ji ni xi kiꞌmíyetjén, kó ti̱ꞌinꞌnítakínní!

Xo̱jo̱n Salmoo̱ 119:88

¡Ti̱ꞌinꞌnítakínní, kó kuintꞌieꞌeén, ngatꞌa̱ jí boá ngo Ne xi tjiín kjo̱a̱tjó!

Xo̱jo̱n Salmoo̱ 138:7

Kjiꞌanga ngo kjo̱a̱xti tjínna, jí boá xi boeꞌé nginí ngaꞌniú. Boke ji ngaꞌniú jèe̱, kó ꞌnaxiéꞌéní ngi̱ya tsja kondra̱na.

Xo̱jo̱n Salmoo̱ 143:1

Ji Ne, ¡ndaꞌyéní nga kuichjiaá! ¡Ti̱ꞌinsénní nga ꞌniú kuichjiaá! Jí boá ngo Ne xi kixi̱: ¡ti̱ꞌinsénní!

Xo̱jo̱n Salmoo̱ 25:11

Ta̱ngatꞌanii̱ kjo̱a̱tjó xi tjiín ji Ne, ti̱ꞌinjetakínní jé ꞌniú xí katsꞌen an.

Xo̱jo̱n Salmoo̱ 25:17

Achichí nda̱ kjimaa̱ ini̱ma̱na, kó kjima ꞌniú ngase kui nii̱, ¡chje̱ꞌéxínní kuí kjo̱a̱ndasee̱n!

Xo̱jo̱n Salmoo̱ 31:1

Ji Ne, jí boá mongasee̱ tsi̱ꞌe̱ nga xchínní, nga jmíni̱xtjin niꞌínkjeꞌéní ngo kjo̱a̱soboá. ¡ꞌNa̱xiéꞌéní, ngatꞌa̱ kixi̱ jí!

Xo̱jo̱n Salmoo̱ 34:19

Achichí má kjo̱a̱ni̱ma̱ xi foaꞌajin xota̱ xi kixi̱i̱, ta̱nga Néná boá xi sa̱ꞌíndé kjo̱a̱a̱ ngayeje kui nii̱.

Xo̱jo̱n Salmoo̱ 71:2

Ta̱ngatꞌanii̱ kjo̱a̱kixìi̱ nga ti̱ꞌindéní, kó te̱ꞌéndièní nga kjo̱tjongina yojona. ¡Tasínijìnní, kó ꞌna̱xiéꞌéní!

Xo̱jo̱n Salmoo̱ 85:6

A jè ngiti̱ ko̱e̱ꞌéndièjín ji nga ku̱i̱ndyion ngasejne̱, tsi̱ꞌe̱ nga ji̱n xi xota̱ na̱xi̱ńdá tse̱ tsja ka̱majne̱ kjo̱a̱a̱ ji.