Xo̱jo̱n Salmoo̱ 143:10 - Xo̱jo̱n eén Néná

¹⁰ Jí boá xi Néna ji. ¡Takéní mí ni xi mejeén nga sa̱ꞌin an! ¡Te̱ꞌéndièní nga A̱siénni̱xtjin ndàa̱ ko̱síko̱jona tsi̱ꞌe̱ nga nda sa̱ꞌin an!

Xo̱jo̱n Salmoo̱ 143:10 ပူးပေါင်းရင်းမြစ်များ

Xo̱jo̱n Salmoo̱ 118:28

Jí boá xi Néna, kuíni nga tsjaa ndokꞌóchjì, kó tsꞌéntsjaà kjo̱a̱a̱ kjo̱a̱je xi tjiín.

Xo̱jo̱n Salmoo̱ 119:12

¡Ngatamachikonñé ji Ne! ¡Takoyèní tsi̱ꞌe̱ nga sa̱ꞌinkjatjosón an ni xi tsó kjo̱a̱botíxomàa̱!

Xo̱jo̱n Salmoo̱ 139:24

Tꞌíyéní tsi tsjajín maá ni xi tjítsꞌen an, kó takoyèní kótsꞌèn mejeén nga kotíjña̱ an.

Xo̱jo̱n Salmoo̱ 140:6

Ta̱nga be án nga jí boá xi Ne ngototona, ¡ngo kjo̱a̱nda míꞌaá, ndaꞌyéchiíní nga ꞌniú kuichjiaá!

Xo̱jo̱n Salmoo̱ 22:1

Ji Ne tsa̱ꞌa̱n, ji Ne tsa̱ꞌa̱n, míkjo̱a̱a̱ nga ikꞌíjñímasinní. ¡Míkjo̱a̱a̱ nga kjin tindyinní, kó ndibéjín ji tsi̱ꞌe̱ nga ko̱ꞌna̱xiéꞌéní, ko̱jo nga ndaꞌyéjín ji nga tsꞌénchji̱a̱a̱, nga ni̱ma̱ tꞌíxiaán!

Xo̱jo̱n Salmoo̱ 23:3

Kuí boá xi tsꞌéndàyà nginí ini̱ma̱na, kó ki̱a̱ fíjo̱na ndi̱yà xí kixi̱, tsi̱ꞌe̱ nga bokó kjo̱a̱tjó xi tjiín.

Xo̱jo̱n Salmoo̱ 25:12

ꞌYání bo̱a̱ kui xota̱ xi bendikón Néná. Kuí boá xi ko̱ko̱ó ndi̱yà xí kjo̱a̱ꞌájin.

Xo̱jo̱n Salmoo̱ 27:11

Ji Ne, takoyèní ndi̱yàa̱, kó ngo ndi̱yà xí kixi̱ tꞌenje̱ní, ta̱ngatꞌanii̱ kui kondra̱ xi ndyi̱kondaꞌmana.

Xo̱jo̱n Salmoo̱ 31:14

¡Ta̱nga jí Ne, jí boá xi kjimaꞌniátakoón! Jè bi̱ kixian an: Jí boá xi Néna ji.

Xo̱jo̱n Salmoo̱ 63:1

Ji Ne, jí boá xi Néna ma ji. Achichí nda̱ kjimana nga kongasee ji, kjiꞌmeyà má an kjo̱a̱a̱ ji, kó ini̱ma̱na mejeén sku̱i̱e̱e̱, bo̱a̱ má mána xikoó ngo xi mongase ndáfoa ki̱a̱ nangi xi sibé ko̱jo xi kixií, kó sakójiín.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Juaa̱ 14:26

Ta̱nga kuí A̱si̱énni̱xtjii̱n Néná xi sa̱ꞌíndajonjnú, xi ngajona nga sa̱ngíyá Na̱ꞌmina, kuí xí ko̱kóyájnú ngayeje kui nii̱, kó sa̱ꞌínkjaꞌátsjienjnú ngayeje ni xi je kixiyajnúꞌun.

Xota̱ Roma̱ 15:13

Kó Néná xí kjimaꞌniátakón, ngatsjájnú kjo̱a̱tsja, ko̱jo kjo̱a̱xió jún xi sꞌijinjnú, tsi̱ꞌe̱ nga ngaꞌniuú A̱si̱énni̱xtjii̱n Néná tsie kjo̱a̱chiyá tsja̱ajnú.

Xota̱ Roma̱ 15:30

Ta̱nga ꞌniú míꞌájnúꞌun já ntsꞌie, nga ta̱ngatꞌanii̱ Ndi̱a̱ná Jesukristoo̱, ko̱jo kjo̱a̱tjoó A̱si̱énni̱xtjii̱n Néná, tsꞌénmíꞌájnúꞌun nga si̱ꞌanngo yojoná xikótsꞌèn tsꞌénkjántjé an eén Néná, kó ndókjo̱a̱tjéjnúꞌun nga,

Xota̱ Roma̱ 5:5

Kó kjo̱a̱chiyaá tsja̱ajínná kjo̱a̱soboá, ngatꞌa̱ kjo̱a̱tjoó Néná íjñá ngi̱jii̱n ini̱ma̱ná ta̱ngatꞌanii̱ kui A̱si̱énni̱xtjii̱n xi katsjáná ñá.

Xota̱ Roma̱ 8:2

Ngatꞌa̱ ngije kiniꞌángojo̱ yojoná Kristo̱ Kjisoo̱, A̱si̱énni̱xtjii̱n Néná xi tsjáná kjo̱a̱mindyioo̱n, katsjáná ngo kjo̱a̱kiti xi sa̱ꞌíndéná kjo̱a̱a̱ kjo̱a̱kitii̱ jeé ko̱jo kjo̱a̱bo̱yaa̱.

Xota̱ Roma̱ 8:26

Ti̱ bo̱a̱ ti̱ tsꞌén A̱si̱énni̱xtjii̱n bosikójoná ngatꞌa̱ inda tindyión. Xikoó nga yà jàn mí ni xi kꞌuín nga ko̱ndókjoáa̱ Néná, kó ti̱kuíní A̱si̱énni̱xtjii̱n xi chji̱a̱tjená. A̱si̱énni̱xtjii̱n foeꞌetsiéꞌoón nga chji̱a̱a̱ Néná, kó májín ndaꞌyaá nga én kuí nii̱.

Xota̱ Éfeso̱ 4:30

Ngata̱ niꞌándasénjínjnúu̱ A̱si̱énni̱xtjii̱n Néná, kui xi katseꞌéjnú tsi̱ꞌe̱ nga xcha̱ nga kjo̱tjoꞌajnú ni̱xtjin nga ku̱i̱ndyiondéjnúu̱ jeé ngatsjéni̱xtjin.

Xota̱ Éfeso̱ 5:9

Ti̱ꞌánjnú ni xi ndaa̱, ko̱jo ni xi kixi̱, ko̱jo ni xi ja̱koxi̱i̱, ngatꞌa̱ kuí nii̱ xi bokó nga nínga tsijee̱n ndokjo̱a̱ ñá.

2 Timoo̱ 1:7

Ngatꞌa̱ Néná jmí tsi ngo a̱siénni̱xtjin xi tsiendikón xi katsjáná, a̱siénni̱xtjin xi tjiín ngaꞌniú boá, xi tjiín kjo̱a̱tjó, ko̱jo xi tsi̱ꞌe̱ nga ka̱máná nga nda kongínjo̱ yojoná.

Xota̱ Ebreo̱ 13:21

míꞌáa̱ kui Néná xi tsjáná kjo̱a̱xioó nga kui xi sa̱ꞌín nga xota̱ xi nda ka̱majnú, ko̱jo nga si̱ꞌánjnú ni xi mejeén kui nga ka̱ma, kó nga ngatꞌaa̱ Jesukristoo̱ nga ko̱síko̱jójnú nga ni xi tsja maa̱ ngindyi̱ko̱n kui xi si̱ꞌánjnú. ¡Ngatꞌieé kjo̱a̱je Jesukristoo̱ ngatsjéni̱xtjin! Bo̱a̱ kjiꞌi.

1 Xo̱jo̱o̱n Juaa̱ 2:27

Ta̱nga kui A̱si̱énni̱xtjii̱n Néná xi katsjájnú Jesukristoo̱ jè tikónjinjnú, kó nde chjiénjín nga tjín xí ko̱kóyájnú, ngatꞌa̱ kui A̱si̱énni̱xtjii̱n, kuí boá xi bokoyá kjo̱a̱a̱ ngayeje nii̱, kó ja̱koxi̱ boá ni xi bokoyá, jmí tsi kjo̱a̱ndiso. Xikó tsꞌén je akóyájnú kui A̱si̱énni̱xtjii̱n Néná, bo̱a̱ tsꞌén tindyionjinjnúu̱ Jesukristoo̱ ngatsjéni̱xtjin.