Xo̱jo̱n Salmoo̱ 141:4 - Xo̱jo̱n eén Néná

⁴ ¡Ngata̱ boeꞌéndièjín ji nga ni xi ndajín sa̱ꞌinkjó án, ko̱jo tsi ni xi ndajín sa̱ꞌin an! ¡Ngata̱ boeꞌéndièjín ji nga ki̱a̱ nijan kotíjña̱jìi̱n sꞌué xí ndyi̱tsꞌèn xota̱ xi ꞌniú ndajiín!

Xo̱jo̱n Salmoo̱ 141:4 ပူးပေါင်းရင်းမြစ်များ

Jenesii̱s 27:14

Kósꞌe̱ Jakoo̱b kijíkjaꞌá kui cho̱ xi kiꞌmií, sꞌe̱ kijíjoo̱ na̱aa̱n, kó kui xota̱chjo̱on katsꞌéndaa̱ ngo ti̱bo̱a̱ ni xi nda chinie xikó má tsꞌén tsjaa̱ kjinie Isaa̱.

Xo̱jo̱n Salmoo̱ 119:36

Ti̱ꞌin ji nga ta̱ ée̱n tsí xi sa̱ꞌinkjó án, kó jmí tsi to̱n xi niꞌán xi ndajín sakóná.

Xo̱jo̱n Salmoo̱ 28:3

Ngata̱ ki̱a̱jín nijan chjaféní ngi̱jii̱n xota̱ xi ꞌniú ndajiín, kui xi ni xi ꞌniú ndajín ndyi̱tsꞌe̱én, ngatꞌa̱ kui xotaa̱, kjo̱a̱a̱ kjo̱a̱xioó ndyi̱chji̱a̱jo xota̱ xi xkjín, ta̱nga ngi̱jin ini̱ma̱a̱ je tikoón ni xi ndajiín.

Xki̱ 25:2

Kui ínchjiín katsóyaà kui xotaa̱ tsi̱ꞌe̱ nga ko̱e̱je̱ sꞌué xí tsꞌén. Kó ki̱a̱ nijan iskjinie nichinie, kó nijan katsꞌéndikón ne xi tjiín xota̱ tji̱e̱e̱ Moaa̱b.

Matioo̱ 6:13

Kó ngata̱ boeꞌéndièjín ji nga chjátꞌayákónjne̱, xín ti̱ꞌinkjeꞌejne̱ ni xi ndajín, ngatꞌa̱ jí tse̱ ngi̱ndie nínga botíxomaa̱, ko̱jo ngaꞌniuú, ko̱jo kjo̱a̱jee̱, ngatsjéni̱xtjin. Bo̱a̱ kjiꞌi.

1 Xota̱ Korinto̱ 10:31

Kó kuíni, tsi xi̱ni̱e̱jnú, ko̱jo tsi sꞌi̱o̱jnú, ko̱jo tsi kje̱ꞌe ni si̱ꞌánjnú, ngayeje ni xi si̱ꞌánjnú nga ta̱kó kjo̱a̱jee̱ Néná.

1 Xota̱ Korinto̱ 15:33

Ngata̱ boeꞌéndièjínjnú nga tjín xí kꞌo̱ṉcha̱jojnú, xikó tsó kui eén “xota̱ xi ꞌbítso̱majo̱ xota̱ xi ndajín, ti̱ ndajín má ndatsi kui nga”

2 Xota̱ Korinto̱ 6:17

Kó kuíni nga bi̱ katsó ngase Néná: Tji̱taxínjinjnú ngamasiee̱n kui xotaa̱, kó tji̱taxínboaꞌájnú, tsó Ndi̱a̱ná. Ngata̱chiíjín niꞌánjo̱jnú ni xi ndándí ngindyikón an. Kó án skjíbéjnúꞌun.

Ndeuteronomio̱ 2:30

»Ta̱nga nda̱ re Sijoo̱n katsjandièjínná nga ki̱a̱ ku̱i̱tjá, ngatꞌa̱ Néná boá xi katsꞌén, nga jmí katsó. Kósꞌe̱ Néná bo̱a̱ katsóna nga kjiꞌá boá nga ñá boá xi ko̱ti̱xomáa̱ Sijoo̱n, kó nga ti̱ kjiꞌa ka̱ma ku̱i̱tjásꞌi̱e̱n nangii̱ ko̱jo nga si̱ꞌáa̱n nga ku̱i̱xkánjo̱. »Nda̱ re Sijoo̱n jatjojo̱ jájuún tsi̱ꞌe̱ nga nangi Jaa̱ skjánjo̱ná, ta̱nga Néná boá xi katsꞌén nga ñá kiniꞌán. Kó kiniꞌáa̱n ngayeje na̱xi̱ńdáꞌniuú, kó kiniꞌánkjatsón ngayejee̱, kiniꞌánkjié ngayeje xotaa̱, ta̱kuítsí cho̱ tji̱e̱é ko̱jo ni chjí xí kisꞌiee̱ xi kachjábé. Nde ngojín kui na̱xi̱ńdáꞌniuú xi kichikjoaá nga ikixkánjo̱, ngayejee̱ nga kiniꞌánkjié, kuí má tjón na̱xi̱ńdáꞌniú Aroee̱r, kui xi tikón nga jó ngoboaá ndejèꞌ Arnoo̱n, kósꞌe̱ na̱xi̱ńdáꞌniú Ngalaa̱nd jetꞌani. Ngaskande kui ni̱xtjii̱n to̱kó ñá boá xi botíxomá ki̱a̱a̱.

Ndeuteronomio̱ 29:4

Ngaskande ngotꞌe̱ katsjandièjín Néná nga ka̱makjínjnú míkjo̱a̱a̱ nga ngayeje kui nii̱ katsꞌén.

Xo̱jo̱o̱n Sandiyaá 1:13

Kjiꞌanga tjín xí chjátꞌayákón nga ni xi ndajín sa̱ꞌín, ngata̱ tsꞌénkjójín nga Néná boá xi tsꞌénkjitꞌayàkón. Ngatꞌa̱ Néná jmíjín xi kjitꞌayákón, tsi̱ꞌe̱ nga ni xi ndajín sa̱ꞌín, ti̱nde jmíjín xi ka̱maa̱ skjítꞌayákón Néná, tsi̱ꞌe̱ nga ni xi ndajín sa̱ꞌín kuí.

Ni xi akakoo̱ 18:4

Kó tsintꞌie an ingo nda̱ ki̱a̱ ndiꞌakꞌajmii̱ xi bi̱ katsó: –Tja̱tjójnú kui na̱xi̱ńdaá, jún xi xota̱ na̱xi̱ńdána jún, tsi̱ꞌe̱ nga ko̱jo júnjín nijan si̱ꞌanjéjo̱jnú, ti̱nde ko̱jo júnjín sa̱kójnú kjo̱a̱ni̱ma̱ xi kjo̱a̱ꞌajin,