Xo̱jo̱n Salmoo̱ 140:12 - Xo̱jo̱n eén Néná

¹² Ji Ne, ngo ni xi ta̱nisién ja̱koxi̱ mana: ¡nga jí boá xi ꞌnaxiéꞌé ji, ko̱jo xi kixi̱ niꞌínsée̱n xota̱ xi ni̱ma̱, ko̱jo xi ndasen síndo!

Xo̱jo̱n Salmoo̱ 140:12 ပူးပေါင်းရင်းမြစ်များ

Xo̱jo̱n Salmoo̱ 102:17

Sa̱ꞌínsénríi̱ nga ꞌniú ku̱i̱chji̱a̱a̱ xota̱ xi ni̱ma̱ síndoo̱, kó sa̱ꞌínchꞌójín kjiꞌanga ndyi̱chji̱a̱a̱.

Xo̱jo̱n Salmoo̱ 12:3

¡Néná ngatsꞌenkjié kui ndso̱ꞌba xi chji̱a̱ én ixii̱, ko̱jo kui najen xi chji̱a̱ én nkꞌakoo̱n!

Xo̱jo̱n Salmoo̱ 12:4

Kui xota̱ xi bi̱ tsoó: «Ko̱e̱ꞌéngaꞌniúu̱ najén, kó nga tjínná ndso̱ꞌbá. ¡ꞌYá xí ka̱maa̱ ko̱tíxománá!»

Xo̱jo̱n Salmoo̱ 22:24

Ngatꞌa̱ jmí tsi katsꞌénchꞌó xota̱ xi jaꞌatio kjo̱a̱ndasee̱n, ti̱nde jmí tsi kisꞌijñaꞌmaa̱, ta̱sá katsꞌénseén kjiꞌanga ni̱ma̱ katsó nga tsíchji̱a̱a̱.

Xo̱jo̱n Salmoo̱ 35:10

Ngayeje ńdana, bi̱ ka̱tso̱: «¡Ji Ne, jmíjín ingo Ne xi xikoó jí! Ji xi ꞌnaxiéꞌé ji xota̱ xi indaa̱, kjo̱a̱a̱ xota̱ xi ꞌniú ngasee̱, ko̱jo ꞌnaxiéꞌé ji xota̱ ni̱ma̱a̱ ko̱jo xi jmí nijiín, kjo̱a̱a̱ xota̱ xi foaꞌáxiín ni xi tjiín».

Xo̱jo̱n Salmoo̱ 72:4

Kó ree̱ ngatjíjindajo̱ xota̱ xi kjo̱a̱ni̱ma̱ tjíniꞌánkjaꞌaa̱, ¡kó ngatꞌaxiéꞌá ndií xota̱ ni̱ma̱a̱! ¡Kó ngatsꞌénjeé xota̱ xi ndajín ndyi̱tsꞌènjoo̱!

Xo̱jo̱n Salmoo̱ 9:4

Ngatꞌa̱ jí boá xi titsitsijìi̱n kjo̱a̱ xi tsa̱ꞌa̱n, kó tiboeꞌéní kjo̱a̱nda xi tjínna. Ne xi kixi̱ boá ji, kó jè tibotíxome ji nga tindyinsén ji yáxíríe̱ ndikóo̱n.

Énkjínkón 22:22

Ngata̱ niꞌínchejéjíi̱n xota̱ ni̱ma̱a̱, kjo̱a̱a̱ nga xota̱ ni̱ma̱, ti̱nde ngata̱ ndakinníjín ji ngase jé xota̱ xi ndasen síndoo̱ ki̱a̱ ngindyi̱ko̱n xota̱ xi tsꞌénjeé,

Matioo̱ 11:5

tꞌíni̱jmìjnúu̱ nga xota̱ xi ti̱ka̱a̱ je kamátsijee̱n, xi ni̱ma̱ see̱ je ma fí, xi tjiín chiꞌin xi tsꞌénkjátsón tji̱xin yojoná je kamándaya, xi xtiyaa̱ je tsintꞌié, xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.