Xo̱jo̱n Salmoo̱ 140:10 - Xo̱jo̱n eén Néná

¹⁰ ¡Ngatixónieé xꞌué xí tjítíngá! ¡Ngatixóyà ti̱xa̱ ndáńchꞌi̱ xi na̱nga̱, kó nga nginijánjín fotjoni kui ngi̱ndiee̱!

Xo̱jo̱n Salmoo̱ 140:10 ပူးပေါင်းရင်းမြစ်များ

Jenesii̱s 19:24

Kósꞌe̱ kjiꞌá boá nga Néná katsꞌénkixó ndiꞌí ko̱jo ndso̱ko̱a̱n asufre̱ ki̱a̱ nga̱soón na̱xi̱ńdáꞌniú Sondoma̱ ko̱jo Ngomorra̱.

Xo̱jo̱n Salmoo̱ 11:6

Kuí boá xi sa̱ꞌínkixó ndiꞌí ngi̱jii̱n kui xotaa̱, ko̱jo ndiꞌí, ko̱jo ndso̱ko̱a̱n asufre̱, ko̱jo tjo̱ xi tsꞌénchjánná sa̱ngíyaá. Kuí boá ni xi tsoboaá kui xotaa̱.

Xo̱jo̱n Salmoo̱ 120:4

¡Yá yojó xi tjítokó ndiꞌí ko̱si̱e̱njnú, xikoó xi bosién já xí kjaán!

Xo̱jo̱n Salmoo̱ 21:9

Ngo orjno̱ xi tjítíngá má si̱ꞌin ji, kjiꞌanga kjo̱chó ni̱xtjin nga si̱ꞌinxchín jí. Néná sa̱ꞌínkjié kjiꞌanga sa̱ꞌínxchán, kó ndiꞌí ku̱i̱ꞌítíni.

Xo̱jo̱n Salmoo̱ 55:23

Ji Ne, jí boá xi si̱ꞌinkjatjajin ji kui xotaa̱ ki̱a̱ ti̱xa̱ nínga xcha̱ja ngatsjéni̱xtjii̱n. Xota̱ xi ꞌniú ndajiín ko̱jo xi ꞌboṉcha̱a̱, nde masiee̱n kjo̱chójín ni̱xtjii̱n nga kꞌuíndo, ¡ta̱nga an ki, ngatsjéni̱xtjin nga ji ꞌniákoo̱n!

Xo̱jo̱n Salmoo̱ 64:9

Kó ngayeje xota̱ nga̱sondiee̱ stsa̱kjonní, kósꞌe̱ kjiꞌá boá nga ku̱i̱chji̱a̱ kjo̱a̱a̱ ni xi je katsꞌén Néná, kó ka̱makjiín kui nii̱.

Xo̱jo̱n Salmoo̱ 7:17

Ta̱nga an ki, sa̱ꞌintsjáa̱ Néná, ta̱ngatꞌanii̱ kjo̱a̱kixi̱i̱. ¡Kó sièe̱ só jaꞌeén kui Néná xí tikón ndiꞌakꞌajmii̱!

Énkjínkón 28:10

Xota̱ xi ndi̱yà xi ndajín fíjo̱ xota̱ xi kixi̱i̱, ti̱kuíní xi kꞌo̱kayà chja̱ya̱ xi ꞌbíjñá. Ta̱nga xota̱ xi kixi̱i̱ kuí boá xi sa̱ko̱ó ni xi ndaa̱.

Énkjínkón 28:17

Xota̱ xi katsꞌenkꞌién ngo ini̱ma̱, kjótsoꞌbá chinga ngaskande nga ko̱yà, ¡ngata̱ jmíjín xi bosikójo!

Matioo̱ 13:42

kó ngo ngi̱ya orjno̱ xi tjítí ko̱na̱ngísꞌién, kó ki̱a̱ boá nínga skja̱ndá ko̱jo nínga skji̱ni̱e̱ya ṉꞌni̱u̱ kui xotaa̱.

Matioo̱ 13:50

sꞌe̱ ngo orjno̱ xi tjiín ndiꞌí ku̱i̱ndyia xota̱ xi ndajiín, kó ki̱a̱ boá nínga skja̱ndá, ko̱jo nínga skji̱ni̱e̱ya ṉꞌni̱u̱ kui xotaa̱.

Ni xi akakoo̱ 20:15

Kó kui xota̱ xi kjitꞌajín jaꞌeén ki̱a̱ xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ti̱ ki̱a̱ ikichijmijin ndáchíkón ndiꞌí xí ta̱nisién ꞌniú jee̱.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.