Xo̱jo̱n Salmoo̱ 14:1 - Xo̱jo̱n eén Néná

¹ Xota̱ xi kitikjo̱a̱a̱ bi̱ tsó nga chji̱a̱jo ini̱ma̱a̱: «Jmí Nénájín». Kui xotaa̱ jè jatson, kó ngayeje ni xi tsꞌén, ni xi chꞌo boá, ¡nde ngojín xota̱ xi ni xi ndaa̱ tsꞌén!

Xo̱jo̱n Salmoo̱ 14:1 ပူးပေါင်းရင်းမြစ်များ

Jenesii̱s 6:5

Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Joo̱b 15:16

Akja̱ꞌmíra̱ xota̱ nga̱sondiee̱ ka̱maꞌniátakón, nga be nga ndajín ko̱jo nga chꞌo, nga xikoó tsi xíndaá nga ni xi ndajín mejeén sa̱ꞌín.

Joo̱b 22:13

Kó jí bi̱ se ji nga Néná bejín ni xi niꞌín ji, ko̱jo nga ṉdi̱ jñoó tsjandièjiín nga be tsi nda ko̱jo tsi ndajín tsꞌén xotaa̱.

Xo̱jo̱n Salmoo̱ 10:4

Xota̱ xi ndajiín kjin má mején kje̱n nga nkꞌakon maá yojoo̱, mongasejín Néná, ti̱nde chiíjín tsꞌénkjó kuí.

Xo̱jo̱n Salmoo̱ 107:17

Xota̱ xi xcháná achichí kitikjo̱a̱ kamá, kó xikó tsꞌén xota̱ xi chi̱ni, bo̱a̱ katsꞌén, achichí kjo̱a̱ni̱ma̱ jaꞌa ta̱ngatꞌanii̱ ni xi ndajín xi katsꞌén.

Xo̱jo̱n Salmoo̱ 53:1

Xota̱ xi kitikjo̱a̱a̱ bi̱ tsó ngi̱jin ini̱ma̱a̱: «Jmíjín Néná». Xota̱ xi je jatson boá, kó ni xi ndajín boá xi tsꞌén, ¡nde ngojín xi ni xi nda tsꞌén!

Xo̱jo̱n Salmoo̱ 73:3

ngatꞌa̱ kamáꞌonkon an kjo̱a̱a̱ xota̱ xi nkꞌa ꞌboxié yojoo̱, kjiꞌanga kamábe an nga tjitjóninkꞌaa̱ yojoo̱ xota̱ xi ꞌniú ndajiín.

Xo̱jo̱n Salmoo̱ 92:6

nga ngaskande xota̱ xi chi̱nii̱ bejín, ti̱nde xota̱ xi kitikjo̱a̱a̱ makjínjiín kui nii̱.

Énkjínkón 1:22

«Jún ndí jákjíndí xi kji̱e̱ jmí ni yàjínjnú kjo̱a̱a̱ kjo̱a̱mindyioo̱n, ko̱jo xi mojnóchàjnú, ngaskande kjiꞌání nga to̱kó si̱ꞌantjójnú ni xi jmí ni chjíjiín. Ngaskande kjiꞌání nga to̱kó ko̱jno̱chajnú, ngaskande kjiꞌání nga to̱kó si̱ꞌanchꞌójnú kjo̱a̱kjíntakoón.

Énkjínkón 1:7

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Ngatꞌa̱ xota̱ xi kitikjo̱a̱a̱, mejénjiín nga si̱ꞌanchji̱ni̱e̱, ti̱nde mejénjiín nga xota̱ xi kjínkón ka̱ma.

Énkjínkón 13:19

¡Achichí tsjá máná kjiꞌanga fotjosón ni xi mejénná nga ka̱ma! ¡Ta̱nga xota̱ xi kitikjo̱a̱a̱, achichí chꞌo maá nga kjo̱ta̱xíntꞌaa̱ ni xi ndajiín!

Énkjínkón 27:22

Xota̱ xi kitikjo̱a̱a̱, ndatsi ki̱a̱ nijan kꞌuínieé nínga ꞌbínieé to ndso̱ko̱a̱n ṉño̱o̱, jmíni̱xtjin ku̱i̱ꞌíjñámasien kjo̱a̱kitikjo̱a̱a̱.

Eklesiastee̱ 7:20

Ta̱nga nga ja̱koxi̱, jmíjín kui nga̱sondiee̱ ngo xota̱ xi kixi̱, xi sa̱ꞌín ni xi ndaa̱, ko̱jo xi jmíni̱xtjin sa̱ꞌínjé.

Matioo̱ 12:34

¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa.

Matioo̱ 15:19

Ngatꞌa̱ ngi̱jin ini̱ma̱a̱ xotaa̱ ndibánií nga ni xi chꞌokjiꞌi tsꞌénkjó, xikoó xota̱ xi ndyi̱tsꞌèntꞌaa̱ kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènchéjé, ko̱jo xota̱ xi ndyi̱ꞌboṉcha̱, ko̱jo xota̱ xi chꞌo a.

Rkaa̱ 12:20

Ta̱nga Néná, bi̱ katsoó: “Nda̱ chi̱ni, a yejín nga kui ni̱xtji̱e̱e̱n ko̱yè jí, kó ni xi je kachjeꞌétjé ji, ꞌyá xí tsi̱ꞌe̱ ka̱ma.”

Xota̱ Éfeso̱ 2:12

Kui ni̱xtjin jàn kjin kixindyionnijnúu̱ Kristoo̱, kó xín kixindyionnijnúu̱ xota̱ Israee̱l, kó nde tsa̱júnjín kamá ni xi índajo̱ Néná xi katsóyàtjón nga tsja̱á xota̱ xi tsi̱ꞌe̱, kisꞌiejínjnú kjo̱a̱chiyá, ko̱jo kisꞌiejínjnú Néná kꞌi̱e̱ kui nga̱sondiee̱.

Titoo̱ 1:16

Be xò Néná ti̱xꞌi̱a̱n ndyi̱tsó, ta̱nga ni xi ndyi̱tsꞌèn, bokó nga jmí tsi sꞌijin ja̱koxi̱i̱ Néná. Kuí boá kui xotaa̱ xi ndajín, ko̱jo xi ntꞌiéꞌénjín, kó nde chiíjín maá tsꞌén ni xi nda.

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.