Xo̱jo̱n Salmoo̱ 133:3 - Xo̱jo̱n eén Néná

³ Achichí tsjákjiꞌi kui nii̱, xikó maá stsé xí bixó xtji̱e̱e̱n ta̱ꞌin, xi boaꞌa na̱xi̱ Ermoo̱n, kui xi fochó ngaskande Jerusalee̱n, xtji̱e̱e̱n na̱ngi. Ngatꞌa̱ ki̱a̱ boá nínga Néná tsangiya kjo̱a̱niꞌánchikonñé, ko̱jo kjo̱a̱mindyion ngatsjéni̱xtjin.

Xo̱jo̱n Salmoo̱ 133:3 ပူးပေါင်းရင်းမြစ်များ

Xo̱jo̱n Salmoo̱ 16:11

Jí boá xi ko̱kéní ndi̱ya̱à kjo̱a̱mindyioo̱n. ¡Kjiꞌanga an tindyinjinní achichí tsjá ꞌbéna! ¡Kjiꞌanga ki̱a̱ tikóntꞌáa̱ nga kixi̱i̱, ngatsjéni̱xtjin nga tjínna kjo̱a̱tsja!

Xo̱jo̱n Salmoo̱ 21:4

Ji tsíꞌaá nga kꞌuijñá nga̱sondie, kó jo̱ꞌo kasée̱, sꞌe̱ achichí kjín nó katseꞌée̱ nga kisꞌijña, ngatsjéni̱xtjin ko̱jo ta̱kjiꞌání.

Xo̱jo̱n Salmoo̱ 21:5

Achichí kjo̱a̱je tjiín kjo̱a̱ꞌnaxiéꞌáa̱, Jí boá xi katseꞌée̱ kjo̱a̱yandikón ko̱jo kjo̱a̱je.

Xo̱jo̱n Salmoo̱ 42:8

Nga ni̱xtjii̱n Néná tsangiya kjo̱a̱ni̱ma̱takoón, kó nga jñoó kuintꞌièe̱ soó. Bi̱ tsꞌén chjiáa̱ Néná xí tsi̱ꞌe̱ kjo̱a̱mindyionna:

Énkjínkón 19:12

Kjiꞌanga tsꞌénxchán nda̱ ree̱, xikó maá nga kjandayà ngo xandi̱je̱, kó kjo̱a̱ndaa̱, xikónií xoño xi bixó ngi̱jin kꞌijñaá.

Lebitiko̱ 25:21

Ja̱ bi̱ sa̱ꞌin an, nó xí ma juu̱n, tsie sa̱ꞌinchikonñéjnúꞌun, nga ngaskande ka̱ma xi̱ni̱e̱jnú ngi ján nó ngase kui ni xi chja̱ꞌátikójnú.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

Juaa̱ 5:29

kó xota̱ xi ni nda katsꞌén, kjo̱a̱ꞌáꞌyaá tsi̱ꞌe̱ nga kꞌuíndo nginí, ta̱nga xi ndajín katsꞌén, ti̱ kjo̱a̱ꞌáꞌyaá nga, ta̱nga tsi̱ꞌe̱ nga ka̱majérií.

Juaa̱ 6:68

Sꞌe̱ Ximo̱ Peé, bi̱ katsó: –Ndi̱a̱, ꞌyá xí kongínchonjne̱. Xi jí boá xi tjiín eén kjo̱a̱mindyion ngatsjéni̱xtjii̱n.

Xota̱ Roma̱ 5:21

Ngatꞌa̱ xikótsꞌèn ta̱ngatꞌanii̱ jeé nga atíxoma kjo̱a̱bo̱yaa̱ kó katsꞌénkꞌién xotaa̱, ti̱ bo̱a̱ ti̱ tsꞌén ngatatixómá kjo̱a̱ndaa̱ Néná, tsi̱ꞌe̱ nga kixi̱ ka̱ma xotaa̱ ngi̱yaa̱ kjo̱a̱mindyion ngatsjéni̱xtjii̱n ngatꞌaa̱ Ndi̱a̱ná Jesukristoo̱.

Xota̱ Roma̱ 6:23

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

Ndeuteronomio̱ 4:48

Kui tꞌanangii̱ ki̱a̱ ítsꞌi̱yanii̱ na̱xi̱ Sirioo̱n, kui xi ti̱ na̱xi̱ Ermoo̱n kiꞌmií nga. Ki̱a̱ fíjayani kui nangii̱ xtji̱e̱e̱n na̱ngii̱ ngaskande Aroee̱r, tiñaa̱ ndejèꞌ Arnoo̱n, sꞌe̱ ki̱a̱ kijíjaya ngase ngaskande na̱xi̱ Pisgaa̱. Jaꞌa xtji̱e̱e̱n Ndáchíkón Kꞌieèn, sꞌe̱ kijí ngase xtji̱e̱e̱n ngayeje nangi Arabaa̱. Ki̱a̱ boá ki̱a̱ xtji̱e̱e̱n ndejèꞌ Jorndaa̱n, nínga Moisee̱ katsꞌénkꞌasꞌiee̱n xota̱ Israee̱l kjo̱a̱botíxomaa̱ Néná.

1 Xo̱jo̱o̱n Juaa̱ 2:25

Kjo̱a̱mindyion ngatsjéni̱xtjii̱n boá xi katsóyàtjónná Jesukristoo̱ nga tsja̱aná.

1 Xo̱jo̱o̱n Juaa̱ 5:11

Néná katsjáná kjo̱a̱mindyion ngatsjéni̱xtjii̱n, kó ngatꞌaa̱ ndií kuí nga sa̱kóná kuí kjo̱a̱mindyioo̱n. Kuí bí ni xi katsó Néná nga tsíchji̱a̱.

Ni xi akakoo̱ 1:18

ko̱jo án boá xi tikòn an, kꞌien án ngasꞌe̱, ta̱nga ngotꞌe̱, tikòn án ngatsjéni̱xtjin, kó án boá xi tikónna yibii̱ nínga botíxomaa̱ kjo̱a̱bo̱yaa̱.