Xo̱jo̱n Salmoo̱ 132:9 - Xo̱jo̱n eén Néná

⁹ Já chináꞌmìi̱ ko̱a̱ja̱ ńjño xi bokó kjo̱a̱kixi̱i̱, kó xota̱ na̱xi̱ńdáa̱ tsjangatamaa̱ nga si̱eé.

Xo̱jo̱n Salmoo̱ 132:9 ပူးပေါင်းရင်းမြစ်များ

Joo̱b 29:14

Ngatsjéni̱xtjin nga kixi̱tsꞌèn katsꞌensée̱n xota̱ xi ngasee̱, nga bo̱a̱ katsꞌen an, xikónií tsi kui nii̱ xi ńjño xi tsajá an kamá.

Xo̱jo̱n Salmoo̱ 104:1

¡Si̱ꞌantsjàa̱ Néná ngayeje ini̱ma̱ná! Ji Ne, jí boá ngo Ne xi achichí kjo̱a̱je tjiín, kó tjikítsie maá kjo̱a̱tsjakjiꞌi ko̱jo kjo̱a̱yandikón, kó ngo ndiꞌí tsꞌentsíjen nínga tindyinjin ji. Ikꞌíjñí ji nkꞌajmii̱ xikó tsꞌén jme ngo ńjño kortina̱, kó nga̱soón ndáfoa xi tikón nkꞌajmii̱ ki̱a̱ ikꞌíjñí ji ngi̱ndie nínga mindyin. Ṉdi̱i̱ kuí boá xi xikoó karroo̱ kjo̱a̱xcháa̱n, ¡kó xikoó tsi ki̱a̱ ꞌmisén ji nga̱a̱ tjo̱o̱!

Xo̱jo̱n Salmoo̱ 132:16

Ńjño xi chajá nga ma sꞌué sa̱ꞌínkajá an já chináꞌmii̱, kó achichí tsjá ka̱maa̱ xota̱ na̱xi̱ńdaá nga si̱é.

Xo̱jo̱n Salmoo̱ 149:5

Tsja ngatamaa̱ xota̱ xi tsjiee̱ kjo̱a̱a̱ kjo̱a̱jee̱ Néná, kó tsja ngatamaa̱ nga si̱é ndeskande nga̱són ṉchan nínga kjiyojo.

Xo̱jo̱n Salmoo̱ 47:1

¡Ti̱ꞌantsꞌénjnú ndsa̱jnú ngayeje jún xota̱ na̱xi̱ńdá, kó ti̱ꞌantsjàjnúu̱ Néná nga xchaꞌayàtsjájnú!

Xo̱jo̱n Salmoo̱ 68:3

Ta̱nga tsjangatamaa̱ xota̱ xi kixi̱i̱, tsjangatamaa̱ ngindyi̱ko̱n Néná, ¡jo̱o̱n, nga kjínkꞌá má nga tsjangatamaa̱.

Xo̱jo̱n Salmoo̱ 70:4

Ta̱nga tsjangatamaa̱, kó tsjangatꞌieé kjo̱a̱a̱ ji, ngayeje xota̱ xi ji ndyi̱mongasee̱. Kó kui xota̱ xi mejeén kjo̱a̱ꞌnaxiéꞌáa̱, ngatsjéni̱xtjin nga bi̱ nga tsó: ¡Ngatꞌieé kjo̱a̱je Néná!

Xo̱jo̱n Salmoo̱ 93:1

¡Néná boá xi tsꞌénbotixómá, kó jè yajá ńjñoo̱ re! Néná tsajá ńjñoo̱, kó tsꞌénbokó ngaꞌniuú. Jè ꞌniú tikón kui nga̱sondiee̱, kó ka̱matíyájiín.

Xota̱ Roma̱ 13:14

Ta̱sá chja̱ꞌángíi̱ Ndi̱a̱ná Jesukristoo̱ xikoó tsi kui xi ka̱ma ńjño xi xcha̱já, kó ngata̱ niꞌánkjatjosónjínjnú ni xi mejeén yojojnú nga si̱ꞌánjnú.

1 Xo̱jo̱o̱n Peé 5:5

Kó ti̱ tsꞌén míꞌájnúꞌun jún xi xo̱ngòjnú nga cha̱ndikónjnú xota̱ xi xchaá, kó ngayejejnú ja̱kꞌi̱e̱ ja̱ngaján ni̱ma̱kjo̱a̱ ngatamajnú, ngatꞌa̱ bi̱ tsó xo̱jo̱n eén Néná: Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱, tsjaá kjo̱a̱nda.

Ni xi akakoo̱ 19:8

Jè katseꞌéndieè tsi̱ꞌe̱ nga ko̱a̱ja̱ ńjño xi nda, ko̱jo xi tsjie, ko̱jo xi ꞌna̱. Ngatꞌa̱ kuí ńjño ndaa̱ xi bokó nga ni xi kixi̱ katsꞌeén xota̱ na̱xi̱ńdá tsjiee̱.